Loma 4:25 - Loina Nuahuana

²⁵ Tauda tuwa 'ida pui weyahina Yesu 'i'amasa, ma Yehoba 'i'abihetoholo hileya, ta beno 'oinega 'ideuligita ma 'i'ahwa dumwaluwegita.

Loma 4:25 Referans Kwoze

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

Galetiya 1:4

Weyahina Tamada Yehoba 'ina nuwatuhu bewa gidemusa, eeta Yesu tauna 'itagwaleya ta 'i'amasa 'ida puiyao weyahidi, ma 'oinega tuta bewa galana 'ina waiwaiyega sowasowana 'i'abihetegita.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

1 Yoni 2:2

ma 'ida puiyao 'inuwasamudi, weyahina Yesu tauna wahina 'ipwaoliyeya 'ida puiyao weyahidi, ma wete mebale'u mabwaiyadi weyahidi.

1 Pita 2:24

Ma weteyage Keliso tauna wahinega 'ida galao 'i'ahalidiya kelose 'oina, ma nage 'oinega 'ida mumuga galadi sigumwala, ma mumuga dumwaluna 'oinega tatauya. Tauna 'ana badi 'oinega 'imi bwebwe'ana walobeya.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Heꞌitaꞌita 1:5

Yesu Keliso tauna tohepwaila moisa, ma wete tauna 'amasega 'itoholo nugeta, ta bale'u 'ana toloinao 'idi kini. Yesu tauna 'i'atemuyamuyaegita, 'ida puiyao bweyahinega 'ideulidiya.

1 Pita 1:21

Eeta tauna Kelisoina 'oinega Yehoba wahemisaeya 'abehega tauna 'amasega 'igihetoholo hileya eeta 'ebemiya wasawasa 'oina 'ilaguya, 'oinega 'imi hemisa ma 'imi nuwatuhu walagu bwaibwainidi Yehoba 'oina.

1 Kolinita 15:17

Ta Kelisoina wete wahemisa bwagabwaga, ma 'oinega 'imi puiyao tuwa 'abwa simiyamiya 'oimiya.

Loma 8:3

Ta lihasaina Mosese 'ina loina geya sowasowahina, weyahina tauda tomota mumugada we'awe'ana, ma hesi Yehoba lihasaina 'ipaihoweya, beno Natuna moisa 'itagwaleya, 'idobima bale'uwa tauda togala wahida 'isoheya, ta 'ida pui weyahina 'ipwaoliyeya 'iboi, ta 'ida puiyedi 'ihewaiwai sinediya.

Madiu 20:28

Wete gide taugu Loheyaiguina yasuluma bale'uwa, geya 'abehega tomota weyahigu sipaihowa, ma hesi sabi paihowa tomota weyahidi, ma wete yatagwalegauwa ma ya'amasa tomota mabwaiyami 'ami lihasa weyahina.”

Ibeliu 9:28

Wete gide Keliso 'ina 'amasega tauna 'ipwaoliyeya ma'aigedamo tuwa, ma baibaiwada mumugada galadi 'i'ewa yahulediya, ma 'abwa 'ihilama, ma geya 'abehega mumuga galadi 'i'ewayahule hiladi, ta hesi sabi 'abihetegita, 'eguma ma'ida nuwa'ewa tayamwayamwa.

Loma 5:18

Ma tasanasanapu 'abehega loheya 'aigeda 'ina puiyega tomota mabwaiyada 'ahwagala talobeya. Ta gide weteyage, loheya 'aigeda tuwa 'ina paihowa dumwalunega sowasowana 'i'etolihasigita, ta Yehoba 'i'ahwa bwebwe'anegita ma yawasida 'i'ebwaegita.

Loma 3:25

Moisa tuwa, Yehoba natuna 'itagwaleya ma 'abehega 'ina 'amasega 'itoehilegita Yehoba 'oina, ma mahetedai tahe'iya'iyagu, beno 'eguma Yesu tahemisae. Bewa 'oinega Yehoba mumugana bwebwe'ana 'ihe'itegita, weyahina mwalo heneyage mumugada galana geya 'ida hemaisediya, ma tuwa 'i'alama'i'itana 'ana siga Yesu Keliso 'ihewasaeyama, 'isuluma 'oida.

Heꞌitaꞌita 5:9

Ma wali 'ehauna siwaliyeya sigwae, “Moisa, 'owa sawasawahiu ma buki beno 'u'ewa, ma wete 'ana losipwa sawasawahiu ma 'ulihasi, weyahina silohe'amasigowa ta bweyahiuwega tomota 'uhemaisediya Yehoba weyahina, taudi bodaedi, 'enanaedi, susuwedi ma 'ebeloinaedi mabwaiyadi 'oidiyega.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Galetiya 3:13

Ta geya sawasawahina loina mabwaiyana tahematamatanedi, 'oinega Kelisoina 'ihemiyalaenegita ta 'i'abihetegita loina 'ana mwau 'oinega. Loina 'ana mwau bewa, 'eguma geya tada hematamatanediya ta'amasa, 'oinega Keliso tauda weyahida 'i'amasa gidemusa taudi togala madoudi 'adi lohe'amasa kelose 'oidiya. Buki He'asisi mwalo 'ina gwae bewa weyahina 'igwaeya, “Ceguma taiyawedi kelose 'oidiya silagudi ma si'amasa, to'amasaedi 'ahwa galagala siloba Yehoba 'oinega.” Eeta Keliso tauda weyahida mwauina 'ilobeya.

Heꞌitaꞌita 7:14

Ma 'oina yagwaeya, “Bada 'owa 'usanasanapudi. Taugu geya.” Ta 'ihegwaegauwa, 'igwae, “Bewa bodaedi bale'u 'ana muyamuyao 'oidiyega situpwa, ma 'adi 'ale'owedi Lamiina bweyahinega 'ideulidiya ta siwa'e'eya.

2 Kolinita 5:15

Ta 'ina 'amasa mabwaiyada weyahida huhuna, 'abehega 'abwa mayawasida, geya tauda 'ida paihowao sabi paihowaidi, ma hesi Keliso weyahina, tauna weyahida 'i'amasa ta wete 'itoholo hila.

Galetiya 2:20

Moisa, Keliso mahetegu si'abihe kelose pwaimaiya, 'oinega 'ama'amasigu, ma geya taugu yawasiguwega ma hesi Keliso yawasina 'oiguwa 'imiyamiya. Beno tuwa yamiyamiya, yawasiguina lamuna beno 'igu hemisa Yehoba Natuna 'oina. Weyahina Yesuina 'ina helauwega tauna 'itagwaleya ta weyahigu 'i'amasa.

Ibeliu 8:3

Bale'u 'ana topwaoliyao mabwaiyadi 'idi paihowa beno 'ehele ma pwaoli si'ebwa'ebwae Yehoba 'oina, 'oinega 'ida topwaoliina hauhaunaina 'ilobwaineya ma tauna wete 'aigeda 'ehele 'i'ebwae Yehoba 'oina.