Luke 21:12 - Loina Nuahuana

¹² “Ma hesi nugeta 'ami 'alehao si'abiyahigomi ma si'abihe muyemuyegomi, ma wete hada tapwalolo 'oidiya siheyatalaegomi ma deliya silagugomi. Ma wete kiniyao ta toloinao matadiya sitoegomi ma siheyatalaegomi weyahina 'omi 'abehega 'igu bodao.

Luke 21:12 Referans Kwoze

1 Pita 2:13

Comi Badaina 'ina boda, 'oinega 'ilobwainegomiya ma loina mabwaiyana bale'uwa wahe'asisiyanedi, gidemusa kini 'ina loina 'oina watagwalegomi, weyahina tauna toloina madouna,

Paihowa 22:30

Gona 'i'adaleya ma boda 'aleha 'ana toloinaina 'inuwanuwatuhu ma 'abehega wasa moisa si'ebese, to'aha weyahina meYudiya Paulo sihe'eweya, 'oinega Paulo 'itoelatuheya ma 'iloina 'abehega topwaoliyao madoudi ma meYudiya 'idi babadao mabwaiyadi sitauyama, ma 'oinega toloinaina Paulo 'itoeyama ma matadiya 'ihetoholoya.

Paihowa 9:4

ta 'ibe'uwa bale'uwa, ma 'aigeda 'enana 'ihesagoheya 'igwaegwae, “Saulo, Saulo, to'aha weyahina 'ulolo'alehegau?”

Paihowa 8:3

Ma Saulo hesi tohekalesiyao 'imutumutudi ta weyahidi 'iluhuluhu hada 'aigeda 'aigeda 'oidiya, ma 'eguma tohekalesiyao loheloheya ma wete wahiwahine 'ilobalobadi, tuwa 'i'abiyahidi, ma deliya 'ilagu luhuwedi.

Paihowa 5:40

Coinega Gameliyela 'ina loina simuliyeya, ma tohepwailao wete sibwau hiledima 'oidiya, ma sisapidiya, ta sigwae, “Geya sowana wete Yesu sanina wagwaegwaene tomota 'oidiya.”

Yoni 15:20

“Gwaeyedi ya'ebwaegomiya wanuwatuhuyahi pa'alidi, tutaina yagwaeya 'abehega geya 'eta topaihowa sowasowahina ma 'ina 'inapwana 'ihanesine. Weyahina taugu mwalona gide silo'alehegauwa, 'oinega 'omi nata wete gide silo'alehegemi. Ma 'eguma mwalona 'igu gwae sida muliyaediya, 'omi wete gide 'imi gwae nata simuliya.

Madiu 22:6

ma tupwadi wete bada 'ina topaihowao si'abiyahidiya, ma si'abihe mwadinediya, ta silohe'amasidiya.

Heꞌitaꞌita 2:10

“Ta geya'abwa wamatamatauta 'eguma to ginaula 'oina muya waloba. Wanuwatuhuyahi 'abehega 'abwa Seitani 'itohogomi, ma tupwami sipaigomi, ma deliya silagugami, ma hesi 'ami mwauwedi sabwelo nima luwaluwa weyahidi. “Ma watoholo pa'ala 'ana siga 'amasa, ma 'oinega yawasimi miyamiya hatayaina ya'ebwaegomi.

Madiu 24:8

Ma ginaulaedi tuta mwaudi 'adi 'ebehegaina tuwa.

Luke 21:11

“Ma tutaina 'oina mwani'ini'i hali tupwa ma hali tupwa 'oidiya, ma gomale madouna, ma wete muyamuya madoudi, ma wete nata 'ebe henainaida ta 'ebe matauta galewega silatuma.

Yoni 15:21

Ginaulaedi galadi bewa nata 'oimiya sipaihowadi weyahina 'omi 'igu bodao, ma wete tauna 'ihesumanegauma geya sisanapu.