Luke 15:10 - Loina Nuahuana

¹⁰ Gide wete 'eguma 'aigeda togala 'inuwabui, nata Yehoba 'ina aneloseyao weyahina siyaliyaya madouna.”

Luke 15:10 Referans Kwoze

Luke 15:7

Coinega gide wete 'eguma 'aigeda togala 'inuwabui, megalewa aneloseyao weyahina siyaliyaya madouna, ma hesi tobwebwe'adi site nainti naeniyedi weyahidi 'idi yaliyaya 'i'iuna.

2 Kolinita 7:10

Moisa, nuwagala Yehoba 'oinega ginaula 'ausalana ma 'i'abihe nuwabuigita, ma 'oinega 'abihetena taloba. Coinega sahena nuwagalaina talologwahate. Ma hesi hali nuwagala bale'u 'oinega 'abwa 'ilohe'amasigita.

Luke 13:5

Geya hene! Ma hesi 'omi 'abwa 'eguma mumugami 'oidiyega geya wanuwabui, 'abwa wa'amasa site 'eitiniyedi gidemusa.”

Madiu 18:14

Coinega bewa tuwa wasanapu 'abehega Tamamiu galewa geya nuwana ma gwagwamaedi 'oidiyega 'aigeda taiya 'ihesilae.

Ibeliu 1:14

Ta anelose taudi yaluyaluwa tuwa ma tohalewasa, taudi Yehoba 'ilagudiya ta 'abehega si'abihetegita tauda taiyawedi 'eguma 'abihetena weyahina 'ihesinuwanegita.

Paihowa 11:18

Pita 'ina gwae bewa sihesagoheya ma geya 'idi 'ebe gwaemo, ta Yehoba sihepwatuwe, sigwaeya, “Moisa tuwa, Yehoba tauna 'itagwatagwala taudi tomiya ganamuli 'oidiya 'abehega sinuwabui, ta taudi wete yawasi hataya siloba.”

Luke 7:47

Tauna 'ina puiyao baibaiwadi yanuwasam pwaidiya, 'oinega 'ihelauwegauwa madouna, ma hesi 'eguma taiya 'ina pui 'i'iuna ma yanuwasam, beno 'ina helau 'oiguwa wete 'i'iuna.”

Madiu 18:10

“Gwagwama bewa gide sahena 'aigeda 'oidiyega walososomane.

Pilimoni 1:15

Nuwana bewa tauna huhuna ta Onesimo 'i'ebesinegowa tuta muhemuhena tuwa, ma 'eguma 'ihilawa nata ba'idau wamiya hataya.

Paihowa 5:19

Ma nihuwanega Bada 'ina anelose 'aigeda deli 'ana gudu 'iso'eya, ma 'itoe hapwesediya,

Madiu 10:32

“Ceguma taiyawedi weyahigu sihehepwaila tomota matadiya, 'abwa galewa taugu wete weyahidi yahepwaila Tamagu matana.

Luke 12:8

“Ma bewa wete wasanapu bwaibwaini: Ceguma taiyawedi weyahigu tomota matadiya sihepwaila, taugu Loheyaiguina nata weyahidi yada hepwaila Tamagu 'ina aneloseyao matadiya.

Luke 12:9

Ma 'eguma taiyawedi siuhalegau tomota matadiya, taugu wete 'abwa Yehoba 'ina aneloseyao matadiya yauhaledi.

Luke 15:9

Ma 'eguma 'iloba, nata 'iyanao 'ibwau 'autedima ma 'oidiya 'igwae, ‘Cigu kinaina yahe'waihiya yaloba pwaiya, 'oinega weyahina tayaliyaya?’

Luke 15:11

Ma Yesu wete 'igwae hegehegediya, 'igwae, “Caigeda bada natunao loheyadi 'eluwa ba'idanao simiyamiya,