Luke 22:3 - Loina Nuahuana

³ Nage 'oina Seitani Yudasa 'oina 'iluhuwa, tauna sanina heluwena Isakaliyota, ma wete tauna Yesu 'ana tomuliya 'aigeda site tuwelo 'oidiyega.

Luke 22:3 Referans Kwoze

Yoni 13:2

Sauga nage 'oina Yesu ma 'ana tomuliyao nima bwaubwau ma 'eluwa mahetenao si'ai'ai. Ma Yudasa Isakaliyota, tauna Saimoni natuna, Seitani 'oina 'iluhu pwaiya 'ihenuwa laguweya ma 'abehega Yesu 'itebae.

Yoni 13:18

“Cigu gwae bewa geya 'abehega mabwaiyami weyahimi, ma hesiyage taiyawedi taudi yahesinuwana pwaidiya weyahidi yahehegwaegwae. Ma hesi Buki He'asisi 'oina hali loheya weyahina 'ihepwaila, 'ana moisa 'ilatu bwaibwaina tutaina 'igwae, ‘Loheyainaina tauna 'ana ya'ebwa'ebwaeya, tauna tuwa loheyainaina nata 'imiya lohihila ma 'ilo'alehegau.’

Paihowa 5:3

Pita 'ihegwaeya, 'igwae, “Ananaiyasi to'aha weyahina Seitani nuwau 'i'eweya ma tanoha 'ana maisa tupwana 'udahweya? Beno 'ino 'abo Yaluyaluwa Tabuna 'oina.

Luke 22:21

ma wa'ita, loheyaina tauna nata 'itebaegau tuta bewa ba'idagu 'a'ai'ai.

Yoni 12:6

Yudasa 'ina gwae geya 'abehega moisa wewelohe weyahidi 'ihehegwaegwae, ma hesi tauna tuwa weyahina 'ihehegwaegwae. Tauna tuwa toyagaha 'aigeda ma Yesu 'ana tomuliyao 'idi mane 'ana to'ita yahina tauna. Coinega 'idi maneina 'i'ita'ita yahi ma maneinaina 'oinega 'iyagayagaha.

Luke 6:16

ma wete Yudasa tauna Yemesa natuna, ma wete Yudasa Isakaliyota, tauna 'abwa Yesu 'itebae.

Madiu 26:23

Ma Yesu 'ihegwaediya, “Loheyaina tauna ba'idagu gaeba 'aigeda 'oinega 'a'ai'ai, tauna nata 'itebaegau.

Madiu 4:10

Coinega 'iheliyeya 'igwae, “Seitani 'u'ebesinegau. Buki He'asisi 'alona loina 'imiyamiya 'abehega, ‘Cino Bada Yehoba namo 'oina 'u'etuluha ma taunamo 'ina gwae 'uhematamatanedi.’”

Madiu 10:4

ma wete hali Saimoni, tauna to'ala'ohe'ohe Isileli 'ina miyawasi Loma weyahina, ma Yudasa Isakaliyota, tauna 'abwa Yesu 'itebae.