Loma 15:2 - Loina Nuahuana

² Eeta 'aigeda 'aigeda sawasawahina 'iyadao ta'abihetedi ma 'ane 'idi hemisa 'ihewaiwai.

Loma 15:2 Referans Kwoze

1 Kolinita 10:24

Cilobwainegita ma paihowaedi tapaihowadi 'iyadao 'adi lema weyahina ma hesi sahena taboidamo 'ada lema weyahina.

Loma 14:19

Eeta tatoho ma tamiya daumwala eema 'ane tahe'abi 'abihetena mahetedao.

1 Kolinita 10:33

Gidemusa taugu yatohotoho ma 'abehega sahena taugu 'igu nuwatuhuwega yapaipaihowa, ma hesi to'aha tomota 'idi nuwatuhu gide tuwa yapaihowa 'esa, ma siyaliyaya, ta 'oinega 'adi lema siloba Yehoba 'oinega.

1 Kolinita 13:5

ma hesiyage 'iyadao tahe'asisiyanedi, ma sahena 'enuwanuwaha bo hegamwagamwagu bo 'aleha 'oidega si'ita'ita.

1 Kolinita 10:23

Ginaula mabwaiyadi sawasawahida ma tapaihowadi, ma tupwana ginaula nata geya si'abi 'abihetegita.

1 Kolinita 14:3

Ta 'eguma tapalopisai tomota 'oidiya, eema 'ida gwaeyega sinuwa sabwalena, beno 'adi lema, ma 'ane 'atepatu ta yaliyaya siloba.

1 Kolinita 14:26

Ciyagwao, 'eguma tapwalolo weyahina waluhuluhu, 'aigeda tomota wali 'i'ahala lagasi, 'aigeda 'ihe'ita, 'aigeda lotohona hauhauna 'ihepwaila hapwese; ma 'aigeda hali 'enana 'oinega 'igwae, ma 'aigeda gwaeina 'igibui, eeta paihowaedi 'oidiyega boda silemedi.

2 Kolinita 12:19

Ciyagwao, sahena wanuwanuwatuhu 'abehega 'igu gwae bewa 'oidiyega ya'ahwa bwebwe'anegau matamiya. Geya, ma hesi mabwaiyana Yehoba matana Keliso 'ina gwae yagwaegwaeneyawa sabi 'abihe waiwaiyegomi.

2 Kolinita 13:9

Coinega 'ima we'ao 'oidiya 'ayaliyaliyaya 'eguma 'omi wahewaiwai, ma wete 'a'ahwa'ahwanoi Yehoba 'oina ma watoholo pa'ala bwaibwaina.

Epeso 4:12

Ma mabwaiyada 'ida paihowa 'aigeda 'aigeda beno tohekalesiyao 'adi lema ma sihewaiwai, beno Keliso wahina 'ina sinasinabwa weyahina,

Epeso 4:29

Sahena wete 'eta gwae galana wa'ina'inana, ma hesi gwae bwebwe'anamo tomota 'adi lema weyahina, to'aha tuta 'aigeda 'aigeda 'ana lobwaina weyahina wahegwaegwae, ma 'oinega taiyawedi taudi sihesagohegomi, 'imi gwaeyega nata lema siloba.