Luke 6:37 - Loina Nuahuana

³⁷ Ma sahena tomota wa'ahwa'ahwa galegaledi, tabu ma Yehoba wete 'i'ahwa galegalegomi. Ma wete sahena 'iyamiyao wahe'ewadi, ma 'oinega 'omi sahena he'ewa walobaloba. Ma hesi 'iyamiyao mumugadi wanuwasamudi, ma 'oinega Yehoba wete mumugami 'inuwasamudi.

Luke 6:37 Referans Kwoze

Epeso 4:32

ma hesi wahelau hilegomi, 'atemuyemuyega 'iyamiyao 'idi pui wanuwasamudi 'aigeda 'aigeda 'oina, gidemusa Yehoba 'imi puiyao Keliso 'oinega 'inuwasamudiya.

Yemesa 5:9

Tasigwao, sahena waboi walomugi hilegomi, nata gide 'ida Bada 'ibwa'omategomi, ma tauna Toloinaina 'i'iunamo ma 'ilatuma.

Maki 11:25

Wete 'eguma wa'ahwanoi Yehoba 'oina, 'iyamiyao 'idi mumuga wanuwasamudi, 'eguma to'aha 'idi puiyao 'oimiya, bewa 'oinega Tamamiu galewa 'omi wete 'imi puiyao 'inuwasamudi.”

Kolose 3:13

Ma wahe'abi 'abihetegomi 'aigeda 'aigeda 'oimiya, ta sahena 'iyamiyao wa'ahwa'ahwa yaliyedi, ma hesi 'idi pui wanuwasamudi. Weyahina 'ida Bada tauna wete 'imi pui mabwaiyadi 'inuwasamudiya.

Madiu 5:7

Ma 'omi to'atemuyamuya wayaliyaya, weyahina Yehoba wete 'i'atemuyamuyaegomi.

Madiu 18:30

Ma 'iyana 'enana geya 'ihesagohe, ta deliya 'ilaguya, ma 'abehega nobwa 'imiyamiya ma 'ana siga 'ina lowaga mabwaiyana 'ihemaise.

Luke 6:36

Coinega 'omi wete tuwa wahelau, gide Tamamiu 'ihehelau 'esegomi.

Luke 23:16

ma sapimo 'iloba, ma 'oinega yatagwala ma 'itauya.”

Paihowa 3:13

ma hesi Yehoba 'ina waiwaiyega, tauna Ebalahamo ma Aisake ma Yakobo 'idi Yehoba, ta tubudao 'idi Yehoba. Yehobaina 'ina hewali Yesu sanina 'i'abihaneheya, tauna mwalo Pailato nuwanuwana ma 'ilihasi, ma 'omi wamwehihiyeya, ta wa'ahwa galagalaeya Pailato matana.

Yemesa 2:13

Weyahina 'eguma taiya geya 'iyanao 'i'atemuyamuyaedi, Yehoba gidemusa gesowana loheyaina 'i'atemuyamuyae. Ta 'eguma taiya to'atemuyamuya geya'abwa Yehoba 'ina bwa'omatana 'imatamataute.