Loma 8:26 - Loina Nuahuana

²⁶ Ta Yehoba Yaluyaluwana 'ida we'a 'oidiyega, tauna 'i'abi 'abihetegita, weyahina 'ida 'ahwanoi 'oidiya geya tasanapu togidega ta'ahwanoi 'esa, ma Yehoba Yaluyaluwana hesiyage weyahida 'ihetahetapewa ta ma'enana ma'ina welaha 'i'ahwa'ahwanoi waiwai Yehoba 'oina.

Loma 8:26 Referans Kwoze

Madiu 10:20

ma geya 'abehega 'omi wagwaegwae, ma Yehoba yaluyaluwana 'oimiyega 'igwaegwae.

Epeso 6:18

Tuta mabwaiyana Yaluyaluwa Tabuna 'ina lema 'oinega 'ahwanoi baibaiwadi 'oidiyega wa'ahwa'ahwanoi Yehoba 'oina. Sahena wawe'awe'a ma hesi ma'imi toholopa'ala wa'itayahigomi ma wa'ahwanoi tohekalesiyao mabwaiyadi weyahidi,

Galetiya 4:6

Coinega wete Yehoba Natuna Yaluyaluwana 'ateda 'ilaguya ma Yehobaina 'i'ahwa tamaneya 'igwae, “Tamagu!”

Yoni 14:16

Ma wete Tamagu 'oina ya'ahwanoi ma 'ami tolema 'aigeda 'ihesumaneyama,

Epeso 2:18

Eeta tauna 'oinega, 'omi ma tauma Yaluyaluwa 'aigeda 'oinega 'itoegita Tamada 'oina.

Loma 8:15

Eeta Yehoba sahena tamatamataute weyahina 'i'ahwa natunegita, ta tauda geya gide 'ina topaihowao, ma hesi gide natunao ma ma'ida 'atepatu tagwaegwae 'oina, “Tamagu!”

Ibeliu 4:15

Tupwadi topwaoliyao geya sida 'atemuyamuyaegita 'ida we'a weyahidi, ta hesi Yesu 'ida miyamwau 'inuwa sabwalenidiya ta 'i'atemuyemuyegita, weyahina mwalo bale'uwa Tomudulele 'ina 'ebetoho mabwaiyana 'ilobediya gide tauda talobaloba 'esedi, ta Yesu geya 'eta wete 'ina pui.

Yemesa 4:3

Ma 'eguma weyahidi wa'ahwanoi, geya wada lobediya, beno weyahina 'imi 'ahwanoi geya dumwaludi, weyahina 'imi 'ahwanoiyedi waboimo 'imi yaliyaya weyahina.

Loma 15:1

Taiyawedi tauda 'ida hemisa waiwaina sawasawahina ma 'iyadao taudi 'idi hemisa we'awe'ana ta'abihetedi. Gesowana taboidamo weyahida tanuwanuwatuhu.

Luke 22:44

ma nuwana 'imwau hedadeya, 'oinega 'i'ahwanoi waiwaiya, ta 'ana 'amweyahi 'ipesupesu bale'uwa, gide tuwa bweyaha 'idaudau.

2 Kolinita 5:4

Moisa, 'abwa hada bale'uwa 'oina tamiyamiya ma'ida muyamuyao, ta 'ida nuwatuhu baibaiwadi tuwa, ma geya 'abehega 'ada 'ale'owao tahalolodi, ma hesi 'abehega 'ada 'ale'o hauhauna ta'ote, ma 'oinega wahida talatala sawalidi sibui yawasida hauhauna 'oina.

2 Kolinita 5:2

Bewa bale'uwa ma'ida nuwagala tayamwayamwa, nuwanuwada 'ida hada galewa ta'ewa,

Madiu 20:22

Coinega Yesu loheloheyaedi 'ihegwaediya, “Comi 'imi 'ahwanoi bewa 'ana nuwasabwalena geya wasanasanapu. Muya biyoina 'oinega yanuma, togidega, sawasawahina 'omi wete 'oinega wanuma?” Ma sigwae, “Sawasawahima.”

Ibeliu 5:2

Topwaoliyedi 'idi mumuga nuhana tomata'u'upao ma topuiyao 'oidiya, weyahina topwaoliyedi tomota tuwa, ma'idi we'a.

Loma 7:24

Ta moisa, nuwagalagalaigu! Weyahina geya 'eta taiya sowasowahina ma wahigu 'ina paihowa galana 'oinega 'i'abihetegau.