Luke 6:12 - Loina Nuahuana

¹² Tuta nage 'oina Yesu 'ihaneya 'oyai, ma nobwa hinuwana mabwaiyana Yehoba 'oina 'i'ahwa'ahwanoi.

Luke 6:12 Referans Kwoze

Ibeliu 5:7

Mwalo Yesu bale'uwa 'imiyamiya ma'ina dou 'i'ahwa 'ahwanoiya Tamana 'oina, ta nuwanuwana 'amasega 'i'abihete, 'oinega 'i'abiheteya weyahina Yesu Tamana 'ihe'asisiyeya.

Maki 6:46

Coinega sigeluwa ma Yesu boda 'ihetauidiya, ma muliyetega 'ihaneya 'oyai sabi 'ahwanoi Yehoba 'oina.

Maki 1:35

Ci'iuna ma gona 'i'adale, Yesu 'itoholowa ma hadega 'ilatuwa, 'iboi 'inaowa yoho 'awawa, 'i'ahwanoiya Tamana 'oina.

Kolose 4:2

Wa'itayahigomi ma sahena 'imi 'ahwanoi siwe'awe'a, ma hesi waloyauwedo Yehoba 'oina, ma wahe'alama'i'itana 'imi 'ahwanoi 'oidiya.

Madiu 6:6

Ma 'owa 'eguma 'u'ahwanoi, 'uluhu nugeta 'ino hada 'alona ma 'uhadagudu ma 'u'ahwanoi dahwana Tamadaina 'oina, ma taunamo 'i'itago ma muliyetega maisa bwebwe'ana 'i'ebwaego.

Madiu 5:1

Yesu boda madouna 'i'itediya, 'oinega 'i'ebesinediya ma 'ihaneya 'oyai ma 'imiyatoiya, 'oina, ma 'ina tomuliyao wete sihanema.

Maki 3:13

Muliyetega 'oyai 'ihaneya, ma tupwadi 'ana tomuliyaowedi 'ihesinuwediya ma 'ibwauwediya, sihanema 'oina.

Luke 5:16

ma hesi tuta baibaiwana boda 'oidiyega 'itautauya wasiwasi ma 'i'ahwa'ahwanoi Yehoba 'oina.

Luke 6:11

Nage 'oina Palisiyao ma'iyadiyao sigamwasowala bwaibwaina, ta siboidimo 'oidiya sigwae, “Loheya bewa togidega ta'abihelolagu 'ese?”

Luke 6:17

Ma mabwaiyadi ba'idanao 'oyega sisuluma 'wabu 'oina, sitoholowa. Cwabuina 'oina boda madouna simiyamiya, taudi sinaoma Yudiya ta Yelusalema 'oidiyega, ma wete Taiya ta Saidoni tupwa holega.

Luke 9:18

Ta Yesu ma'ana tomuliyao sitauya, ma muliyetega Yesu 'iboi 'imiyamiya, ma Yehoba 'oina 'i'ahwa'ahwanoi. Ma 'ina 'ahwanoi 'igumwala ta 'ana tomuliyao 'ihesilala 'oidiya, 'igwae, “To'aha tomota 'idi gwae weyahigu, 'abehega taiya taugu?”

Luke 9:28

Gwaeyedi bewa sigumwala ma gide wiki 'aigeda mulina, Pita ta Yoni ta wete Yemesa Yesu 'itoediya, ma mahetenao sihaneya 'aigeda 'oya 'oina sabi 'ahwanoi Yehoba 'oina.

Luke 9:29

Ma 'abwa tuwa Yesu 'i'ahwa'ahwanoi, ma manina 'ana 'ita 'ibuiya ta wete 'ana 'ale'o wa'ewa'e'ena moisa.

Yoni 6:3

Coinega Yesu ma'ana tomuliyao sihaneya 'oyai simiyatoiya.