Luke 14:21 - Loina Nuahuana

²¹ “Eeta hewaliina 'ihila ma 'ina badaina 'oina 'ihepwaila, 'igwaeya, ‘Mabwaiyadi genuwadi.’ Ma toni hadaina 'igamwasowala, 'oinega 'ina hewaliina 'oina 'igwaeya, ‘Cutauya mwayamwayau gogo madoudi 'adi 'edao mabwaiyadi 'oidiya, ma 'eguma hisa tomota 'ulobediya, bwagana nanaewana bo belubeluina bo matagibugibuna bo peupeuna, tuwa mabwaiyadi 'utoedima si'ai.’

Luke 14:21 Referans Kwoze

Luke 14:13

Ma hesi 'eguma 'e'ahaiina 'upaihowa, taudi wewelohedi ta peupeudi ta tohe'au'au ta wete tomatagibugibu 'ubwauwedi,

Yemesa 2:5

Tasigwao, 'igu gwae bewa wahesagohe, 'abehega Yehoba towewelohe bale'uwa 'ihesinuwediya ma hemisa 'oinega sihewasawasa. Weyahina Yehoba 'ina 'ebeloina 'igwae hemisaeya ma 'oina silatu, 'eguma tauna sihelauweya.

Madiu 11:5

tomata gibugibu matadi 'itayahala pwaiya, tohe'au'au sibwebwe'ana pwaiya ta sitautauya, tolepelo wahidi sibwebwe'ana hila, totenatuitui gwae sihehesagohe, to'amasa sitoholo hila, ma wete tohewewelohe tetela bwebwe'ana sihesagohe pwaiya.

Yoni 9:39

Muliyetega Yesu 'igwae, “Taugu yatauya pwaima bale'uwa ma yaloinaegomi ma 'oinega taiyawedi 'omi mata gibugibuimi, matami sibwebwe'ana hila. Ma hesi taudi sigwaeya 'abehega matadi bwebwe'ana, nata matadi sigibu.”

Luke 14:24

Ta hesi tomotaedi yatoe nugetediya sahena 'aigeda 'oidiyega 'aguina 'ilolotoho.’”

Ibeliu 2:3

Tauda wete 'eguma 'abihetenaina madounaina talogwahate, bwa'omatana taloba, ta geya sawasawahina tadenasine. Gwaeina 'abihetenaina weyahina 'ida Bada Yesu 'ihepwaila nugeteya, eeta 'ina gwaeyao 'ana tohesagoha nugetao si'ebwaegita tauda.

Heꞌitaꞌita 22:17

Yaluyaluwa Tabuna ma tohai mewahinena sigwaeya, “Wanaoma”. Ma taiyawedi 'omi gwae bewa wahesagoheya, 'omi wete wagwae, “Wanaoma.” Ma taudi tani'odi 'iyahala sinaoma, ma taiyawedi taudi nuwanuwadi, nata yawasi we'ahina si'ewa, ma sinuma. Geya 'ana maisamo.

Heꞌitaꞌita 19:15

Ta 'idi tohanugetaina 'ahwanega 'elepa 'aleha mamatana 'ilatulatu, tauna 'abwa 'elepaina 'oinega tupwa baibaiwadi 'ihewaiwai sinedi ma 'oidiya 'iloina pa'ala, ma wete waini 'ebe hida 'oina 'ihidadi, beno Yehoba Tohewaiwai hedade 'ina gamwasowala madouna.

Ibeliu 13:17

Cimi tohanugetao 'oidiya wahematamatana ma watagwalegomi 'idi loinao 'oidiya, weyahina yaluyaluwami si'ita'ita yahidi, ma 'oinega tuta 'inaonaoma 'oina 'imi mumuga weyahina sihepwaila Yehoba 'oina. Coinega 'ilobwainegomiya watoho ma wasami weyahina ma'idi yaliyaya Yehoba 'oina sihepwailegomi, ma hesi sahena ma'idi mwadina, 'amuge ma loina mwauna waloba.

Luke 24:47

ma muliyetega saninega tetela bwebwe'ana, nuwabui ma galana 'ana nuwasam weyahidi siguguyae.’ Cidi guguyaina 'ida hegaina Yelusalema 'oinega, ma 'ida sakowasi bale'u mabwaiyana 'oina.

Madiu 11:28

“Ma 'oinega 'omi 'imi paihowa mwauna, wanaoma 'oiguwa, ma ya'abihe 'aiyawasigomi.

Luke 9:10

Ma Yesu 'ina topaihowaowedi 'idi sakowasiyega sihilama, ta 'idi paihowa mabwaiyana sihe'ote'oteteliya Yesu 'oina. Ta muliyetega 'idi badaina 'itoediya, ta ba'idanao sitauya 'aigeda gogo sanina Bedeseida 'oina, ma 'abehega siboidimo nobwa simiyamiya.

Madiu 18:31

“Ma topaihowaedi 'iyadiyao ginaulina si'iteya 'oinega sinuwagala ma sitauya 'idi bada 'oina ta siteluwaedi sihepwailediya.

Madiu 15:12

Ma Yesu 'ana tomuliyao 'oina sinaoma ma sihegwaeya, “Bada, 'uhesagoheya 'abehega Palisiyao 'ino gwae bewa weyahina sideba mwadina.”

Luke 14:20

Ma wete 'aigeda 'igwaeya, ‘Taugu hauhauna yahaiya, 'oinega nata geya'abwa yanaonaowa.’

Luke 14:22

“Ma hewaliina 'ipaihoweya gide, ma muliyetega 'inaoma ta 'igwaeya, ‘Bada yo, tomotaedi yatoedima, ma hesi 'ino hadaina geya silohemaha.’

Madiu 20:7

“Ma sigwaeya, ‘Weyahina geya 'eta taiya 'ibwauwemai sabi paihowa.’ Ta loheyaina 'igwaeya, ‘Comi wete watauya 'igu tanoha ma wapaihowa.’