Luke 1:6 - Loina Nuahuana

⁶ Ma siteluwaedi 'idi miya 'idumwalu hedadeya Yehoba matana, weyahina Yehoba 'ina loinao mabwaiyana sihematamatana bwaibwainidiya.

Luke 1:6 Referans Kwoze

Pilipai 2:15

ma hesi 'abehega 'omi Yehoba natunao bwebwe'ami ma 'ehaumi, ta geya wete 'imi galamo ma mebale'u 'idi mayale 'omi. Weyahina taudi 'idi mumuga guguyou ma galadi.

Paihowa 24:16

“Ta tuta mabwaiyana 'oidiya yatohotoho waiwai 'abehega yamumuga bwebwe'ana, Yehoba matana, ma wete tomota 'oidiya.

1 Tesalonaika 3:13

Ma 'ane 'abwa tutaina 'ida Bada Yesu, ma 'ana tohemisao silatuma, 'omi ma'imi waiwai ta nuwami 'ehaudi, Tamada Yehoba matana watoholo.

1 Yoni 2:3

Yehobaina tasanapuya 'abehega 'iyadai moisa, 'eguma 'ina loinao tahematamatanedi.

2 Pita 3:14

Ciyagwao, 'imi yamwana 'ana tuta watoho waiwai eeta 'eguma 'itauyama 'ilobwainegomiya ma 'imi mumuga bwebwe'ana mabwaiyana, ma nuwadaumwalega wamiyamiya.

1 Yoni 3:7

Natugwao, geya'abwa he'ita 'abo'abodi wamulimuliye, ma hesi nuwami 'ida sabwalena, 'abehega 'eguma taiyawedi taudi 'idi mumuga 'ausalana, taudi beno tobwebwe'ana, gidemusa Keliso.

1 Yoni 2:29

Tauna mumugana wasanapuya mabwaiyana bwebwe'ana, eeta wasanapuya 'abehega tomota tobwebwe'ana, taudi wete Yehoba 'oinega sili'uma.

Kolose 1:22

Ta Yesu wahina 'ina 'amasa 'oinega 'i'ewegomiya ma 'oinega Yehoba ba'idamiu wahe'iya'iyagu hila, ma'imi mumuga bwebwe'ana ma dumwaluna matana.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

1 Kolinita 11:2

Yauwedo 'iyagwao, weyahina he'itaowedi ya'ebwae pwaigomiya wanuwatuhu yahidiya ma wa'abiyahidi.

Paihowa 23:1

Ta Paulo meYudiya 'idi babadaowedi 'i'e'ebubudiya, ta 'ihegwaediya, “Babadao ma tasigwao, mwalona ma nige to'aha yanuwatuhuya 'abehega Yehoba 'ina loinao beno yamuliya bwaibwainidiya.”

Luke 16:15

Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

Luke 1:7

Ma hesi siteluwaedi geya 'eta natudiu, weyahina Elisabeti 'aga'agalina, wete 'ihe'ai'aihale pwaiya, ta mwanena wete 'ihetautaubada pwaiya.

Luke 2:25

Ma nage tutaina 'oina Yelusalema 'oina 'aigeda bada sanina Simioni 'imiyamiya. Tauna loheya bwebwe'ana, ma wete Yehoba 'ihe'asisiyaneya madouna, ma 'iyamwayamwa meIsileli 'adi To'abihetena weyahina. Loheyaina Yaluyaluwa Tabuna 'oina 'imiyamiya.

Paihowa 2:25

Bewa weyahina mwalo Debida Yesu 'ina gwae 'ihepwaila nugeteya 'igwae, 'Bada ya'iteya mataguwega 'imiya hataya, ma 'igu 'ebeulega 'imiyamiya, ta 'i'abihe waiwaiyegauwa ma sahena yawe'awe'a.

Paihowa 8:21

Cowa geya 'ima boda, ma hesi 'ateu 'imumuga galagala Yehoba matana.

Loma 8:4

Ma bewa tutaina sowasowahida loina bwebwe'ana tamuliye, beno Yehoba Yaluyaluwana 'ina 'abihetenega, ma geya tomota mumugadiyega.