Luke 6:35 - Loina Nuahuana

³⁵ Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Luke 6:35 Referans Kwoze

Yoni 13:35

Ma 'oinega 'imi helauina tomota baibaiwadi si'ita, ma sisanapugomi 'abehega 'omi moisa 'agu tomuliyao.”

2 Kolinita 8:9

Comi 'ida Bada Yesu Keliso 'ina helau wasanapuya, tauna 'ina wasawasa madouna 'i'ebesineya ma 'iheweweloheya sabi 'abihetegomi, ta 'abehega 'ina hewewelohe 'oinega 'omi wahewasawasa.

Yoni 15:8

Ma 'eguma moisa wamuliya bwaibwainigau, nata huwaimi bwebwe'adi silatu ma 'oidiyega tomota si'ita ma Yehoba sihepwatuwe.

Paihowa 14:17

ma 'ebe he'itao 'oidiya simiyamiya, ta 'abehega 'oidiyega Yehobaina sida sanasanapu. Ma 'ebe he'itaowedi 'ina helauwedi 'oidiya ta 'omi 'oimiya, beno 'wesu galewega ma wete siwaloha bwebwe'ana ma 'oidiyega 'eli'eli bwebwe'ana walobaloba, ta 'oinega wa'ai'ai ma weyahina wayaliyaliyaya.”

Luke 1:32

Tauna nata 'aigeda tohewaiwai madouna, weyahina 'abwa nata tomota si'ita ma weyahina sigwae 'abehega tauna Tomiya Tabwana Natuna, ma Bada Yehoba loina waiwai 'i'ebwae, gide tubuna Debida 'ina loina,

Maki 5:7

Cabwa tuwa 'i'aso'asona ma 'igwae, “Yesu yo, 'owa Yehoba tohewaiwai hedada Natuna, to'aha 'abehega 'utohotoho ma 'upaihowa 'oiguwa? Ya'ahwanoi 'oiuwa Yehoba saninega sahena 'u'abi'abi hemuyemuyegau.”

Madiu 5:9

Comi to'abi henuwadaumwala wayaliyaya, weyahina Yehoba 'i'ahwa natunegomi.

Luke 6:36

Coinega 'omi wete tuwa wahelau, gide Tamamiu 'ihehelau 'esegomi.

2 Timoti 3:2

Weyahina tutaedi 'oidiya nata tomota taudimo weyahidi sinuwanuwatuhu, ma wasawasa 'ana hamwa nata 'imadou 'oidiya, ta sinuwa hanehane ta sigagasa ma wete siheliya. Ma sinadiyao ma tamadiyao 'enadi nata geya sihematamatana, ta tomota 'idi paihowa bwebwe'adi weyahidi nata geya siloyauwedo.