Luke 22:26 - Loina Nuahuana

²⁶ ma 'omi sahena gide taudi, ma hesi taiya tauna 'oimiyega lohanena 'ida loduduna tauna gide tuwa 'imi hewali, ma wete 'imi tohanugetao sida hetopaihowa weyahimi.

Luke 22:26 Referans Kwoze

1 Pita 5:5

Coinega wete 'omi tubu hanehaneyao sowasowana babadao wahe'asisiyanedi, ma mabwaiyami wanuwadobi ma 'aigeda 'aigeda 'oimiya wahelemalema hilegomi. Gidemusa tuwa Buki He'asisi 'ina gwae gide, 'igwaeya, “Yehoba tonuwahane 'i'ausidi, ma hesi tonuwadobi 'ihelauwedi.”

1 Pita 5:3

Ma geya'abwa watoho ma wahetoloina 'oidiya, ma hesi mumuga bwebwe'ana wahe'itae 'oidiya, ma simuliyegomi.

Luke 9:48

ma 'ihegwaediya, “Gwama bewa wa'ita. Ceguma taiya 'owa gwama bewa weyahigu 'uhelauwe, 'owa beno 'uhelau pwaigauwa, ma wete 'agu Tohewasaina 'uhelau pwaiyeya. Coinega 'eguma taiya 'oimiyega sanina geya madouna tauna 'ihane hedadeya.”

Maki 9:35

Coinega Yesu 'imiyatoiya ma site tuwelo 'ibwauwediya ma 'ihe'ita 'oidiya, 'igwaeya, “Ceguma taiya 'owa nuwanuwau ma 'oimiyega 'uhebada, 'ilobwainegowa ma 'uboi 'ugihesuluhego ma 'uhetopaihowa 'iyamwao weyahidi.”

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

Madiu 20:26

ma 'omi sahena wete gide taudi wapaihowa 'ese. Ma 'eguma taiya 'owa nuwanuwau ma 'oimiyega 'uhetoloina, 'ilobwainegowa ma 'iyamwao weyahidi 'uhetopaihowa.

Maki 10:43

Ma 'omi geya'abwa wete gide taudi wapaipaihowa 'esa. Ma hesi taiya 'owa 'eguma nuwanuwau ma 'oimiyega 'uhetoloina, 'ilobwainegowa ma 'iyamwao weyahidi 'uhetopaihowa.