Loma 3:19 - Loina Nuahuana

¹⁹ Ma tasanapu pwaiya 'abehega Mosese 'ina loinao beno meYudiya 'ada loina 'oinega geya sowana 'eta taiya 'igwaegwae hila tutaina Yehoba 'ina bwa'omatana 'ana tuta 'oina, weyahina tomiya bale'u mabwaiyada togala.

Loma 3:19 Referans Kwoze

Galetiya 3:10

Ma hesi 'eguma taiyawedi sinuwatuhuya 'abehega Mosese 'ina loina 'ana hematamatana 'oinega sibwebwe'ana, 'ahwa galagalamo nata siloba, weyahina Buki He'asisi 'igwaeya, “Loina mabwaiyadi buki bewa 'alona 'eguma taiya geya 'imuliya bwaibwainidi, nata 'ahwa galagala 'iloba.”

Loma 3:9

Ma togidega tauda meYudiya 'ida miya 'ibwebwe'ana hedadeya, ta taudi tomiya ganamuli 'idi miya geya bwebwe'ana? Geya! Weyahina yahe'ita pwaigita 'abehega mabwaiyada topui.

Galetiya 5:18

Beno tuwa 'eguma Yaluyaluwa Tabuna 'ihanugetegomi, Mosese 'ina loinao sigumwala 'oimiyega.

1 Kolinita 1:29

Coinega geya 'eta wete loheya sowasowahina ma 'igwae hane Yehoba matana.

Loma 3:23

Weyahina mabwaiyada togala, ma tamiya bwagabwaga Yehoba 'ina 'asilala 'oinega.

Galetiya 4:21

Comi nuwanuwami ma Mosese 'ina loinao wamuliyedi, ma hesi soladiya 'adi nuwasabwalena geya wasanapu.

Loma 1:20

Yehoba geya tada 'iteya, mwalo hene bale'u 'ipaihoweya ma 'ana siga nige 'ina waiwai miyamiya hatayana tasanasanapu, beno ginaulaedi 'ipaihowediya 'oidiyega, 'abehega tauna Yehoba. Coinega tutaina mebale'u 'ihe'ewadi geya wete 'idi 'ebe gwaehilamo.

Yoni 8:9

Beno 'oina Yesu 'ina gwae sihesagoheya ma 'aigeda 'aigeda 'idi pui sinuwatuhudiya ma 'oinega silatulatu. Cinapwanaowedi sihapwesa nugeta, ta baibaiwadi simuliya, eeta siteluwaedi Yesu ma wahineina 'itotoholo ba'idana si'ebesinediya.

Loma 3:4

Nata geya! Weyahina bwagana tauda mabwaiyada to'e'abo'abo, ma Yehoba tuwa 'iboimo dumwadumwaluna. Yehoba tauna weyahina 'ina Buki gide 'ihepwaila 'esa, 'igwaeya Cabehega 'ina gwaeyega si'ahwamoisae, ma 'ina yatala 'oina 'ihewaiwai.

Loma 3:2

Ta ginaula bwebwe'adi baibaiwadi 'oida simiyamiya. Ma ginaula nugenugetaina beno Yehoba 'ina gwae 'oida 'ilaguyama.

Yoni 15:25

Ma 'idi paihowa galadiyedi silatu bwaibwaina weyahina Buki He'asisi 'oina 'ihepwaila 'igwae, ‘Silogwahategauwa geya huhunamo.’