Luke 4:40 - Loina Nuahuana

⁴⁰ Ma hesi sinala 'isopu pwaiya, ma tomota 'idi tolohalao 'adi lohalao hagadi ma hagadi sitoedima Yesu 'oina, ta mabwaiyadi 'aigeda 'aigeda 'i'abitohodiya ta sibwebwe'ana.

Luke 4:40 Referans Kwoze

Maki 5:23

ma 'i'ahwanoi waiwai, 'igwaeya, “Bada, natugu mewahinena 'ana lohala 'imwau hedada. Tauna gwamasine tuwa. Nuwanuwagu 'unaoma 'u'abitoho ma 'ibwebwe'ana, ma sahena 'i'ama'amasa.”

Paihowa 19:12

ta 'ana 'amweyahi 'ana 'ebe sauwao ta 'ana 'ale'owao si'ewediya ma tolohalao 'oidiya si'abihe pa'idiya, ta 'adi lohala sigumwagumwala, ma wete hi'ahi'a siula latuhediya.

Paihowa 5:15

Ma wete tolohalao sitoedima ma'ebe'enoidi ma silagudiya Pita 'ina 'ebetauyao 'oidiya, ma 'abehega Pita loguloguna 'ida 'abihe bwebwe'anedi.

Madiu 14:13

Ta Yesu tetelaina bewa 'ihesagohediya, 'oinega 'ilatuwa ta wagai 'igeluwa, 'itauya tupwa yoho 'awawa. Ma boda Yesu tetelina sihesagoheya, ta 'idi 'asa 'oidiyega silatuwa, ma 'edega sitauya Yesu 'oina.

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Maki 6:5

Coinega Yesu nuwana 'ihepwanopwanowa weyahina tomotaedi geya sihemise, eeta geya sawasawahina ma paihowa waiwaidi 'ebwa 'ipaihowadi. Beno tuwa tolohalao tupwadi 'i'abi tohodiya ma sibwebwe'ana. Coinega Yesu 'isakowasiya 'asa 'oidiya, 'ihehe'ita.