Luke 22:61 - Loina Nuahuana

⁶¹ Coinega Yesu 'i'ita hila ta Pita 'i'iteya, ta nage 'oina Pita 'inuwatuhu yahiya Badaina 'ina gwae tutaina 'igwaeya, “Nata muliyetega ma 'am'am 'idoudou ma nugeta 'owa 'uuhalegau matoi.”

Luke 22:61 Referans Kwoze

Luke 22:34

Ma Yesu 'ihegwaeya, “Pita, yagwae moisa 'oiuwa, nata muliyetega ma 'am'am 'idou, ma nugeta 'owa 'uuhalaegau matoi.”

Heꞌitaꞌita 2:5

Mwalo bwebwe'ami, ma wanuwatuhu ta'eha 'oinega wabe'uwa, 'oinega wanuwabui hila ma wapaihowa bwebwe'ana, gide mwalo. Ma 'eguma 'abwa geya wanuwabui, nata yatauyawa 'oimiya ma 'imi mayale 'oimiyega ya'ewa yahule.

Epeso 2:11

Comi geya meYudiya ta 'asa ganamuli tomotainao, ma meYudiyaedi taudi natudiyao loheloheyadi 'wapidi si'upwa'upwadi, 'adi 'ila'ilala sipaipaihowa, ma sisinaligomiya, weyahina geya wahimi 'adi 'ila'ilalamo.

Paihowa 5:31

ma 'i'abilagasiya tauna 'ina 'ebeulega 'abehega tauna To'abihetena ma Tohanugeta, ma wete tauna To'abihenuwabui meIsileli tauda weyahida, ma 'oinega 'ida puiyao 'inuwasamudi.

Yoni 13:38

Coinega Yesu 'igwae, “Cino gwaeyedi geya yahemisaedi, ma hesi 'oiuwa yahepwaila dumwalu nata nihuwanega 'umwehihiyegau matoi, 'abwa muliyetega 'am'am 'idou.”

Luke 10:41

Ta Yesu 'igwaeya, “Malida, togidega ma ginaula mabwaiyana weyahidi 'unuwanuwatuhu,

Luke 7:13

Ta Yesu hiwapeina 'i'iteya, ma 'i'ate muyamuyaeya, ma 'ihegwaeya, “Sahena 'udoudou.”

Maki 5:30

Ta Yesu 'ilotohoya 'abehega waiwai 'oinega 'ilatuwa, ma 'i'ita lohihila, ma boda 'ihesilalediya, 'igwae, “Taiya 'agu 'ale'o 'i'abitohoya?”

Madiu 26:75

ma Pitaina 'inuwatuhuya Yesu 'ina gwaeina 'abehega “Muliyetega ma 'am'am 'idou ma 'owa matoi 'umwehihiyegau.” Cinuwatuhuya, ma'ina nuwagala 'ihapwesa, ta 'idouwa madouna.

Madiu 26:34

Ma Yesu Pita 'ihegwaeya, “Yagwae moisa, nihuwana nata, muliyetega 'abwa 'am'am 'idou, ma 'owa matoi 'uuhalegau.”

Luke 7:19

Coinega 'ana tomuliyao 'eluwa 'ibwauwediya ma 'ihegwaediya, 'igwae, “Watauya ma badaina wahesilale, nuwana tauna To'abihetenaina weyahina mwalo yagwaegwaeya, bo hali loheya wete tayamwa?”

Luke 22:60

Ma Pita 'igwaeya, “Ciyagu, loheyaina weyahina 'ugwaegwae geya yasanapu.” Cabwa 'igwaegwae ma 'am'am meloheyana 'idouwa.

Luke 22:62

Eema Pita nuwana 'igala madouna, ta 'ilatuwa 'atamana, ta 'idouwa.