Loma 2:10 - Loina Nuahuana

¹⁰ Ma taiyawedi mumugadi ta 'idi paihowao bwebwe'adi, Yehoba nata hepwatu ma he'asisi ma miya daumwala 'i'ebwaedi, nugeta meYudiya 'oidiya 'i'ebwaya, ee 'abwa 'asa ganamuli 'oidiya.

Loma 2:10 Referans Kwoze

1 Pita 1:7

Bewa 'oidiyega 'imi hemisaedi Yesu weyahina Yehoba 'itohodi. Gidemusa tuwa goula 'aiwe ganiganinisega sitohotohodi. Ma hesi 'imi hemisaina goula 'imadou sineya, weyahina goula ginaula gumwagumwalina. Ma 'eguma 'imi hemisaina waiwaina, 'abwa Yesu Keliso 'ina hapwesama 'oina hepwatu ma wasawasa ma he'asisi walobadi.

Yemesa 3:13

Ceguma taiya 'owa ma'ino sanapu, 'upaihowa bwebwe'ana ma'ino nuwadobi, ma tomota 'abwa si'ita ma sisanapu 'ino mumuga bwebwe'ana.

Loma 2:7

Ma 'eguma tuta mabwaiyana tapaihowa bwebwe'ana ma'ida he'alama'i'ita, ma gide tuwa tapaipaihowa 'esa, ma 'abehega 'ahwa bwebwe'ana ma nata yawasi miyamiya hatayana ta'ewa Yehoba 'oinega, beno moisa tuwa 'abwa yawasida miyamiya hatayana 'i'ebwaegita,

Luke 1:79

ma 'oinega taudi wete guguyou ma 'amasa 'idi tupwa 'oina simiyamiya 'ida 'abihe'asilaladi, ma 'oinega mabwaiyada 'ihanugetegita miya daumwala 'ana 'eda 'oina.”

Yemesa 2:22

Bewa 'oinega nata 'usanapu 'abehega Ebalahamo 'ina hemisa ma 'ina paihowa sipaihowa mahemahetena, ta 'ina paihowega 'ina hemisa moisa 'i'abilatuheya.

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

Loma 5:1

Coinega bewa tuta 'ida hemisega Yehoba 'i'ahwa bwebwe'anegita ta Yehobaina mahetedai ta'ahwa 'iya'iyagu, beno 'ida Bada Yesu Keliso 'oinega.

Loma 2:9

Coinega taiyewedi sipaipaihowa galagala, loina mwauna ta muya madouna silobadi, meYudiya nata 'ihenugetedi ee 'abwa 'asa ganamuli.

Yoni 16:33

Gwae bewa ya'inanediwa 'oimiya ma 'oiguwega wanuwa daumwala. Ma hesiyage 'imi miya gogo gabulena 'oina nata 'igala. Ma hesiyage wa'atepatu, weyahina taugu gogo gabulena 'ana loina mabwaiyana yahewaiwai sinediya.”

Pilipai 4:7

ma Yehoba 'ina lemao tomadou hedada 'oidiyega 'abwa 'igihe yaliyayegomi, ma 'oinega Yesu Keliso mahetemiu 'atemi ta 'imi nuwatuhuwao sibwebwe'ana.

Galetiya 5:22

Ma 'iyamo Yaluyaluwa Tabuna huwaina bwebwe'ana 'ateda bewa: helau, yaliyaya, miya daumwala, toholo pa'ala, lema, mumuga dumwaluna, hemisa,

Loma 15:13

Ta Yehoba 'iboinamo ma'ana hemisa, weyahina 'iboi tuwa 'oinega lema bwebwe'adi talobaloba, 'oinega nuwanuwagu ma ma'imi yaliyaya wahemisa eema 'ane 'imi miyamiya sibwebwe'ana, ma wete Yehoba Yaluyaluwanega 'i'abihe waiwaiyegomi, ma 'imi hemisaina 'ihemadou bwaibwaina.

