Loma 9:1 - Loina Nuahuana

^1-2 Ciyagwao, geya ya'abo, nuwagu 'igala moisa 'igu susuwao meIsileli weyahidi, ma tuta mabwaiyana 'ategu 'imuyamuya weyahidi, weyahina Keliso geya sida hemisaeya. Cigu gwae bewa Keliso ma Yaluyaluwana Tabuna sisanasanapu 'abehega yagwaegwae moisa.

Loma 9:1 Referans Kwoze

1 Timoti 2:7

Coinega 'igu paihowa 'i'ebwaegauwa ma wasaina bewa yahehepwaili ma yaguguguyae ma yahehe'ita taudi tomiya ganamuli 'oidiya, ma 'ane sanapu moisa Yehoba 'oina sihemisae. Bewa gwae moisa, geya 'abo.

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Galetiya 1:20

Cigu gwae bewa Tamada matana yaleleyawa, geya 'aigeda wete 'abo.

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

2 Kolinita 11:10

Cigu gwae hane bewa gwae moisa Keliso 'oinega, ma sahena 'aigeda taiya 'igu gwae bewa 'i'eto'etobode Akaya tupwanao mabwaiyadi 'oidiya.

Loma 8:16

Ma weteyage Yaluyaluwanaina 'oinega sanapu 'i'ebwaya yaluyaluwada 'oida, ma 'abehega tasanapu tauda Yehoba natunao.

1 Timoti 1:5

Bewa 'igu loina ma 'ane nuwami 'ehaudiyega waboi wahelau hilegomi moisa ma wanuwanuwatuhu bwaibwaini, ma wahemisa moisa Keliso 'oina.

1 Tesalonaika 2:5

Ma wasanapuya mwalo 'atauyawa 'oimiya, geya 'ima gwae hotohotodi, ma wete Yehoba 'isanapuya geya 'abehega 'agwaegwae 'abo'abo ma 'abehega 'imi tobwatobwa 'a'ewadi.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 1:12

Caigeda nuwatuhu weyahina yayaliyaya madouna, beno yasanapuya moisa 'ima mumuga 'ausalana ma dumwaluna tomota 'oidiya, geya sanapu bale'u 'oidiyega, ma hesi Yehoba 'ina helau 'oima 'oinega, ma gide 'apaihowa madouna 'oimiya.

1 Timoti 5:21

Bewa 'a hemataluwa 'oiguwega Yehoba ma Yesu Keliso matadiya, ma wete aneloseyao hesihesinuwaidi matadiya, 'abehega loina bewa 'umuliya moisa. Tomota mabwaiyadi 'uloinaedi loina 'aigeda tuwamo 'oinega, ma sahena tupwadimo 'oidiya 'uloina waiwai, ma tupwadi 'oidiyega geya.

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

2 Kolinita 1:23

Bewa Yehoba 'isanapuya yagwaegwae moisa 'abehega mwalo geya yabo'enegomi 'imi tupwa Kolinita 'oina weyahina geya nuwagu ma yaloina pa'alegomi 'imi mumuga galana weyahina.

Loma 2:15

Coinega 'idi paihowega tasanapu 'abehega 'atediya loina bwebwe'ana 'imiyamiya. Ma 'oinega siboidimo mumugadi sisanapuya, 'eta tuta galana, nuwana 'eta tuta bwebwe'ana.