Luke 1:17 - Loina Nuahuana

¹⁷ Ma tauna nata ma'ina waiwai ta ma'ina 'atepatu ma Yehoba weyahina 'ida hetohepwaila, ta 'ina waiwai gidemusa mwalona palopita Ilaitiya 'ina waiwai. Ma guguya 'oinega tama nuwadi 'ibuidi ma natudiyao sinuwatuhudi. Ma wete loina 'adi toligehiyao nuwadi 'ibuidi ma 'eda dumwaluna 'oinega sitauya, ma 'oinega Bada 'ina tomota 'i'atububudi To'abihetenaina 'ina tauyama weyahina.”

Luke 1:17 Referans Kwoze

Madiu 11:14

Ma 'eguma nuwanuwami ma wanuwasabwalena Yoni weyahina, wada sanapu 'abehega tauna tuwa Ilaitiyaina weyahina wayamwayamwa.

Luke 1:76

Ma 'owa natugu, 'abwa nata sibwauwego Tohewaiwai moisa 'ina palopita, weyahina 'owa nata 'unugeta ma Bada 'ina 'eda 'u'atububu,

Yoni 3:28

Coimiya wete yagwae pwaiya ta wasanapuya 'abehega taugu geya To'abihetenaina. Taugu tuwa Yehoba 'ihesumanegauma yanugetama ta loheyainaina 'ana muliya.

Heꞌitaꞌita 20:4

Ma wete tupwana wagahata wasawasa ya'itediya, ma 'oidiya taudi Yehoba loina 'i'ebwaediya simiyatoiya. Ta wete tomotaedi tani'odi si'upwediya, weyahina taudi Yesu 'ana tohepwailao ma Yehoba 'ina gwae 'ana tohepwailao, yaluyaluwadi ya'itediya, taudi geya hebaiina ma'ina dimwa tagitagina 'oidiya sida 'etuluha, ta geya 'ana 'ila'ilala manidiya ma nimadiya silagudi. Taudi bewa 'amasega sitoholo pwaiya, ta Keliso ba'idadiu siloiloina bolime tausani 'oidiya.

1 Pita 2:9

Ma 'omi geya gide taudi, ma 'omi hesi Yehoba 'ina boda hesihesinuwaimi, 'omi Kiniina 'ina topwaoli ma 'ina tomotaiyao 'ehaumi, weyahina tupwa guguyou 'oinega 'ibwauwegomiya eeta 'ina 'asilala tobwebwe'ana hedada 'oina 'ilagugomiya, ma 'abehega 'ina paihowa bwebwe'anaina wahepwaile.

Kolose 1:12

waloyauwedo Tamadai 'oina, weyahina tauna 'ina tagwalega tupwa 'asi'asilalaina 'oina tamiyamiya, 'ina tomotaiyao ba'idadao.

2 Timoti 2:21

Ma 'eguma taiya mumugana galana 'oinega 'i'abihe'ehau hila, beno 'ihegaeba bwebwe'ana, ma 'ina 'inapwana 'ilagu 'ina paihowa bwebwe'adi weyahidi.

Loma 9:23

Ma nuwanuwana wete 'ina wasawasaedi mwalo 'i'atububudiya tauda 'ihelauwegita weyahida, 'ihe'itae.

Paihowa 10:33

Ma yalomwayamwayau ta 'igu hewahewaliyedi yahetunediwa ta sibwauwegoma, ma 'utagwalegowa 'utauyama, ta yauwedo. Coinega bewa tuwa mabwaiyama Yehoba matana 'adeli 'autama ma to'aha Badaina 'iloinegowa 'uhegwaemai ma 'ahesagohe.”

Yoni 1:34

Coinega Yoni boda 'ihegwaediya 'igwae, “Loheyainaina moisa mataguwega ya'iteya, ma bewa tuwa weyahina 'oimiya yahehewasa tauna moisa Yehoba natuna.”

Yoni 1:13

Bodaedi taudi tagwae sili'uhila. Ma li'uhilaina geya 'abehega loheloheya bweyahidi nuwana 'idi nuwatuhu 'oinega. Ma hesi li'uhilaina Yehoba 'oinega.

Luke 1:16

Ma 'oinega tauna meIsileli baibaiwadi 'itoe hiledima 'idi Bada Yehoba 'oina.

Madiu 14:4

ma Helodi 'i'wayeya ta 'ihaiya, ma Yoni Helodi 'ihegwaeya 'igwae, “Nage geya mumuga 'ausalana, weyahina tasiu mwanena 'uhaiya.”

1 Yoni 2:28

Coinega natugwao, sowasowana ma Keliso 'oina wamiya hataya, 'oinega 'eguma tutaina 'ihapwesama, geya'abwa ma'imi matauta, nuwana ma'imi deba mwadina, ma hesi 'ina tauyama weyahina wayaliyaya.

Madiu 3:4

Ma Yoni 'ana 'ale'o hebai kameli hunuhunuwana tuwa, ma 'ana gadiwana kameli 'wapina, ma 'ana 'e'ahai bilolo ma mwagagau tuwa.

Madiu 3:3

Palopita Aiseya mwalohene bewa Yoniina weyahina 'igwaeya, “Tobwau 'aigeda tupwa balabala 'awawa 'enana madouna 'oinega 'ihepwaila latuwa ma 'igwae, ‘Badaina 'ina 'eda wahunae ma wagihedumwalu.’”