Luke 18:13 - Loina Nuahuana

¹³ “Ma hesi takesi 'ana to'ewaina bwagebwagega 'itoholowa, ta ma'ina debamwadina lumalumana 'itutuya, ma 'ituluha ta 'i'ahwanoi, 'igwaeya, ‘Yehoba yo, 'usanapu pwaigauwa 'abehega taugu togala, 'oinega 'u'atemuyemuyegau!’”

Luke 18:13 Referans Kwoze

1 Timoti 1:15

Gwae bewa gwae moisa, ma 'ilobwaineya ma tahemisae, weyahina Yesu Keliso bo'i bale'uwa 'itauyama togalaedi sabi 'abihetedi, ma hesi togalaedi mabwaiyadi 'oidiyega taugu tuwa gala hedada.

Luke 23:48

Ma wete to'ebubuna mabwaiyadi tupwaina 'oina si'eto'autama Yesuina 'ina 'amasa si'iteya, ta ma'idi nuwagala sihila 'idi 'asa.

Ibeliu 8:12

Eeta ya'atemuyamuyaedi, ta 'idi mumuga galadi yanuwasamudi ta yanuwanaidedi.’”

Paihowa 2:37

Loheloheyaedi Pita 'ina gwae bewa sihesagoheya ta weyahina sinuwagala moisa, ma Pita ma'iyanao 'oidiya sihesilala, sigwae, “Tasimao 'alopuiya. Togidega nata 'apaihowa 'esa?”

Ibeliu 4:16

Coinega ma'ida 'atepatu tanao ma ta'ahwanoi 'ada toloinaina 'oina, ta 'oinega 'ida miyamwau 'oidiya 'i'atemuyemuyegita, ta wete 'i'abihetegita.

Loma 5:8

Ma Yehoba 'ina helau 'ihe'itegita tutaina tauda togala, beno Keliso 'i'amasa weyahida,

Luke 5:8

Nage 'oina Saimoni Pita silahana 'ana baibaiwa 'i'itediya, ta Yesu 'ahena 'i'etuluha, ma Pita 'igwaeya, “Bada, 'u'ebesinegau, weyahina taugu togala.”

2 Kolinita 7:11

Wa'ita, 'imi nuwagala bewa 'oinega Yehoba bo'i 'i'abihetegomiya, ma wahetapewa, ta wahewaiwaiya ta 'imi mumuga 'ibwebwe'ana mabwaiyana, 'oinega galanaina weyahina wagamwasowala pwaiya, ma wamatauta, ma nuwanuwami yatauyawa 'oimiya, ma wahewaiwaiya ma togalaina 'ana loina wa'ebwaeya. Ginaula mabwaiyana 'oidiyega 'imi paihowa 'ausalana wahe'itaeya.

Madiu 9:13

Coinega 'ilobwainegomiya ma Yehoba 'ina gwae wanuwa sabwalena Buki He'asisi 'oina, 'igwaeya, ‘Nuwanuwagu 'atemuyamuya, ma geya nuwagu pwaoli.’ Bewa yanaoma geya tobwebwe'ana weyahidi, ma hesi topui sabi 'abihetedi.”

Luke 17:12

Ta 'aigeda 'asa 'oina 'inaoma ma tolepelo nima luwaluwa 'ilobediya, eema 'ina 'eda 'oinega siha hila,

Madiu 6:5

Cimi 'ahwanoi wete gide, 'eguma wa'ahwanoi Yehoba 'oina, sahena to'e'abo'abo gide wa'ahwa'ahwanoi, weyahina taudi nuwanuwadi ma tomota matadiya tapwalolo 'alona nuwana 'asai sitoholo ma si'ahwa'ahwanoi. Moisa 'adi hepwatu tuta bewa tuwa silobaloba, ma tuta 'inaonaoma geya.

Madiu 10:3

wete Pilipi ma Batolomiu ma Tomasi ma Madiu, tauna takesi 'ana to'ewa, ma wete hali Yemesa tauna Alipiyo natuna, ma Tadiyasi,

Maki 11:25

Wete 'eguma wa'ahwanoi Yehoba 'oina, 'iyamiyao 'idi mumuga wanuwasamudi, 'eguma to'aha 'idi puiyao 'oimiya, bewa 'oinega Tamamiu galewa 'omi wete 'imi puiyao 'inuwasamudi.”

Luke 22:41

Ta muliyetega 'ana tomuliyao 'oidiyega 'ihawasiya, ta taunamo nobwa 'ahena 'itulaseya, ta 'i'ahwa'ahwanoi Tamana 'oina,