Loma 4:9 - Loina Nuahuana

⁹ Ta yaliyayaina weyahina Debida 'igwae nugeteya, togidega tauda meYudiya 'wapida si'upweya taudamo weyahida. Geya taudamo. Taudi geya meYudiya mahetedao ta'ewa. Yehoba 'ina Buki 'ihepwaila pwaiya beno, “Ebalahamo 'ina hemisega 'ahwa bwebwe'ana 'ilobeya.”

Loma 4:9 Referans Kwoze

Galetiya 3:14

Ma Yesu Keliso 'oinega taudi hali boda 'asa ganamuli tomotaedi yaliyaya siloba, gidemusa yaliyayaina Yehoba 'igwae hemisaeya Ebalahamo 'oina, 'abehega mabwaiyada 'ida hemisega to'aha Yehoba 'igwae hemisaeya 'i'ebwaegita, beno Yaluyaluwa Tabuna.

Kolose 3:11

Coinega geya 'eta wataha 'imiyamiya ma 'abehega wagwae “Yudiya boda hagadi ma tauma boda hagama,” bo wagwae, “Taudi meYudiya 'adi 'ila'ilala si'upweya 'wapidiya boda hagana, ma taudi geya si'upwa boda hagadi,” nuwana taumanao bo tomiya pwatula boda hagadi, nuwana wete topaihowao ma babadao hali bodao. Ma tuwa Keliso 'ina boda mabwaiyada. Ma 'ateda Keliso 'iboi 'ilohegogonegita.

Epeso 3:8

Ma taugu gide wewelohe tohekalesiyao 'alodiya, ma tuwa 'ina helauwega paihowa bewa 'i'ebwaegauwa, 'omi tomiya ganamuli 'oimiya Keliso tetelina yaloguguyae, ma 'oinega 'ina wasawasa madou hedade wada 'italoba,

Loma 4:3

Ma Yehoba 'ina Buki gide 'igwaeya, 'igwae, “Ebalahamo Yehoba 'ihemisaeya, bewa weyahina Yehoba 'ahwa bwebwe'ana Ebalahamo 'i'ebwaeya.”

Luke 2:32

ta taudi ganamuli 'idi To'abihe'asilala, ma tauma 'ino tomota meIsileli 'ima 'ebe hepwatu.”

Loma 4:10

Ma Yehoba Ebalahamo 'i'ahwa dumwaluweya tutaina 'abwa Ebalahamoina geya 'wapina si'upwa. Bewa sanina 'ila'ilala tuwa, ma 'ihe'itegita 'abehega Ebalahamo 'ina hemisega 'ahwadumwalu 'i'ewa nugeteya Yehoba 'oinega, muliyetega 'ila'ilalaina si'upweya 'wapina. Eeta taiyawedi geya 'ila'ilalaina wahidiya ma tuwa sihemisa, beno 'idi hemisaina weyahina nata Yehoba 'i'ahwa dumwaluwedi, ma 'oinega taudi Ebalahamo natunao moisa.