38 Tuta nage 'oina wahineina 'inaoma ma Yehoba 'oina 'iloyauwedowa, ma gwamaina weyahina 'igwae meYelusalema 'oidiya, 'igwaeya, “Gwama bewa tauna 'ada To'abihetena tayamweyamweya.”
Ma nage tutaina 'oina Yelusalema 'oina 'aigeda bada sanina Simioni 'imiyamiya. Tauna loheya bwebwe'ana, ma wete Yehoba 'ihe'asisiyaneya madouna, ma 'iyamwayamwa meIsileli 'adi To'abihetena weyahina. Loheyaina Yaluyaluwa Tabuna 'oina 'imiyamiya.
Moisa, Yehoba 'oina taloyauwedo 'ina helau madou hedade weyahina.
Ma 'ahemiseya 'abehega 'ida 'abihetemai tauma meIsileli. Silohe'amasiya ma sabwelo 'eluwa sigumwala, ma nige sabwelo hetoina.
“Bada tahepwatuwe tauna meIsileli 'ida Yehoba, weyahina tauna 'itauya pwaima 'oida ma 'abehega 'i'abihetegita ma miyamwau 'oinega 'ilihasigita.
Ciyagwao, taloyauwedo Yehoba 'oina, tauna 'ida Bada Yesu Keliso Tamana, ma Kelisoina 'oinega yaluyaluwada 'ihelauwediya beno wasawasa galewa mabwaiyadi 'i'ebwaegita.
Coinega Alimatiya loheyaina sanina Yosepa 'inaoma, tauna ma'ana hemisa ma 'iyamwayamwa ma to tuta Yehoba bale'uwa 'ida hetoloina. Tauna Yosepaina 'inaoma ta ma'ina 'atepatu 'iluhuwa Pailato matana, ma Yesu wahina 'i'ahwanoiyeya ma 'abehega 'igalihe.
Nage 'oina 'aigeda wahine topalopisai 'imiyamiya, sanina Ana, tauna Penuwela natuna, ma wete Aseli 'ina susu 'aigeda. Wahineina 'ihe'ai'aihale pwaiya weyahina mwalo hene 'ihai ta mamwanena simiyamiya gide bolime sebeni.