Loma 2:8 - Loina Nuahuana

⁸ ma tupwadi tomota sihe'ahwa pa'ipa'i'i hedada, ta mumuga bwebwe'ana silogwahateya, ta mumuga galana sipaipaihowadi, ee 'oinega Yehoba 'abwa 'igamwasowaledi ma 'iloinaedi.

Loma 2:8 Referans Kwoze

Heꞌitaꞌita 16:19

Eeta 'asa madounaina 'i'ewatahiya, ta 'ana watahina 'etoi silatuwa. Ma tupwa mabwaiyana 'oidiya mwani'ini'iina 'idi 'asa 'igihegalediya, ma 'asa madouna sanina Babiloni 'ina pui Yehoba 'inuwatuhu yahiya ta 'ina biyo 'oinega waini 'ihenumeya, ma wainiina beno 'ina gamwasowala madouna wainiina.

1 Pita 4:17

Ma tuta 'ilatu pwaima ma 'ane bwa'omatana 'ihegaina, ma 'oinega Yehoba 'ina tomotaiyao 'ida bwa'omatana nugetedi, eema muliyetega taudi wasana bwebwe'ana geya sihemihemise, 'idi galao 'ana maisa mwau hedada siloba.

2 Tesalonaika 1:8

Ma taudi 'ida Bada Yesu Keliso tetelina silogwahateya, ta Yehoba sihenainaideya, 'adi maisa mwauna 'i'ebwaedi.

Heꞌitaꞌita 14:10

nata taudi Yehoba 'ina waini waiwaina 'oinega sinuma, ta wainiina beno Yehoba 'ina gamwasowala moisa 'isiweya gamwasowala biyona 'oina. Ma wete 'aiwe yahiyahina ma da'ule yahiyahidi tomotaedi wahidiya silotoho, Yehoba 'ina aneloseyao ta lami matadiya.

Ibeliu 11:8

Ebalahamo wete 'ina hemisega Yehoba 'ina bwau 'imuliyeya ta 'abehega 'ina 'asa 'i'ebesine ma 'ina 'asa 'ehauna hali tupwa 'iloba, 'oinega 'itoholowa ta 'itauya, ta geya 'isanapu to tupwa 'oina 'itautauya.

Ibeliu 10:27

ma hesi bwa'omatana taloba, beno 'aiwe ninima 'igabu hegumwaligita. Bewa Yehoba 'ipaihoweya 'ana 'alehao weyahidi.

Ibeliu 5:9

ta 'oinega 'ina mumuga mabwaiyana dumwaluna. Tauda wete 'eguma tahematamatane 'abihetena hataya Yesuina 'oinega taloba,

Taito 3:9

Ma he'ahwa lasalasa besobeso loina weyahidi, nana hali yaso sanidi weyahidi, bewa nata geya si'abihetegita, 'oinega 'u'ebesinedi.

1 Kolinita 11:16

Cada loina bewa gide, ma geya 'eta wete hali loina tohekalesiyao mabwaiyada 'oida, 'oinega sahena 'eta taiya loinaina weyahina 'igwaegwae hila.

Loma 15:18

Coinega taugu yaboigumo 'igu paihowa weyahidi tuta bewa yahehepwailedi 'oimiya, ta geya hali tomota 'idi paihowa weyahidi. Ma yahepwaila dumwalu 'oimiya, beno 'igu loguguya tomiya ganamuli sihesagohediya eeta sihematamatanaediya, weyahina Yesu Keliso 'ina waiwai 'oiguwa 'imiyamiya.

Loma 10:16

Ma tupwadi geya sihemisa, weyahina Aiseya 'ihepwaila pwaiya weyahidi, 'igwaeya, “Bada yo, 'ino gwaeina weyahina geya si'ahwa moisaegau.”

Loma 9:22

Ta Yehoba wete gidemusa 'ina paihowa 'iboi 'iloinae, weyahina tuta mabwaiyana togala 'oidiya 'ihe'alama'i'ita madouna 'abehega 'idi pui weyahina sahena 'ida hemahemaisedi, ma tuwa geya sida hematamataneya, ma 'inuwatuhuwa 'abehega sowasowana tuwa 'iloinaedi, 'ina gamwasowala ta 'ina waiwai matadiyega si'ita.

Loma 6:17

Ma 'amo'isamo tuwa, 'omi mwalo mumuga galana 'ana topaihowao, ma tetela bwebwe'ana wahesagoheya, ta 'atemi watagwalediya 'oina, ta 'imi puiyedi 'i'ewa yahulediya. Ma Yesu 'ilihasigomiya ma 'abehega mumuga bwebwe'ana weyahina wahetopaihowa. Coinega 'ilobwainegita taloyauwedo madouna Yehoba 'oina, yaliyaya bewa weyahina.

Loma 1:18

Yehoba wetenuge 'ina gamwasowala 'ihe'itaeyama galewega taudi mumugadi galadi mabwaiyadi 'oidiya, weyahina 'idi mumuga galana 'oinega mumuga dumwaluna sihegagaleya.

1 Pita 3:1

Gidemusa 'omi wete tohai mewahinemi mwanemiyao wahe'asisiyanedi, eeta 'eguma taudi geya Yehoba 'ina gwae sihemisae, 'omi 'imi paihowa bwebwe'ana he'asisiyega wahe'itadi, ma 'oinega taudi wete sihemisa.

2 Kolinita 12:20

Moisa, ya'ateyohowa, ta geya nuwagu yatauyawa ma 'imi mumuga ya'ita lobeya 'abehega geya bwebwe'ana, ma 'igu tauyawa weyahina wanuwagala, 'eguma taumimo wahe'ohe'ohena ma wahe'ipi'ipi ma wagamwasowala, nuwana walotobwatobwa hedade, ma 'iyamiyao wa'ahwa galagalaedi, ma wanuwahane, nuwana wapaihowa bwagabwaga.

Galetiya 5:20

'oba, balahu, he'ahwa panapanawa, lo'aleha, he'ipi'ipi, gamwasowala, 'aiduma, wataha, sinala,

Pilipai 1:17

ma hesi tohe'ipi'ipiyedi nuwanuwadi ma nuwagu sigihegaladi bewa tuwa deliya yamiyamiya, 'oinega 'idi 'abowega Keliso tetelina siguguyae taudimo 'adi gilagata weyahina.

Pilipai 2:3

Geya'abwa wanuwanuwa hane, nuwana wahehe'ipi'ipi, ma hesi wanuwasulu ma 'iyamiyao sanidiyao wagilagasidi.

Yemesa 3:14

Ma 'eguma wahe'ipi'ipi ma wagamwasowala hali tomota 'oidiya, ta wete waboi 'imi nuwatuhuwao 'igihe gagasigomi, nata he'ita dumwadumwaluna wagihegaladi.

Yemesa 3:16

Weyahina 'eguma tomota sihe'ipi'ipi ma taudimo weyahidi sinuwanuwatuhu, nage 'oina sideya, ma mumuga galadi wete 'oidiya silatu.