Loma 14:17

Ma hesi wanuwatuhuyahi beno Yehoba 'ina 'ebeloina geya 'e'ahai nuwana we'aha weyahidi, ma hesi mumuga bwebwe'ana, ma nuwadaumwala ma yaliyaya, beno Yaluyaluwa Tabuna 'oinega.

Loma 9:23

Ma nuwanuwana wete 'ina wasawasaedi mwalo 'i'atububudiya tauda 'ihelauwegita weyahida, 'ihe'itae.

Loma 9:21

Ta 'ana dumwalu hesi beno to'abiina 'iboi 'ina 'abi 'iloinae, 'eguma nuwanuwana bale'u 'aigedaina 'oinega walata 'eluwa 'i'abidi, ma 'aigeda 'ana 'ita 'ausalana, ta 'aigedaina geya. Bewa bwebwe'ana!

Paihowa 10:35

ma hesi hali tupwa ma hali tupwa tomoteninao 'eguma sihe'asisiye ma simumuga dumwalu, 'iyaliyaya weyahidi.

Yoni 12:26

Coinega taiyawedi 'omi 'eguma nuwanuwami ma 'oiguwa wahetopaihowa, 'omi wamuliyegau. Ma to 'asa 'oina yamiyamiya, 'omi wete 'asainaina 'oina wamiyamiya. Ma taiya 'eguma wete weyahigu wahetopaihowa, nata 'omi Tamagu 'i'ahwa bwebwe'anegomi.”

Luke 22:14

Ma 'e'ahai si'atububu pwaiya, ta Yesu ma'ana tohepwailao simiya 'autama, ta ba'idanao si'ai'ai,

Luke 19:42

“Yelusalema yo, nata tomotaimwao 'atemuyamuyaidi, weyahina tuta bewa 'oina 'adi 'abihetenaina 'ihapwesama, ma hesi geya sisanapu.

Luke 12:37

Ma 'eguma simata pa'ali ma si'atu'atububudi ma siyamwayamwa ma 'ilobadi, nata siyaliyaya madouna. Yagwae moisa 'oimiya 'idi badaina nata 'wama 'ebe paihowa 'i'ote, ma hewaliyaowedi simiyatoi ma tauna weyahidi 'ida hetopaihowa.

Luke 9:48

ma 'ihegwaediya, “Gwama bewa wa'ita. Ceguma taiya 'owa gwama bewa weyahigu 'uhelauwe, 'owa beno 'uhelau pwaigauwa, ma wete 'agu Tohewasaina 'uhelau pwaiyeya. Coinega 'eguma taiya 'oimiyega sanina geya madouna tauna 'ihane hedadeya.”

Madiu 10:13

Ceguma susuwedi 'idi mumuga 'ausalana, wahelauwedi ma wagwae helauwedi, ma 'eguma 'idi mumuga galana sahena 'imi helau ma 'imi gwae helau 'oidiya wamudamudali.

1 Pita 5:4

Ma 'oinega tutaina To'itayahina madouna 'ilatuma, tauna 'oinega 'ami maisa bwebwe'ana ma miyamiya hatayana waloba.

Yoni 14:27

“Ma hesi taugu sauga 'i'iunamo ma ya'ebesinegomi, 'oinega taugu tuwa 'igu nuwadaumwala 'oinega nuwadaumwala ya'ebwaegomi. Nuwadaumwala bewa geya gidemusa mebale'u 'oidiyega, 'oinega sahena nuwami sihehelahalaha bo 'atemi siyohoyoho.

1 Timoti 1:17

Coinega Yehoba tahe'asisiyane ma tahepwatuwe hataya, weyahina tauna 'aigeda tuwa Yehoba moisa, geya sawasawahina ma 'ana 'ita ta'ita, geya 'ida 'amasa, ma hesi 'ina loina 'oida nata geya 'igumwagumwala. Emeni.

Ibeliu 2:7

Coinega tuta to'uto'upanamo weyahina 'ulagu suluheya, aneloseyao gabulediya ma muliyetega 'ana 'amayaba ta 'ana hepwatu madouna 'u'ebwaeya.