Luke 23:42 - Loina Nuahuana

⁴² Coinega loheyaina Yesu 'ihegwaeya, “Yesu, 'abwa 'ino hetoloina 'ana tuta, sowasowahina ma 'unuwatuhugau?”

Luke 23:42 Referans Kwoze

Paihowa 16:31

Ma Paulo ma Sailasa sigwaeya, “Ceguma Bada Yesu 'oina 'uhemisa, nata 'owa ma'ino susuwao wete 'abihetena waloba.”

Luke 12:8

“Ma bewa wete wasanapu bwaibwaini: Ceguma taiyawedi weyahigu tomota matadiya sihepwaila, taugu Loheyaiguina nata weyahidi yada hepwaila Tamagu 'ina aneloseyao matadiya.

Luke 18:13

“Ma hesi takesi 'ana to'ewaina bwagebwagega 'itoholowa, ta ma'ina debamwadina lumalumana 'itutuya, ma 'ituluha ta 'i'ahwanoi, 'igwaeya, ‘Yehoba yo, 'usanapu pwaigauwa 'abehega taugu togala, 'oinega 'u'atemuyemuyegau!’”

1 Yoni 5:1

Ceguma mabwaiyada Yesu tahemise 'abehega tauna To'abihetena, tauda Yehoba natunao. Ma wete 'eguma Tamana tahehelauwe, natuna gidemusa tahelauwe.

Paihowa 20:21

ta 'igu he'ita 'oimiya tuwa mahemahetena, 'omi meYudiya, ma 'omi hali tupwa tomotaiyao, mabwaiyami yaguguya 'oimiya ta 'abehega mumugami galadi 'oidiyega wanuwabui Yehoba 'oina ma Bada Yesu wahemise.

Luke 24:26

To'abihetenaina 'ilobwaine bwaibwainiya ma muyamuyaedi 'ida lobadi ma 'oinega muliyetega sanina 'ihemadou.”

1 Pita 1:11

Ma Keliso Yaluyaluwana 'atediya 'ihe'ita nugetediya 'ina muyao ma 'ina wasawasa muliyetega weyahidi eeta palopitaowedi sanapu si'ebeseya to tuta 'oina ma togidega 'abihetenaina 'ida hapwesa 'esa.

Yoni 20:28

Coinega Tomasi 'igwae hila, ma 'igwaeya, “Cowa moisa 'igu Badaina ma wete 'igu Yehobaina.”

Yoni 1:49

Coinega Nataniyela Yesu 'ihegwaeya 'igwae, “Cinapwana, 'owa moisa Yehoba natuna. Ma wete 'owa meIsileli 'ima kini.”

Luke 23:41

ma loinaina 'owa ma taugu 'ilobwainegita, weyahina tauda togala, ma loheya bewa geya 'eta 'ina puimo.”

Luke 23:43

Ma Yesu 'igwaeya, “Yagwae moisa 'oiuwa, 'owa ma taugu tupwa 'ausalana 'oina nata tamiyamiya.”