Luke 6:20 - Loina Nuahuana

²⁰ Coinega Yesu 'ana tomuliyaowedi 'i'ebubudiya ta 'ihegwaediya, 'igwae: Ceguma 'omi wewelohemi, wayaliyaya weyahina Yehoba nimana wamiyamiya.

Luke 6:20 Referans Kwoze

Yemesa 2:5

Tasigwao, 'igu gwae bewa wahesagohe, 'abehega Yehoba towewelohe bale'uwa 'ihesinuwediya ma hemisa 'oinega sihewasawasa. Weyahina Yehoba 'ina 'ebeloina 'igwae hemisaeya ma 'oina silatu, 'eguma tauna sihelauweya.

2 Kolinita 8:9

Comi 'ida Bada Yesu Keliso 'ina helau wasanapuya, tauna 'ina wasawasa madouna 'i'ebesineya ma 'iheweweloheya sabi 'abihetegomi, ta 'abehega 'ina hewewelohe 'oinega 'omi wahewasawasa.

Luke 12:32

Ma 'omi moisa Yehoba 'ina sipiyao, 'oinega sahena wa'ate'ateyoho, weyahina tauna 'ihesinuwa paigomiya ma 'ina 'ebeloina 'oina waluhu.

Madiu 25:34

Ma 'oinega toloina taugu taudi 'igu 'ebeula 'oina yahegwaedi ma yagwae, ‘Comi Tamagu 'ina helauwega wayaliyaya, wanaoma ma 'imi 'ebeloinaina wa'ewa, beno bale'u 'ana hemasalaha hohau 'oinega 'i'atububuya weyahimi.

Heꞌitaꞌita 2:9

“Yasanapuya 'atemuyamuyaimi beno 'omi towewelohe, ma hesi wanuwatuhuyahi 'abehega 'omi ma'imi wasawasa ma wete yasanapu pwaiya 'abehega tupwadi Seitani 'ina bodao si'ahwa'ahwa galagalaegomi, ma sigwae 'abehega taudi meYudiya; ma geya. Taudi hesi tuwa Seitani 'ina bodao.

2 Kolinita 6:10

Tauma ma'ima nuwagala ma hesi 'atema 'ayaliyaliyaya. Tauma gide wewelohe, ma hesi wasawasa 'aheheguyai tomota baibaiwadi 'oidiya. Geya wete 'ima tobwatobwamo ma hesiyage ginaula mabwaiyana 'oima simiyamiya.

Yemesa 1:12

Ceguma taiya 'owa 'ebetohonao 'oidiyega 'utoholo pa'ala, 'uyaliyaya, weyahina 'a maisa bwebwe'ana Yehoba 'oinega 'abwa 'uloba, beno yawasi hataya. Bewa Yehoba 'ina gwaehemisa mabwaiyada 'oida, 'eguma tahelauwe.

2 Tesalonaika 1:5

Bewa 'ebe'ita ma 'oinega Yehoba 'ina loina dumwaluna tasanapu, weyahina 'ami mwauwedi 'oidiyega 'i'abihe pa'aligomi, ma 'ane 'ina 'ebeloina 'ana lugu 'ilobwainegomi.

1 Tesalonaika 1:6

Coinega bo'i wahe'au'aunawemaiya, ma wete 'ida Badaina wahe'au'aunaweya, ta wamiya mwauwa, ma hesi tetelaina wa'eweya ma'imi yaliyaya, ta yaliyayaina Yaluyaluwa Tabuna 'oinega 'itauyama.

2 Kolinita 8:2

Taudi towewelohe gide tuwa 'ebetohona silobeya 'idi miya 'ana mwau 'oinega, ma hesi tuwa ma'idi yaliyaya helau bwebwe'ana hedade silaguya.

Paihowa 14:22

Ta 'idi lohihilaina 'oina Yesu 'ana tohemisao sigihe pa'alidiya 'asa 'aigeda 'aigeda 'oidiya, ta siguguyediya ma gesowana 'idi hemisa 'ida we'awe'a, ma sigwaeya, “Moisa 'abwa 'ida muya baibaiwadi 'oidiyega taluhu Yehoba 'ina 'ebeloina 'oina.”

Luke 14:15

Ta ba'idanao si'ai'ai, ma 'aigeda 'oidiyega gwae bewa 'ihesagoheya, ta Yesu 'ihegwaeya, 'igwae, “Cehe gide! Ceguma taiyewedi siluhu Yehoba 'ina 'ebeloina 'oina ma si'ai, siyaliyaya madouna.”

Luke 13:28

Ma 'oinega 'abwa 'eguma Ebalahamo ta Aisake ta Yakobo ma wete palopitao mabwaiyadi mahetediyao wa'itadi Yehoba 'ina 'ebeloina 'oina simiyamiya, ma 'omi ma'imi dou ta ma'imi hesala'i'ita tutaina 'oina, 'eguma 'atamana wamiyamiya.

Luke 4:18

“Bada Yaluyaluwana 'oiguwa 'imiyamiya. Tauna 'ihesinuwegauwa ma towewelohe 'oidiya tetela bwebwe'ana yaguguyae. Ma paipaidi wete 'oidiya 'ihesumanegauwa ma 'adi lihasa weyahina yahepwaila. Ma tomata gibugibu wete matadi 'idi 'asilala hila weyahina yahepwaila. Ma wete 'ihesumanegauwa ma tomiya mwau 'adi 'alehao nimadiyega ya'etolihasidi.

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Luke 16:25

“Ma Ebalahamo 'ihegwaeya, 'igwae, ‘Natugu, 'usanapuya 'abehega mwalo yawasiu mabwaiyana yaliyayamo, ma hesi Lasalo geya 'aigeda 'ebeyaliyaya 'iloba. Coinega bewa tutaina tauna ma'ina yaliyaya, ma 'owa 'umuyamuya.

Madiu 5:1

Yesu boda madouna 'i'itediya, 'oinega 'i'ebesinediya ma 'ihaneya 'oyai ma 'imiyatoiya, 'oina, ma 'ina tomuliyao wete sihanema.