Luke 22:41 - Loina Nuahuana

⁴¹ Ta muliyetega 'ana tomuliyao 'oidiyega 'ihawasiya, ta taunamo nobwa 'ahena 'itulaseya, ta 'i'ahwa'ahwanoi Tamana 'oina,

Luke 22:41 Referans Kwoze

Madiu 26:39

Ma 'ihanaowa tupwana ta 'ibe'usuluwa, 'i'ahwanoi, 'igwaeya, “Tamagu yo, 'eguma sawasawahina muyamuya biyoina bewa 'oiguwega 'u'ewa ma geya'abwa yanumanuma, ma hesi geya'abwa 'igu nuwatuhuwega, 'owa tuwa 'ino nuwatuhu gide 'upaihowe.”

Maki 14:35

Ma Yesu 'ihutulaga tupwana ma 'ibe'u talutalubu'iya ma 'i'ahwa'ahwanoi 'abehega 'eguma sawasawahina muya bewa Yehoba 'i'ewa yahule,

Luke 18:11

Coinega Palisiina 'itoholowa ma 'i'ahwanoiya, 'igwae, ‘Yehoba yo, yaloyauwedo 'oiuwa weyahina taugu geya gide 'iyagwao mumugadi, weyahina taudi toyagaha hedade, ma 'abo'aboidi, ma lologwalidi, ma wete taugu geya gide takesi 'ana to'ewa nage.

Luke 18:13

“Ma hesi takesi 'ana to'ewaina bwagebwagega 'itoholowa, ta ma'ina debamwadina lumalumana 'itutuya, ma 'ituluha ta 'i'ahwanoi, 'igwaeya, ‘Yehoba yo, 'usanapu pwaigauwa 'abehega taugu togala, 'oinega 'u'atemuyemuyegau!’”

Paihowa 7:60

Ta 'i'ahetulasa, 'ibwau 'enana madounega, 'igwaeya, “Bada yo, 'idi mumuga galana bewa geya'abwa 'uhehemaise 'oidiya.” Cina gwaeina 'igumwala, ta yawasina 'igumwala.

Paihowa 9:40

Ma Pita 'iloinaediya ta hadega sihapwesa, ma taunamo 'imiyamiya ma 'i'ahetulasa ma 'i'ahwanoi Yehoba 'oina, 'oinega 'i'ita hila ma wawanina 'ihegwaeya, 'igwae, “Tabita 'utoholo.” Ta Tabita matana 'iyahaliya ma Pita 'i'iteya, 'oinega 'eno'enowega 'imiyatoiya.

Paihowa 20:36

Paulo 'ina gwae bewa 'igumwala ta 'ahena 'itulaseya, ma mahetenao si'ahwa'ahwanoi Yehoba 'oina.

Paihowa 21:5

Ta 'oinega 'ima sabwelo nobwa sigumwala, ma 'agogona 'adobiya wagai, ma taudi mamwanediyao ma manatudiyao sidobihemaiya 'asa papalina, ta holai 'ahema 'atulaseya ma Yehoba 'oina 'ahwa'ahwanoi. Coinega 'aloyauwedowediya,

Ibeliu 5:7

Mwalo Yesu bale'uwa 'imiyamiya ma'ina dou 'i'ahwa 'ahwanoiya Tamana 'oina, ta nuwanuwana 'amasega 'i'abihete, 'oinega 'i'abiheteya weyahina Yesu Tamana 'ihe'asisiyeya.