Luke 11:41 - Loina Nuahuana

⁴¹ Ma 'ilobwainegomiya ma 'atemi 'ehe'ehele 'oinega wa'abihe 'asilaladi, ma 'oinega wa'asilala bwaibwaina.

Luke 11:41 Referans Kwoze

Luke 12:33

“Coinega 'imi tobwatobwao wahegimwaneyedi ma maneyedi waheguyaiyedi towewelohe 'oidiya, ma 'oinega galewa 'imi wasawasa 'imiya hataya. Wasawasaina galewa 'imiyamiya geya wete 'ina 'ebegumwalamo, weyahina geya 'aigeda wete toyagaha tupwaina 'oina, ma wete geya sohusohu.

Yemesa 1:27

Ma hesi tapwalolo 'asilalana ma dumwadumwaluna Yehoba Tamada matana bewa 'abehega taudi sinasinagehenidi ma hiwahiwapedi 'idi miyamwau 'oidiyega ta'abihetedi, ta wete geya'abwa mumuga bale'uwega ta'abi'abi hebi'igita.

Taito 1:15

Taudi mumugadi 'ehauna 'oidiya ginaula mabwaiyana 'ehauna, ma hesi taudi wasa bwebwe'ana 'ana tolowahi'wata, ma mumugadi galadi, taudi 'oidiya geya 'eta to'aha 'ehauna, weyahina 'idi nuwatuhu galadi mabwaiyadi.

Ibeliu 13:16

Caigeda pwaoli wete Yehoba nuwanuwana madouna, beno helau tomota weyahidi ma'ida 'atemuyamuya.

Paihowa 10:15

Ma 'enanaina 'igwae hila, 'igwae, “Yehoba hebai beno 'igihe bwebwe'ana pwaiya, ma gesowana 'u'ahwa'ahwa galagalaedi.”

Luke 16:9

Ta Yesu wete 'ihegwaediya, “Bale'u wasawasao galadi, ma 'eguma wasawasaedi 'oidiyega 'iyamiyao wahelauwedi, 'abwa taudi sihaesotegomi 'ebemiya hatayaina 'oina, tutaina wasawasaedi sigumwala.

Ibeliu 6:10

Yehoba 'ina loina 'oimiya dumwaluna, 'oinega 'imi paihowao geya'abwa 'inainaidedi, beno 'imi helauwao ta 'imi lemao Yehoba saninega, tohekalesiyao 'oidiya, mwalo ta 'ana siga nige bewa.

2 Kolinita 8:12

Sahena wagwaegwae ma wagwae, “Geya 'eta ginaula 'oima ma 'oinega 'ahelau.” Hesi tuwa wahetapewa ma to'aha 'oimiya 'imiyamiya 'oidiyega wahelau, ma Yehoba wa'abihe yaliyaya.

Luke 19:8

Ma Sakiusaina 'itoholowa ta Yesu 'ihegwaeya, 'igwae, “Bada, bewa 'oinega 'igu tobwatobwa mabwaiyana ya'upwaluwa ma 'aigeda tupwa towewelohe ya'ebwaedi. Ta wete 'eguma taiya 'oinega mwalo ya'ewa puiya, yada hemaise ma'ana lohepoi 'ehata wete ya'ebwae.”

Luke 18:22

Cina gwaeina bewa gide Yesu 'ihesagoheya, 'oinega 'igwaeya, “Caigeda ginaula tuwa 'ilosapuligowa, beno 'abehega 'ino tobwatobwa mabwaiyana 'uhegimwaneyedi ma 'adi maisa towewelohe 'oidiya 'uheguyaiyedi, ta 'oinega 'unaoma, 'umuliyegau ma 'oinega 'abwa 'ino wasawasa galewa 'uloba.”

Madiu 5:42

Ma wete 'eguma taiya 'i'ahwa'ahwanoi 'oiuwa ginaula 'aigeda weyahina, ginaulaina 'u'ebwae, ma sahena 'ino tobwatobwa 'unuwanuwahi.

Epeso 4:28

Toyagaha 'ilobwainediya ma silolagu, ma hesi paihowa bwebwe'ana nimadiyega sida paihowadi ma paihowaina 'ana maisa 'oinega lema sida 'ebwa'ebwaya towewelohe 'oidiya.

Paihowa 11:29

Ta tutaina Yesu 'ana tomuliyao Agabu 'ina hepwailaina sihesagoheya taudimo siloina ma 'abehega 'aigeda 'aigeda sitoho ma si'ehele ma lema mane sihewasae 'iyadiyaowedi tupwa Yudiya 'oina simiyamiya.

Madiu 26:11

Toheweweloheyedi wagwaegwaenedi tuta mabwaiyana simiyamiya deimiya, ma hesi taugu geya tuta dudulena ba'idamiu tamiyamiya.

Paihowa 24:17

“Ta bolime baibaiwana sigumwala pwaiya 'oinega yahila Yelusalema, ma helau ya'eweyama 'igu boda 'oidiya, ma wete sabi pwaoli Yehoba weyahina.

Maki 7:19

weyahina geya 'ateda 'iluhu, ma hesi gamwadamo 'oina 'iluhuwa ma muliyetega 'ilatu mohomoho 'oina.” (Yesu 'ina he'ita bewa 'ana sanapu 'abehega geya 'eta wete 'e'ahai hehe'asisina, ma hesi mabwaiyana ta'ai.)