Luke 21:36 - Loina Nuahuana

³⁶ “Coinega wa'atububu hataya, ma tuta baibaiwana wa'ahwa'ahwanoi 'abehega ma'imi 'atepatu ginaulaedi 'oidiyega wahewaiwai, ma sowasowana watoholo taugu Loheyaiguina mataguwa.”

Luke 21:36 Referans Kwoze

1 Yoni 2:28

Coinega natugwao, sowasowana ma Keliso 'oina wamiya hataya, 'oinega 'eguma tutaina 'ihapwesama, geya'abwa ma'imi matauta, nuwana ma'imi deba mwadina, ma hesi 'ina tauyama weyahina wayaliyaya.

1 Pita 5:8

Coinega walomata yahigomi bwaibwaini 'ami 'aleha Tomudulele 'oinega. Weyahina Tomudulele tauna gidemusa totopwatula, tuta mabwaiyana 'isakosakowasi ma 'i'ebe'ebesa 'abehega 'ana tai 'iloba, ma 'i'ai.

Madiu 25:13

“Coinega sawasawahimi wa'itayahi, weyahina sabweloina, nuwana tutaina yalohihilama, geya wasanapu.

Madiu 24:42

“Coinega wa'itayahi bwaibwaini, weyahina 'igu hilama 'ana tuta geya wasanapu.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

1 Kolinita 16:13

Ciyagwao wa'itayahigomi, ma ma'imi hemisa moisa watoholo pa'ala ma wahewaiwai,

Luke 18:1

Eema 'aigeda gwae hegehegedi Yesu 'i'ebwaediya ma 'abehega sahena 'ahwanoi 'oinega siwe'awe'a.

Maki 13:33

Coinega walomatayahi, weyahina 'igu tuta hilama geya wasanapu.”

Yude 1:24

Yehobaina sawasawahina 'ilomata yahigomi ma geya'abwa wabe'ube'u ee 'ana siga tutaina tauna matana 'inaolegomi 'ina 'asa 'asi'asilalaina 'oina, ma'imi mumuga bwebwe'ana, ma wete ma'imi yaliyaya madouna.

Madiu 26:41

Hede wa'o'oyatola wa'ahwa'ahwanoi 'abehega sahena waluhuluhu 'ebe tohona 'oina. Yaluyaluwami nuwanuwana ma hesi wahimi siwe'a.”

1 Tesalonaika 5:17

Wete gide 'ahwanoi Yehoba 'oina sahena walololagu.

Maki 13:37

“Cigu hemataluwa bewa 'oimiya ma wete tomota mabwaiyadi 'oidiya 'abehega walomatayahi bwaibwaini.”

2 Timoti 4:5

Ma 'owa sahena gide taudi. Sauga mabwaiyana 'utoholo pa'ala, ta 'ino miyamwau 'oidiyega 'u'alama'i'ita, ma wasa bwebwe'ana 'uhehepwaile. Bewa 'oinega ma 'ane 'owa topaihowa waiwaina Yehoba 'ina paihowa 'oina.

Kolose 4:2

Wa'itayahigomi ma sahena 'imi 'ahwanoi siwe'awe'a, ma hesi waloyauwedo Yehoba 'oina, ma wahe'alama'i'itana 'imi 'ahwanoi 'oidiya.

Paihowa 10:2

ma tauna loheya bwebwe'ana, ta ma'ina susuwao Yehoba sihe'asisiyeya, ma tuta baibaiwana wewelohedi 'ilemelemedi, ma 'i'ahwa'ahwanoi Yehoba 'oina.

Luke 20:35

ma hesi tuta 'inaonaoma 'oina 'eguma wahine ma loheya sowasowahidi ma 'amasega sitoholo hila nata geya'abwa wete sihaihai.

Madiu 8:20

Ma Yesu loheyaina 'ihegwaeya, 'igwae, “Cedewa totopwatula ma'idi gaula, ma wete bwasumo ma'idi nehwa, ma taugu Loheyaiguina geya 'igu 'ebe 'enomo.”

Madiu 24:43

Ma wanuwatuhuyahi 'eguma taiya hada toniwagana 'isanapuya ma to tuta nihuwana 'alona toyagaha 'iluhu 'ina hada, 'i'atububu bwaibwaina ma 'i'o'oyatola, ma sahena 'ina hada 'ibwalebwale.

Madiu 24:44

Coinega 'omi wete wa'atububu bwaibwaina, ma 'igu tuta hila weyahina wayamwegau, weyahina taugu Loheyaiguina 'igu hilama 'ana tuta geya wasanapu.

Luke 1:19

Coinega aneloseina 'igwaeya, “Taugu Gebeliyela, ma tuta mabwaiyana 'oidiya Yehoba matana yatotoholo, 'oinega tuta bewa 'oina tauna 'ihesumanegauma, yatauyama 'oiuwa, ma wasa bwebwe'ana bewa yahepwaile 'oiuwa.

Luke 21:35

Weyahina sabweloina 'oina mebale'u mabwaiyadi 'ilohe'ateyohodi 'ina bwa'omatana 'oinega.

2 Kolinita 4:14

ma Yehoba 'asanapuya 'abehega 'ida Bada Yesu 'amasega 'i'abihe toholo hileya, ma tauma wete Yesu ba'idamai 'i'abihe toholo hilemai, ma 'omi wete ba'idamayao 'itoegita tauna matana.

Heꞌitaꞌita 6:17

Weyahina lamiina 'ina gamwasowala 'ana sabwelo madouna 'ilatu pwaima, ma geya 'eta taiya sawasawahina ma 'ihewaiwaisine.”

Heꞌitaꞌita 7:9

Muliyetega ya'e'ebubuna ta boda madou hedade ya'itediya, geya 'aihasila. Bodaedi 'ebeloina 'aigeda 'aigeda 'oidiyega, ta susu 'aigeda 'aigeda 'oidiyega, ta boda 'aigeda 'aigeda 'oidiyega, ta 'enana 'aigeda 'aigeda 'oidiyega, mabwaiyadi wagahata wasawasa matana, ma wete Lami matana sitotoholo, ta 'adi 'ale'o wa'ewa'e'edi, ma sadasada nabaina si'abi'abi yahidi,

Heꞌitaꞌita 8:2

Ma ya'itanaowa aneloseyedi sebeni Yehoba matana sitotoholo, ma Yehoba 'idi yoguli 'aigeda 'aigeda 'i'ebwaediya.

Heꞌitaꞌita 11:4

Tohepwaila 'eluwaedi gide 'aiwe olibe 'eluwa, ma wete gide mayale 'eluwaedi sitotoholo bale'u 'ana Bada matana.