Luke 5:14 - Loina Nuahuana

¹⁴ Coinega Yesu loheyaina 'oina 'ilohatoto, 'igwaeya, “Cutautau ma gesowana 'aigeda taiya wete 'oina 'uhehepwailegau, ma hesi 'utau topwaoli 'oina ma 'i'itago, ma 'oinega 'ino pwaoli 'u'ebwae Yehoba 'oina, to'aha gide 'ada loina Mosese 'oinega, ma 'oinega tomota sisanapugo 'abehega 'ubwebwe'ana pwaiya.”

Luke 5:14 Referans Kwoze

Luke 17:14

Coinega 'ilo'itahila ma 'ihegwaediya, “Watauya ma topwaoli 'oidiya wahe'itaegomi.” Ma sitautauya 'edai ta 'adi lepelo 'igumwala,

Madiu 8:4

Coinega Yesu 'ihegwaeya, “Cutauya ma sahena 'eta taiya 'oina 'uhehepwailegau, ma hesi dumwadumwaluna 'utauya topwaoli 'oina ma 'i'itago, ma 'oinega 'upwaoli Yehoba 'oina to'aha gide 'ada loina Mosese 'oinega, ma tomota sisanapugo 'abehega 'ubwebwe'ana pwaiya.”

Madiu 12:16

ma wete 'ihegwaediya ma 'abehega sahena sihehepwaila dadane tomota 'oidiya.

Madiu 9:30

ma matadi si'asilala. Ma Yesu loina pa'alina 'i'ebwaediya, 'igwae, “Sahena taiya 'oina wahehepwailegau.”

Luke 9:5

Ma 'eguma to 'asa 'oina geya sitoegemi 'idi hada 'oidiya, gogoina namonamoina 'ahemiyega walohutuhutu yahuledi ma wa'ebesinedi, ma 'oinega wahe'itadi 'abehega nata mwau 'oidiya 'ilatu.”

Maki 6:11

Ma hesi 'eguma 'asa tupwadi 'oidiya walatu ma tomotaedi geya sibwauwegomi ma wete geya 'imi loguguya sihesagohe, 'asaedi 'ahemi gawalana 'oina walohutuhutu yahule ma wa'ebesine, ma 'oinega wahe'itadi 'abehega nata mwau 'oidiya 'ilatu.”

Madiu 10:18

ma sitoegomi ma sitauyegomi toloinao ma kiniyao matadiya ma sihe'ewegomi, weyahina 'omi 'abehega 'igu bodao, ma wasagu 'oidiya wahepwaile, ma wete tupwa 'atamana tomotaedi 'imi hepwaila sihesagohe.

Luke 5:13

Ma Yesu nimanega loheya 'wapina 'i'abi tohoya ma 'igwae, “Cehe, bwebwe'ana! Cu'ehau.” Ma loheyaina 'ana lepelo 'igumwala mwayamwayauwa.