Loma 7:7 - Loina Nuahuana

⁷ To'aha nata tagwaene Mosese 'ina loinaina weyahina? Cabehega 'ina loinaedi galadi bo geya? Geya galadi. Ma hesi 'eguma geya loinaedi sida latulatu, geya sowana wete pui 'ilatulatu. Ta nuwana 'eguma geya 'eta loina 'igwae gide, “Sahena matalolo”, beno geya sowasowahina wete tasanapu to'aha matalolo.

Loma 7:7 Referans Kwoze

Loma 3:20

Yehoba 'ina 'ahwamoisa geya Mosese 'ina loina 'ana guibiga 'oinega tada lobeya, weyahina loina 'ina paihowa beno 'ida pui 'ihehepwailedi.

Loma 4:15

Ma loina 'oinega Yehoba 'ina gamwasowala 'oida 'ilatuwa, weyahina loinaina taligehiya. Ma hesiyage 'eguma Mosese 'ina loinaedi geya 'ilagudi, geya sowana taligehidi.

1 Kolinita 15:56

Camasaina 'ina waiwai 'ilatuwa mumuga galana 'oinega, eeta mumuga galagala 'ina waiwai beno Mosese 'ina loinao 'adi ligeha 'oidiyega.

Loma 13:9

loinaedi 'ane gide sigwaeya, sahena logwali, sahena lohe'amasa, sahena yagaha, sahena matalolo, eema tupwadi wete. Ma loinaedi 'adi bwagila, bewa gide 'igwaeya, “Ciyamwao 'uhelauwedi gide 'uboi 'uhehelauwego.”

Loma 7:8

Ta loinaina 'oinega 'igu pui 'i'abi hemadouya, ee 'abwa hesi yamatalolo ginaula baibaiwadi weyahidi. Ta 'eguma loina geya, 'igu pui wete geya.

1 Tesalonaika 4:5

ma sahena nuwadahwana, gide ganamuli taudi Yehoba 'ana tohenainaidao.

Loma 3:5

Ma 'eguma 'ida mumuga galana 'oinega Yehoba mumugana bwebwe'ana 'imasaleha bwaibwaina, to'aha nata tagwaene? Bo nata tagwae, “Yehoba yo, 'ima mumuga galana weyahina sahena 'uloiloinaemai.” Moisa bewa yahegwaegwae besobeso tuwa gide tupwadi tomota sigwaegwae 'esa.

Kolose 3:5

Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

Epeso 5:3

Comi Yehoba 'ana tohemisao, 'oinega 'ilobwaineya pui ma ganawala ma wasawasa 'ana hamwa wa'ebesinedi, ma geya'abwa weyahidi to'aha 'eta wagwaegwaene.

Loma 7:13

Ma togidega hede ta loinaina 'ausalanaina 'ilohe'amasigauwa? Ma hesi geya! Geya sowasowahina ginaula bwebwe'ana 'ilohe'amasi daidaisigita, ma hesi to'aha galana 'ateguwa loina 'ausalana 'ihe'abeyeya, ma 'oinega 'ilohe'amasigauwa. Coinega tasanapuya 'abehega mumuga galadi 'ateda simiyamiya, ma loina 'oinega tasanasanapu 'abehega gala hedadena.

Loma 7:11

Weyahina pui 'i'abowegauwa, eeta loinega 'ilohe'amasigauwa.

Loma 7:5

Weyahina mwalo tauda mumugada gide gogo gabulena mumugana, bwagana Mosese 'ina loina tasanapuya, ma nuwatuhu galadiyedi 'oida sihewaiwaiya ma yahuda mabwaiyadi simumuga galagala, ta 'ana maisa 'amasa 'abwa nata taloba.

Loma 6:15

Coinega togidega tamumuga 'esa? Mwalo loinaina taligehiya ma muliyetega Yehoba 'ida puiyedi 'inuwasamudiya, togidega, sowasowahina pui tuwa tapaipaihowa? Caa nata geya!

Loma 4:1

Coinega to'aha nata tagwaene Ebalahamo weyahina, 'iboi tuwa tubudaina mabwaiyada 'oinega tamasalehama?

Paihowa 20:33

“Mwalo taugu ba'idamiu tamiyamiya, geya nuwanuwagu 'imi wasawasao, nuwana mane, nuwana 'ale'o 'ausaladi,

Luke 12:15

Ma wete 'ina gwaeina 'itubweya ma boda mabwaiyadi 'oidiya 'igwaeya, “Wa'itayahigomi ma sahena wasawasa nuwami 'i'ewa'ewa. Geya sowasowahina ma wasawasa 'oinega yawasimi bwebwe'ana waloba.”

Madiu 5:28

ma hesi taugu yaloinegomi 'abehega 'eguma to loheya wahine 'oina 'inuwatuhu dahwana, tauna 'atena 'ipui pwaiya.

Luke 20:16

Moisa, badaina 'abwa 'ilatu ma topaihowaedi 'ilohe'amasidi, ma 'oinega tanohina hali to'itayahinao 'i'ebwaedi.” Babadaedi Yesu 'ina gwae bewa gide sihesagoheya ta sigwaeya, “Tauda sahena wete gide!”

Loma 5:20

Ta tutaina Mosese 'ina loina 'ilatuma pui tuwa 'ihehewaiwai, ma 'iyamo Yehoba 'ina helau 'ihewaiwai hedadeya.