Luke 1:20 - Loina Nuahuana

²⁰ Ma hesi wasaina bewa 'owa geya 'uhemisae, 'oinega nata memenau 'imwau ma geya'abwa 'uhehegwaegwae 'ana siga wasa bewa 'ana moisa 'ilatu. Cabwa hesi 'uhegwaegwae hila.”

Luke 1:20 Referans Kwoze

Heꞌitaꞌita 3:19

“Ma wanuwatuhuyahi 'abehega taiyawedi 'omi ya'atemuya muyaegomi, gwae pa'alinega ma loinega yagihe dumwaluwegomi. Coinega wahewaiwai ma 'imi puiyega wanuwabui.

Ibeliu 6:18

Ginaula waiwaidi 'eluwaedi miyamiya hatayadi, beno Yehoba 'ina gwae hemisa ma 'ina 'eta'wata'walulu. Coinega tasanapuya 'abehega Yehoba geya 'eta tuta 'i'abo. Weyahina tauda bo'i Yehoba 'oina tadena ta 'i'abihetegita, 'oinega ta'atepatu ma tanuwatuhuyahi 'abehega 'ina gwae hemisa 'oida geya'abwa 'i'ebe'ebesinegita.

Luke 1:22

Muliyetega Sakaliyaina 'ilatuma ma geya sowasowahina 'oidiya 'igwae, weyahina memenana 'imwauwa. Coinega sisanapuya 'abehega Hada He'asisi 'alona 'ila'ilala 'i'ita pwaiya. Ma 'oinega geya sowasowahina ma 'oidiya 'igwae, ma hesi tuwa nimanega 'ila'ilala 'ipaihoweya.

Taito 1:2

Wete Yehoba mwalo hene 'igwae hemisaediya ta sihemisaeya 'abehega yawasidi miyamiya hatayana 'i'ebwaedi. Ta geya sowana 'i'abo.

2 Timoti 2:13

Ceguma geya 'ida hemisamo Keliso 'oina, tauna 'ina gwae hemisa geya sawasawahina ma 'ibui, weyahina tauna mumugana tuwa ma'ana hemisa.”

Luke 1:45

Ma 'owa Bada 'ina gwae 'ana tohemisa, 'oinega ma'ino yaliyaya, weyahina 'abwa nata 'ana moisa 'ilatu 'oiuwa.”

Maki 16:14

Muliyetega Yesu 'ana tomuliyao site lebeni si'ai'ai, ma Yesu matadiya 'ilatuwa, ma 'iheliyediya 'idi nuwapota weyahina, 'igwaeya, “Ciyadao taudi 'igu toholohila mulina si'itegauwa ta 'oimiya sihehepwaila, ma togidega ta geya wahemisaedi?”

Maki 9:19

Coinega Yesu 'ihegwaediya, 'igwae, “Comi togidega, ta deba pa'ala hedade? Tuta bewa 'imi deba pa'ala 'oinega yahewahi dabalala. Tuwa gwamaina watauyeyama ma ya'ita.”

Loma 3:3

Ma togidega, 'eguma tupwadi Yehoba siguipaileya, wanuwatuhuya 'abehega Yehoba wete nata 'iguipailegita, bo geya?

Luke 1:19

Coinega aneloseina 'igwaeya, “Taugu Gebeliyela, ma tuta mabwaiyana 'oidiya Yehoba matana yatotoholo, 'oinega tuta bewa 'oina tauna 'ihesumanegauma, yatauyama 'oiuwa, ma wasa bwebwe'ana bewa yahepwaile 'oiuwa.

Luke 1:21

Ma tomotaedi mabwaiyadi 'abwa tuwa 'atamana siyamwayamwana, ma sinuwanuwatuhu sigwae, “To'aha weyahina Sakaliya 'iheheboi Hada He'asisi 'oina?”

Luke 1:64

Beno 'oina Sakaliya memenana 'imeyameyahana hila, ma 'igwae hila, ma Yehoba 'ihepwatuweya.