Luke 10:7 - Loina Nuahuana

⁷ “Ma 'eguma hadaina 'oina wamiyamiya, ma to'aha 'ami, nuwana 'ami we'aha matamiya silagu tuwa wa'ai, weyahina topaihowao 'ilobwainediya ma 'adi 'iluwana siloba. Ma sahena watautau hali hada 'oidiya, ma hesi hadaina 'oina waluhu nugeta 'oina tuwa wamiyamiya.

Luke 10:7 Referans Kwoze

2 Timoti 2:6

Gide wete tanoha 'ana topaihowa, 'ina paihowa waiwai 'oinega nata huwaina 'oinega 'i'aputoho nugete.

Galetiya 6:6

Tapwalolo 'ana tohe'itao, 'eguma sinasinapu sihe'itegita, 'ilobwainegita ma tobwatobwa ta'ebwaedi, 'eguma to'aha 'oidiya 'ito'uto'upa.

Luke 9:4

Ma 'eguma to hada 'oina sibwauwegomi ma waluhuluhu, hadaina 'oina wahetaumana ma 'ana siga tupwaina wa'ebesine.

Maki 6:10

Ma wete 'ihegwaediya, “Ceguma to hada 'oina sibwauwegomiya ma 'oina waluhuluhu, hadaina 'oina wahehada ma 'ana siga tupwaina wa'ebesine.

1 Timoti 5:13

Ma wahiwahineyedi wete si'e'elomiya besobeso ma sitauya hali hada ma hali hada 'oidiya silolomugi ma hali tomota weyahidi sigwaegwae dadanedi.

Paihowa 16:34

Sibabitaiso ta 'itoediya tauna 'ina hada, ma 'oinega 'adiwa 'i'atububuya, ma si'aiya. Ta deli 'ana to'itayahinaina ma'ina susuwao siyaliyaya madouna, weyahina 'ina hemisa hauhauna Yehoba 'oina 'ilobeya.

Paihowa 16:15

ma tauna ma'ina susuwao 'i'abihe babitaisowediya. Ta muliyetega 'i'ahwanoiyemaiya, 'igwae, “Babadao, wasanapugauwa 'abehega Yesu yahemisaeya moisa, 'oinega sowasowahina wanaoma ma wahetaumana 'igu hada?” Ta 'i'ohenemaiya, ma 'oinega 'atauya 'ina hada.

Paihowa 16:40

Ta Paulo ma Sailasa deliyega sitauya Lidiya 'ina hada, ma tohekalesiyao mahetediyao sihe'iya'iyagu ma siguguya 'oidiya, ma muliyetega sitauya.

Luke 10:6

Ma 'eguma nuwadaumwala 'ana topaihowao simiyamiya, 'imi helauina 'oidiya 'ida miyamiya. Ma 'eguma geya, tuwa helauina 'ihilawa 'oimiya.