Loma 8:29 - Loina Nuahuana

²⁹ Eeta taiyawedi tauda 'ibwauwe pwaigita, beno 'igwae hemisegita ta tauda natunao, gide tuwa natunaina, eeta tauna 'ada tautuwa ma tauda 'ana 'alomauwao.

Loma 8:29 Referans Kwoze

Epeso 1:11

Ma Yehobaina tauna 'ina nuwatuhuwega 'iloiloina, ta 'ina paihowa mabwaiyana 'ipaipaihowadi,

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

1 Pita 1:20

Yehoba Kelisoina 'ihesinuwa nugeteya 'ina paihowa bewa weyahina, ee muliyetega bale'u 'ipaihoweya, ma tutaina 'ebe gumwala bewa 'oina Kelisoina 'ihapwesama, tauda weyahida.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

2 Timoti 2:19

Ma hesi Yehoba 'ina gwae 'ana wahuwahu waiwaina 'oina, mwalo silelediya 'igwae: “Cinapwana 'ina tomotaiyao 'isanapudiya.” Ma wete 'igwaeya: “Taudi Cinapwana 'oina sitagwala pwaidiya 'ilobwainediya ma mumugadi galadi silogwahatedi.”

1 Kolinita 2:7

Ma hesi sanapuina Yehoba 'oinega mwalo dahwadahwaina, ta bewa tuwa 'i'abilatuheya, weyahina muliyetega ma gogo gabulena 'ihemasaleheya, nugeta nuwanuwana ma 'ida 'ebeyaliyayaina 'ida 'ebwaegita.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

Loma 9:23

Ma nuwanuwana wete 'ina wasawasaedi mwalo 'i'atububudiya tauda 'ihelauwegita weyahida, 'ihe'itae.

1 Yoni 3:2

Ciyagwao, bewa tuwa Yehoba 'i'ahwa natunegita ma muliyega to'aha 'ihapwesa 'oida? Beno tuwa tasanapu 'abehega 'ina hilama 'oina 'abwa 'ana 'ita tauna ta'ita, ma tauda 'ada 'ita 'ilagu buidi ma tauna gidemusa.

2 Kolinita 3:18

Coinega geya 'aigeda 'ahubodaboda manida 'imiyamiya, ma Bada 'ina wasawasa 'asi'asilalana 'oina ta'e'ebubuna, ta tupwana ma tupwana 'ibuibuigita tauna 'ana 'ita 'asi'asilalana gide. Paihowa bewa Badaina 'oinega, tauna yaluyaluwa tuwa.

Loma 11:2

Coinega yasanapuya 'abehega tauma Yehoba 'ina tomotaiyao, mwalo hene 'ihesinuwanemaiya ma 'abehega 'ina bodao, ee 'oinega nata geya 'ilolososomanemai. Ma mwalo heneyage, Ilaitiya meIsileli 'ilomugiyediya Yehoba 'oina, ta 'ina Bukiya 'ileleya, 'igwaeya,

Yoni 17:16

Taudi geya mebale'u 'idi boda 'oina simiyamiya, gide wete taugu.

Pilipai 3:21

Ma tutaina 'ihilama wahida 'ida buidi, nige we'awe'adi, ma 'ida buidi gide tauna wahina waiwaina ta 'ehauna gidemusa, ma 'ina paihowaina bewa tauna 'ina waiwaiyega, weyahina tauna sawasawahina ma ginaula mabwaiyadi 'oidiya 'ihetoloina.

Epeso 4:24

ma 'oinega mumuga hauhauna wa'ewa Yehoba 'ina mumuga gide, weyahina tauna 'ateda mumuga bwebwe'ana ma 'ehauna 'ilaguya.

Madiu 12:50

“Weyahina 'eguma taiyawedi Tamagu galewa 'ina nuwatuhu simulimuliye, taudi tasigwao, nuwana nuhugwao, nuwana sinagwao.”

Yoni 17:26

Coinega mumugau yahe'ita pwaiyeya 'oidiya, ma 'abwa nata wete yahe'ite hiladi, ma 'oinega 'ino helauina 'ateguwa 'imiyamiya taudi 'atediya wete gidemusa 'ida miyamiya, ma taugu wete 'oidiya yada miyamiya.”

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

Madiu 7:23

Ma hesi 'oidiya 'abwa yagwae, “Geya yasanapugomi taiyawedi 'omi. Wahila ma geya'abwa waluhuluhuma, weyahina 'omi togala.”

Yoni 20:17

Ma Yesu 'ihegwae hileya 'igwae, “Sahena 'u'abi'abi tohogau, weyahina 'abwa geya Tamagu 'oina yahane. Ma hesiyage 'utauya tasigwao 'oidiya, ma 'uhegwaedi 'abehega bewa tuwa taugu yahanehane Tamagu 'oina, tauna 'omi wete Tamamiu. Tauna taugu 'igu Yehoba ma 'omi wete 'imi Yehoba.”

Yoni 17:19

Tomotaedi weyahidi yatagwalegauwa 'oiuwa ma 'oinega sauga 'inaonaoma 'oina taudi wete sitagwaledi moisa 'oiuwa.

Madiu 25:40

“Coinega yagwae 'oidiya, ma yagwae, ‘Moisa, 'eguma taiya 'owa 'iyagwao 'i'iudi 'aigeda 'oidiyega 'u'abihete, beno taugu wete 'u'abihetegau.’

Madiu 28:10

Coinega Yesu 'ihegwaediya, 'igwaeya, “Sahena wa'ate'ateyoho, ma hesi watauya ma 'iyagwao wahemataluwedi ma sitauya Galili 'oina, nage 'oina 'abwa si'itegau.”

1 Kolinita 8:3

ma hesiyage 'eguma Yehoba tahelauwe, tauda Yehoba 'isanapugita ma 'ihesinuwanegita.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.