Luke 5:26 - Loina Nuahuana

²⁶ Eeta boda mabwaiyadi nuwadi 'ihenainaida madouna, ta ma'idi he'asisi Yehoba sihepwatuweya, ma sigwae, “Nige 'aigeda 'ebe henainaida ta'iteya.”

Luke 5:26 Referans Kwoze

Madiu 9:8

Ma bodaedi paihowa bewa si'iteya ma ma'idi he'asisi Yehoba sihehepwatuwe, weyahina tauna Yesu 'ana to'abihewaiwai.

Luke 7:16

Nage 'oina tomotaiyao simatauta ma Yehoba sihepwatuweya, sigwae, “Palopita madouna bewa 'ilatu pwaima. Bewa Yehoba 'ina habo'ena tauda 'ina tomotaiyao 'oida.”

Paihowa 4:21

Coinega siheliyediya ma muliyetega silihasidiya. Geya 'idi pui 'eta silobaloba ma weyahina maisa mwauna sida 'ebwaedi, ma hesi boda mabwaiyadi Yehoba sihepwatuweya.

Luke 8:37

Coinega meGelasine mabwaiyadi simatauta madouna, ma Yesu silohesohesoiyeya ma 'abehega 'i'ebesinedi. Coinega Yesu 'idobiya wagai ta 'igeluwa, ma sitauya.

Luke 5:8

Nage 'oina Saimoni Pita silahana 'ana baibaiwa 'i'itediya, ta Yesu 'ahena 'i'etuluha, ma Pita 'igwaeya, “Bada, 'u'ebesinegau, weyahina taugu togala.”

Maki 2:12

Ma 'itoholowa, 'ina 'ebe'eno 'i'ahaliya, ma boda matadiya 'ilatuwa. Nage 'oina boda mabwaiyadi nuwadi 'ipwanopwanowa, ma Yehobaina sihehepwatuwe, sigwaeya, “Paihowa bewa ma'aigeda tuwa ta'iteya.”

Madiu 28:8

Coinega wahiwahineyedi ma'idi matauta, ma wete ma'idi yaliyaya, galiha si'ebesineya ma sipili mwayamwayauwa, 'abehega Yesu 'ana tomuliyao 'oidiya ginaula bewa sida hepwaile.

Madiu 12:23

Coinega tomota mabwaiyadi nuwadi 'ihenainaida ma sigwae, “Bewa To'abihetenaina, Debida 'ina susuwega, 'awa?”

Galetiya 1:24

Coinega tohekalesiyaowedi Yehoba sihepwatuweya 'igu nuwabui weyahina.

Luke 1:65

Eeta 'iyanaowedi mabwaiyadi simatauta. Muliyetega tetelaina 'i'edadana Yudiya 'oyana ma tupwanao mabwaiyadi 'oidiya.