Luke 20:14 - Loina Nuahuana

¹⁴ “Ma saugaina topaihowaedi bada natuna si'iteya 'inaonaoma siboidimo 'oidiya sigwaegwae, ‘Ciyagwao, loheya nage 'inaonaoma, tauna badaina natuna 'aigeda tuwa, 'oinega nata tuwa talohe'amasi ma tauda tanoha taloinae.’

Luke 20:14 Referans Kwoze

Loma 8:17

Eema helauwedi 'i'atububuya natunaina Yesu Keliso weyahina, nata Yesu mahetedai helauwedi talobadi Yehoba 'oinega. Weyahina 'eguma Keliso mahetedai muya ta'ahali, nata wete mahetedai wasawasa taloba.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Paihowa 3:15

Coinega yawasi bwebwe'ana 'ana to'ebwaya walohe'amasiya, ma Yehoba tauna 'amasega 'i'abihetoholo hileya, ta mabwaiyama 'a'iteya.

Paihowa 2:23

Yehoba mwalo hene Yesuina weyahina 'iloina, ma to'aha bale'uwa Yesu nata 'iloba Yehoba 'isanapu nugeteya, beno 'omi watebaeya, ta 'imi loina 'oinega tomota galadi kelose 'oina silohe'amasiya.

Luke 22:2

Tutaina 'oina topwaoliyao madoudi ta loina 'ana tohe'itao sinuwanuwatuhu dadana togidega ma Yesu si'abiyahi ma silohe'amasi, ta geya sowasowahidi, weyahina boda simatautediya.

Luke 20:19

Bewa 'oina topwaoliyedi ta loina 'ana tohe'itao 'eda'eda si'ebeseya ta 'abehega Yesu si'abiyahi, weyahina sisanapuya 'abehega taudi tuwa weyahidi 'igwae hegehegediya, ma hesi geya si'abiyahi weyahina boda 'oidiya simatauta.

Luke 20:5

Coinega taudimo 'oidiya sinuwanuwatuhu, ta sigwaeya, “Cina gwae togidega tahemaisa 'ese? Weyahina 'eguma tagwae, ‘Yehoba 'oinega’ nata 'ihegwae hilegita 'igwae, ‘Ma! To'aha hede weyahina ta Yoni geya wahemise?’

Luke 19:47

Ma sabwelo 'aigeda 'aigeda Hada He'asisiina 'oina 'ihehe'ita, ma topwaoli madoudi ta loina 'ana tohe'itao ma wete tohanugetao sitohotoho ma 'abehega Yesu silohe'amasi,

Madiu 21:25

Cigu hesilala bewa: Taiya 'ina loinega ta Yoni to'abihebabitaiso 'ipaipaihowa? Yehoba, bo 'aigeda tomota?” Coinega siboidimo 'oidiya sihehe'ohe'ohe, sigwae, “Cina gwae togidega tahemaisa 'ese? Weyahina 'eguma tagwae ‘Yehoba 'oinega’, nata 'ihegwae hilegita ma 'igwae, ‘Ma! To'aha hede weyahina ta Yoni geya wahemisae?’

Madiu 16:7

Coinega 'ana tomuliyaowedi siboidimo 'oidiya sigwaeya, “Nuwana Yesu 'ina gwae huhuna bewa weyahina 'ada 'ulaheya tanuwanaideya.”

Madiu 21:34

“Ma hedodona 'ana tuta, badaina 'ina 'ali'eyao tupwadi 'ihesumana hilediya 'ina tanoha gileipa huwaina sabi 'ewadi tanoha 'ana to'itayahinao 'oidiyega.

Luke 20:13

“Coinega toni tanohaina 'inuwanuwatuhu, 'igwaeya, ‘To 'eda wete yapaihowa? Tuwa taugu natuguina yahesumane ma 'oinega si'amayabe, weyahina tauna tuwa natugu.’

Luke 20:15

“Coinega si'abiyahiya ta tanohega siula latuweya mulimuliya, ta nobwa silohe'amasiya.” Ma Yesu 'ina he'ote'otetela 'igumwala pwaiya ta 'ihesilala 'oidiya, 'igwaeya, “To'aha nata badaina 'ina to'ita yahinaowedi 'oidiya 'ipaihowa?