Loma 7:6 - Loina Nuahuana

⁶ Ma bewa tuta loinaina 'oida 'igumwala, weyahina mwalo loinaina 'oinega gide 'ipaigita ma ta'amasa Keliso mahetedai, 'oinega Kelisoina 'ada paina 'oidega 'ilihasiya, ma bewa tutaina sowasowahida tapaihowa bwaibwaina. Weyahina Yehoba Yaluyaluwana 'ina waiwai 'oida 'imiyamiya, ma hesi Mosese 'ina loina leleleinaina geya 'ina waiwaimo, geya sowasowahina 'i'abi hedumwalugita.

Loma 7:6 Referans Kwoze

2 Kolinita 3:6

ma sowasowahina 'ina loina hauhauna weyahina 'ahehetopaihowa. Loinaina hauhauna geya lelelelena, ma hesi Yaluyaluwa Tabuna 'oinega, weyahina loina lelelelena 'amasa 'i'ebwaegita, ma tuwa loinaina Yaluyaluwa Tabuna 'oinega yawasida miyamiya hatayana 'i'ebwaegita.

Loma 7:4

Ciyagwao, he'ita bewa 'ilobwainegomiya, weyahina Keliso 'ilihasigomiya Mosese 'ina loina 'oinega. Weyahina Kelisoina wahina mahetemiu wa'amasa, ta mahetemiu wete watoholo hila 'amasega. Ma tauna totoholo hilamaina beno 'ida Bada 'ehauna, ma 'ane mahetedai Yehoba 'ina paihowa 'oina taguibiga bwaibwaina.

Loma 6:4

weyahina 'ina babitaisoina 'oina gide tauda ma Yesu Keliso ba'idadai ta'amasa, ma sigalihegita, ma wete tatoholohila ba'idadai. Kelisoina Tamana 'ina waiwaiyega 'itoholo hilama, ma tauda wete gidemusa 'igihetoholo hilegita, 'oinega yawasida 'ehauna talobeya.

Galetiya 3:13

Ta geya sawasawahina loina mabwaiyana tahematamatanedi, 'oinega Kelisoina 'ihemiyalaenegita ta 'i'abihetegita loina 'ana mwau 'oinega. Loina 'ana mwau bewa, 'eguma geya tada hematamatanediya ta'amasa, 'oinega Keliso tauda weyahida 'i'amasa gidemusa taudi togala madoudi 'adi lohe'amasa kelose 'oidiya. Buki He'asisi mwalo 'ina gwae bewa weyahina 'igwaeya, “Ceguma taiyawedi kelose 'oidiya silagudi ma si'amasa, to'amasaedi 'ahwa galagala siloba Yehoba 'oinega.” Eeta Keliso tauda weyahida mwauina 'ilobeya.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

Galetiya 6:15

Moisa, 'wapi 'upwa geya ginaula madouna, ma 'eguma geya ta'upwa beno wete geya ginaula madouna. Ginaula madouna 'aigeda tuwamo, 'eguma Yehoba Yaluyaluwana 'igihe'ehaugita.

Loma 12:2

Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

Loma 6:22

Eeta bewa tutaina pui 'ina loina 'oimiyega 'igumwala, ta 'omi bewa tutaina Yehoba 'ina topaihowao. Coinega maisa bwebwe'ana walobeya, beno mumuga bwebwe'ana ma muliyetega yawasimi miyamiya hatayana.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

Loma 7:1

Ciyagwao, Mosese 'ina loina wasanapuya loheya yawasina 'ina tautauya weyahina. Tutaina loheyaina 'i'amasa loinaina geya'abwa wete 'oina 'imiyamiya.

Loma 6:2

Caa nata geya! Weyahina mumuga galana 'oidega 'igumwala pwaiya, ta geya nata wete 'oida 'imiyamiya.

Loma 6:19

Bewa, bale'u nuwatuhuidi 'oidiyega yahe'itegomiya, weyahina nuwami 'abwa potapotadi. Ta mwalo to'wehimi watagwalediya ma 'abehega simumuga galagala, ma weteyage 'abehega 'imi paihowa galadi sihemadou bwaibwaina. Coinega tuta bewa sowasowana to'wehimi watagwaledi ma sipaihowa dumwalu, ma 'imi paihowa wete 'ibwebwe'ana bwaibwaina.

Loma 6:11

Eeta 'omi wete gide wasanapu 'abehega Yesu Keliso mahetedai ta'amasa pwaiya, 'oinega mumuga galana 'oidega 'ilolaguwa, ma mayawasida Yesu Keliso mahetedai Yehoba 'oina tamiyamiya.

Loma 1:9

Yehoba 'isanapugauwa, tuta mabwaiyana yanuwanuwa tuhugomi 'igu 'ahwanoi 'oidiya. Yehobaina 'ina paihowa 'oina yaguibiga hedada, Natuna tetelina 'ana hepwaila weyahina.

Pilipai 3:3

Ma hesi tauda 'ada 'upwa 'ateda, ta geya 'wapida, 'eguma Yehoba 'oina ta'etuluha yaluyaluwanega, eema Yesu Keliso namo tahepwatuwe, ma sahena wasawasa bale'u 'oina tahehemisa.

Loma 7:2

Cebe'ita bewa 'aigeda ta'ita hai weyahina. Mosese 'ina loina 'igwaeya gide, 'abehega 'eguma wahine 'ihai mamwanena simiyamiya ee 'ana siga 'amasa, ma 'eguma mwanenaina 'i'amasa nata geya 'eta wete loina 'oinega 'ilobaloba.

Epeso 4:24

ma 'oinega mumuga hauhauna wa'ewa Yehoba 'ina mumuga gide, weyahina tauna 'ateda mumuga bwebwe'ana ma 'ehauna 'ilaguya.