Luke 3:23 - Loina Nuahuana

²³ Ma tutaina Yesu 'ana bolime gide teti 'ilobeya, 'ina paihowa tomota 'oidiya 'ihegaineya. Ma tomota sinuwatuhuya 'abehega Tauna tamana Yosepa. Ta Yosepaina tamana Heli,

Luke 3:23 Referans Kwoze

Madiu 13:55

Ma wete sigwae, “Nuwana loheya bewa to'abi'abi hada natuna? Ma sinana Meli, ma tasinao Yemesa ma Yosepa ma Saimoni ma Yudasa,

Paihowa 1:1

Cae Tiyopilo, mwalo bukiina yalele nugeteya 'alona Yesu 'ina paihowao ma 'ina he'itao,

Yoni 6:42

Ma siboidimo 'oidiya sigwae, “Loheya bewa Yosepa natuna, sanina Yesu, 'awa? Tamana ma sinana wete tasanapu pwaidiya, ma togidega ta 'igwaeya 'abehega tauna galewega 'isuluma?”

Luke 4:22

Ma taudi nuwadi 'ihenainaida moisa, 'oinega 'ina gwaeyedi bwebwe'adi weyahidi sihepwatuweya, sigwae, “Loheya bewa Yosepa natuna, 'awa? Ma togidega hede?”

Maki 6:3

Ma sigwaeya, “Loheya bewa to'abi hada tuwa. Ma sinana Meli, ma tasinao Yemesa ta Yosese ta Yudasa ta Saimoni, ta wete nuhunao ba'idadao tamiyamiya, 'awa?” Coinega Yesu silogwahateya.

Madiu 4:17

Tuta nage 'oina Yesu 'ina lohatoto 'ihegaina ta 'igwae, “Cimi paihowa galadi 'oidiyega wanuwabui, weyahina nata ma Yehoba 'ihetoloina 'oida.”

Madiu 1:16

Yakobo natuna Yosepa, tauna Meli mwanena, ma Meliina natuna Yesu. Yesu tauna sihesaniyeya To'abihetena.

Luke 3:31

ma Ilayakimi tamana Meliya, ma Meliya tamana Mena, ma Mena tamana Matata, ma Matata tamana Nadani, ma Nadani tamana Debida,

Madiu 1:6

Yese natuna Debida tauna kini, ma Debidaina Ulaiya mwanena 'ihematabaleya ma 'ihaiya ta natudiu Solomoni.

Madiu 1:1

Lele bewa To'abihetena Yesu tubunao nugenugetadi weyahidi. Yesu tubuna hauhauna Debida, ma tubuna nugenugetana Ebalahamo.

Luke 2:48

Ta wete tutaina tamana ma sinana si'iteya nuwadi 'ihenainaida, ta sinana 'ihegwaeya, 'igwae, “Natugu, to'aha weyahina bewa gidemusa 'upaihowa 'eseya, ta 'oinega ma'ima nuwagala tamau ba'idagu 'abesebesego?”

Yoni 1:45

Muliyetega Pilipi Nataniyela 'ilobeya, ma 'ihegwaeya 'igwae, “Nataniyela, loheyaina sigwaegwaeneya 'alobeya. Tauna mwalona Mosese 'ina buki 'oina weyahina 'ihehegwaegwae. Palopitao 'idi lele 'oidiya wete weyahina sihegwaegwaeneya. Tauna tuwa Yesu, tamana Yosepa, Nasaleta loheyaina.”