Luke 1:76 - Loina Nuahuana

⁷⁶ Ma 'owa natugu, 'abwa nata sibwauwego Tohewaiwai moisa 'ina palopita, weyahina 'owa nata 'unugeta ma Bada 'ina 'eda 'u'atububu,

Luke 1:76 Referans Kwoze

Yoni 1:23

Ma Yoni 'igwaeya, “Mwalona palopita Aiseya weyahigu 'ihepwaila pwaiya 'igwae, ‘Cabwa nata tobwau 'aigeda yoho 'awawa 'ilatu ma 'ibwaubwau 'igwae, “Cinapwana 'ina 'eda wahunae ma wa'abi heduhedumwalu.”’”

Madiu 14:5

Beno huhuna Helodi nuwanuwana ma Yoni 'ilohe'amasi, ma hesi tomota mabwaiyadi si'ahwa palopitaeya, 'oinega Helodi 'imatauta ma geya Yoni 'ilohe'amasi.

Madiu 3:3

Palopita Aiseya mwalohene bewa Yoniina weyahina 'igwaeya, “Tobwau 'aigeda tupwa balabala 'awawa 'enana madouna 'oinega 'ihepwaila latuwa ma 'igwae, ‘Badaina 'ina 'eda wahunae ma wagihedumwalu.’”

Paihowa 16:17

Ta wahineina 'imulimuliyemai, ma 'iwuiwui, 'igwaeya, “Bewa tomotaedi Yehoba Tomiya tabwana hedada 'ina topaihowao, ma 'abihetena 'ana 'eda 'ana tohepwailao.”

Luke 1:35

Ta anelose 'igwaeya, “Yaluyaluwa Tabuna nata 'isuluma 'oiuwa, ma Yehoba 'i'abi hewaiwaiyego, ma natuu bwebwe'ana hedadena ma he'asisina 'uhenatune. Tauna nata sibwauwe Yehoba Natuna.

Luke 1:32

Tauna nata 'aigeda tohewaiwai madouna, weyahina 'abwa nata tomota si'ita ma weyahina sigwae 'abehega tauna Tomiya Tabwana Natuna, ma Bada Yehoba loina waiwai 'i'ebwae, gide tubuna Debida 'ina loina,

Maki 11:32

Ma 'eguma tagwae, ‘Tomota 'oidiyega,’ nata boda sigamwasowalegita.” Weyahina tomota baibaiwadi Yoni sihemisaeya 'abehega palopita moisa.

Yoni 3:28

Coimiya wete yagwae pwaiya ta wasanapuya 'abehega taugu geya To'abihetenaina. Taugu tuwa Yehoba 'ihesumanegauma yanugetama ta loheyainaina 'ana muliya.

Yoni 1:27

Tauna tuwa muliguwega 'itautauyama, sanina madou hedadena 'abwa taugu. Geya sawasawahigu ma 'ana butu 'ahenega yalihasi yahule, weyahina tauna loheya madou hedadena.”

Luke 6:35

Ma 'omi hesi 'ami 'alehao wahamwadi, ma wahelauwedi, ta wa'ebwaya 'oidiya, ma sahena hemaisa weyahina wayamwayamwa. Ma 'abwa 'ami maisa madouna waloba, ma 'oinega 'omi Tomiya tabwana hedada natunao. Weyahina tauna tohopa'alao ma togalao 'ihehelauwedi.

Madiu 21:26

Ma 'eguma tagwae ‘Tomota 'oinega’, nata boda sigamwasowalegita weyahina mabwaiyadi Yoni si'ahwa palopitaeya.”

Madiu 3:11

“Ceguma wanuwabui, taugu we'ahega ya'abihe babitaisowegomi, ma hesi 'abwa 'aigeda loheya muliguwega 'inaonaoma, tauna 'imadou sinegauwa, ta geya 'ilobwainegau ma weyahina 'ana butu yalihasi. Ma loheyaina 'itauyama, ma Yaluyaluwa Tabuna, gide 'aiwe ninima, 'oinega nata 'i'abihe babitaiso.