Loma 3:31 - Loina Nuahuana

³¹ Coinega togidega bewama 'ana sanapu, loinaina 'abehega tabuiyahule ta hemisa tada 'abiyahi, 'awa? Sahena! Ma hesi sawasawahina loina tahe'asisiye ma 'oida 'ihemadou.

Loma 3:31 Referans Kwoze

Galetiya 2:21

Coinega geya'abwa Yehoba 'ina helauina yalologwahate. Geya'abwa tanuwanuwatuhu 'abehega Mosese 'ina loinao 'adi hematamatana 'oinega Yehoba 'ida 'ahwa bwebwe'anegita. Beno gide Keliso 'ina 'amasaina 'iheginaula besobeso.

Madiu 5:17

Sahena wanuwanuwatuhu 'abehega taugu yanaoma ma Mosese 'ina loinao nuwana palopitao 'idi he'itao ya'ewayahuledi. Ma hesi yanaoma ma 'abehega loinaedi ya'abilatuhedi.

1 Kolinita 9:21

Ta wete taudi Mosese 'ina loinao geya 'oidiya 'eguma ba'idagwao 'amiyamiya yamumuga 'esa taudi gidemusa ma 'abehega yalemedi. Ta hesi geya'abwa 'agu loina Keliso 'oinega yaligeligehi.

Loma 10:4

Ma Keliso 'ina paihowega Mosese 'ina loina 'oidega 'igumwala, eeta bewa tutaina tauna 'ina loina 'ihegaineya ma 'eguma taiya Kelisoina 'ihemisae, nata Yehoba 'i'ahwa dumwaluwe.

Loma 8:4

Ma bewa tutaina sowasowahida loina bwebwe'ana tamuliye, beno Yehoba Yaluyaluwana 'ina 'abihetenega, ma geya tomota mumugadiyega.

Galetiya 2:19

Weyahina Mosese 'ina loina 'ilohe'amasi pwaigauwa, eeta muliyetega 'ina waiwai 'oiguwega 'igumwala, ma 'abehega yawasi moisa yaloba Yehoba weyahina.

Loma 7:25

Ma hesiyage yaloyauwedo Yehoba 'oina, weyahina 'ida Bada Yesu Keliso 'ilemegauwa. Ta bwagana 'ateguwa yatagwala moisa Yehoba 'ina loina 'oina, ma 'iyamo wahigu nuwanuwana loina galana.

Loma 7:22

Ta yasanapuya 'abehega yaluyaluwagu nuwanuwana ma Yehoba 'ina nuwatuhu yapaihowa,

Loma 4:14

Moisa tuwa Yehoba 'ina helau 'oida geya 'abehega loina 'ana guibiga 'oinega, ma hesi 'ina gwaehemisa 'oida 'ana hemisa weyahina. Ceguma tagwae 'abehega Yehoba 'ihehelauwegita loina 'ana guibiga weyahina, beno 'ana 'ita gide hemisa ta'ita sinaliya, ma wete Yehoba 'ina gwaehemisa 'oida taheginaula besobesoweya.

Loma 3:4

Nata geya! Weyahina bwagana tauda mabwaiyada to'e'abo'abo, ma Yehoba tuwa 'iboimo dumwadumwaluna. Yehoba tauna weyahina 'ina Buki gide 'ihepwaila 'esa, 'igwaeya Cabehega 'ina gwaeyega si'ahwamoisae, ma 'ina yatala 'oina 'ihewaiwai.

Madiu 15:6

Tubumiyao 'idi loinaina 'oinega Yehoba 'ina loina waheginaula besobesoweya.

Madiu 5:20

Wete yahegwaegomi 'abehega 'ilobwainegomiya ma mumugami taudi Palisiyao ma loina 'ana tohe'itao 'idi mumuga 'ida bwebwe'ana sinedi. Ma 'eguma geya, sahena Yehoba 'ina 'ebeloina 'oina waluhuluhu.

Madiu 3:15

Ma Yesu Yoni 'ina gwae 'ihemaiseya, 'igwae, “Geya. Hesi bewa gide 'owa 'u'abihe babitaisogau. Weyahina bewa 'oinega loina mabwaiyadi 'ausaladi tamuliyedi.”

Luke 20:16

Moisa, badaina 'abwa 'ilatu ma topaihowaedi 'ilohe'amasidi, ma 'oinega tanohina hali to'itayahinao 'i'ebwaedi.” Babadaedi Yesu 'ina gwae bewa gide sihesagoheya ta sigwaeya, “Tauda sahena wete gide!”

Loma 2:20

ma toheyauyaule ta gwagwama 'oidiya wahetohe'ita, 'abehega 'omi Mosese 'ina loina 'oinega sanapu moisa wa'eweya.

Loma 3:6

Ma wanuwatuhuyahi 'abehega Yehoba tauna toloina dumwadumwaluna, 'oinega bwa'omatana 'ana tuta 'oina nata 'ina loina dumwadumwalunega mabwaiyada 'iloinaegita.