Luke 4:34 - Loina Nuahuana

³⁴ “Ya! Yesu 'owa gwama Nasaleta, to'aha lamuna ta 'unaoma 'oima? Nuwanuwau 'abehega 'umutumai, 'awa? Ma 'owa hesi yasanapugowa, 'owa tuwa Yehoba Natuna.”

Luke 4:34 Referans Kwoze

Yemesa 2:19

Cowa 'uhemisa 'abehega Yehoba 'iboi 'aigeda. Beno bwebwe'ana. Ta 'unuwatuhuyahi 'abehega Tomudulele ma 'iyanao taudi 'idi hemisa gidemusa, ta wete ma'idi matauta.

Madiu 8:29

Siteluwaedi Yesu si'iteya ma sitala'asona, sigwae, “Cei! Cowa Yehoba Natuna, to'aha 'utohotoho ma 'abehega 'upaihowa 'oima? Cabehega tuta bewa 'unaoma sabi 'abihe muyemuyemai ma muliyetega heyatala?”

Paihowa 3:14

“Moisa tuwa, Yesu tauna loheya dumwaluna ma bwebwe'ana, ma hesi walogwahateya, ta tomota 'adi tolohe'amasa 'aigeda nuwanuwami, ta weyahina Pailato 'oina wa'ahwanoiyeya.

Heꞌitaꞌita 3:7

Aneloseina totapwalolowedi Piladelipiya 'oina 'i'ita'itayahidi 'ina leta 'ulele mePiladelipiya weyahidi ma 'ugwae: Tetela bewa 'itauyama tauna bwebwe'ana ma dumwaluna 'oinega, ma wete tauna nimana kihiina mwalo Debida 'ina 'ebeso'eina 'i'abi'abiyahi, ma 'eguma 'ahwa'eda 'iso'e, geya 'eta taiya sawasawahina ma 'igudu, ma wete 'eguma 'igudu, geya 'eta taiya sawasawahina ma 'iso'e.

Luke 4:41

Ma wete tupwana baibaiwadi 'oidiyega hi'ahi'a silatulatu ma siwuiwui, sigwaeya, “Moisa 'owa Yehoba Natuna!” Ma Yesu 'i'ausidiya ma sahena gide sigwaegwae 'esa, weyahina sisanapu pwaiya 'abehega tauna To'abihetenaina Yehoba 'oinega.

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Heꞌitaꞌita 20:2

ta hebai bwehabwehalina 'i'abiyahiya, tauna mwata nugenugetana ma Tomuduleleina, beno Seitani, ta 'ipaiya ta 'ana siga bolime tausani sigumwala.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.

Ibeliu 2:14

Moisa tuwa, Yesu 'ina gwagwamao tauda tomota mahesiyoda ma mabweyahida, 'oinega Yesu wete 'iheloheya ta loheya wahina 'i'eweya ma 'i'amasa, ma 'abehega 'ina 'amasega Tomudulele 'ilohesawali, ma Tomuduleleina 'ina loina 'amasa weyahina 'ilohesawaliya.

Paihowa 16:39

Coinega sinaoma deliya, ma 'atemuyemuyega sigwae helauwa Paulo ma Sailasa 'oidiya, ma deliyega sitoe hapwesediya, ta si'ahwanoiya 'oidiya, nuwanuwadi ma si'ebesinedi, sitauya hali 'asa.

Paihowa 4:27

“Moisa gogo bewa 'alona si'eto'autama ma Yesu si'aleha, tauna 'ino hewali dumwaluna ma hesihesinuwaina, taudi to'alehaowedi beno Helodi, ma Ponitio Pailato, ma meYudiya ma wete taudi geya meYudiya,

Paihowa 2:27

Taugu 'ino loheya hesihesinuwaigu, eema sahena yaluyaluwagu 'ulagulagu hataya to'amasao 'idi gogowa, ma gesowana wete 'wapigu 'imwahulu.

Luke 8:37

Coinega meGelasine mabwaiyadi simatauta madouna, ma Yesu silohesohesoiyeya ma 'abehega 'i'ebesinedi. Coinega Yesu 'idobiya wagai ta 'igeluwa, ma sitauya.

Luke 8:28

Coinega loheyaina Yesu 'i'iteya ma 'ibwau ta 'ibe'u 'eno talutalubu'iya, ma 'ibwau waiwaiya, 'igwae, “Yesu yo, 'owa Yehoba Tohewaiwai hedada Natuna, to'aha 'utohotoho ma 'abehega 'upaihowa 'oiguwa? Tuwa! Sahena 'u'abi'abi hemuyemuyegau.”

Maki 5:7

Cabwa tuwa 'i'aso'asona ma 'igwae, “Yesu yo, 'owa Yehoba tohewaiwai hedada Natuna, to'aha 'abehega 'utohotoho ma 'upaihowa 'oiguwa? Ya'ahwanoi 'oiuwa Yehoba saninega sahena 'u'abi'abi hemuyemuyegau.”

Maki 1:34

Coinega tolohalao mabwaiyadi ma wete taudi hi'ahi'a 'i'abi hebuwediya mabwaiyadi Yesu 'i'abihe bwebwe'anediya. Ma hi'ahi'a 'i'ausidiya, 'igwae, “Geya'abwa wahehepwailegau,” weyahina Yesu sisanapuya.

Luke 4:33

Ma hada tapwaloloina 'oina 'aigeda loheya 'imiyamiya, ma loheyaina 'oina hi'ahi'a* mwalo 'iluhuwa ta 'imiyamiya, 'oinega loheyaina 'enana madounega 'ibwauwa 'igwae,