Loma 12:2 - Loina Nuahuana

² Sahena bale'u mumugana 'oina watagwa tagwalegomi, ma hesi wahimi mabwaiyana watagwaledi Yehoba 'oina. Coinega 'imi nuwatuhuwao Yehoba 'i'abi hehauhaudi, ma 'ina nuwatuhu bwebwe'adi ta yaliyaliyayadi ma dumwadumwaludi wasanapudi.

Loma 12:2 Referans Kwoze

1 Pita 1:14

Yehoba 'oina wahematamatana, ma geya'abwa 'imi nuwa'ubunao siloiloinaegomi gidemusa mwalo 'imi tuta hemwagemwage 'oina.

2 Kolinita 5:17

ma hesi wanuwatuhuyahi 'abehega taiya Keliso 'oina 'imiyamiya, tauna 'ihetomota hauhauna. Cina mumuga miyamiyaina 'igumwala pwaiya, ma hauhauna 'ilatuwa.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

Epeso 5:17

Coinega geya'abwa waheyauyaule, ma hesi nuwami 'ida sabwalena, to'aha Yehoba gidemusa 'ina nuwanuwa weyahimi.

1 Pita 4:2

Coinega 'ida tuta mabwaiyana bale'uwa tamiyamiya tatagwalegita Yehoba 'oina ma tauna 'iloinaegita ma hesi 'ida nuwa'ubuna geya'abwa 'iloloinaegita.

Loma 12:1

Tasigwao, wanuwatuhuyahi 'abehega Yehoba 'ina 'atemuyamuya 'oida 'imadou hedada, ee 'oinega bewa 'igu loguguya 'oimiya, tuta bewa mayawasimi wamiyamiya wapwaoliyegomi Yehoba 'oina, weyahina Yehoba nuwanuwana wahimi mabwaiyadi watagwaledi 'ina paihowa 'oina. Bewa gide paihowa 'esaina beno tapwalolo moisa 'ina 'eda Yehoba matana.

Yoni 15:19

Ma 'eguma mumugami tomiya bale'u gidemusa tomiya bale'u sihelauwegomi, weyahina sisanapuya 'abehega 'omi 'iyadiyao. Ma 'iyamo sauga bewa 'oina, 'omi yahesinuwane pwaigomiya, 'oinega mebale'u 'oidiyega ya'ewa yahulegomiya. Eeta 'omi geya wete mebale'u 'idi boda 'oidiya wamiyamiya. Beno huhuna 'oinega mebale'u silogwahategomiya.

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

Taito 3:5

ta 'i'abihetegita, geya 'ida paihowa dumwaludi weyahidi, ma hesi tauna 'ina 'atemuyemuyega, 'oinega 'ina Yaluyaluwa Tabuna 'oinega 'ida pui 'ibuyodiya, ta 'i'abihe 'ehaugita, ta yawasida 'ehauna 'i'ebwaegita.

Yemesa 4:4

Comi tohemisa 'abo'abowao! Ceguma bale'u mumugaina wahelauweya, beno Yehoba walo'aleheya, weyahina 'eguma taiya bale'u mumugaina nuwanuwana, tauna Yehoba 'ana 'aleha.

2 Kolinita 4:4

Taudi geya sihemisa, weyahina bale'u bewa 'ina bada 'i'abihegibu pwaidiya, ma 'oinega 'asilala sahena si'ita'ita, beno Keliso 'ina wasawasa tetelina, tauna 'ana 'ita Yehoba gidemusa.

Yoni 17:14

Cino gwaeyedi ya'ebwaya pwaidiya, ma hesiyage mebale'u 'ino tomotaedi silogwahatediya. Weyahina taudi mebale'u 'idi boda geya 'oina simiyamiya. Taugu tuwa wete gidemusa mebale'u geya 'idi boda 'oina yamiyamiya.

2 Pita 1:4

Ma wete 'ina gwae hemisa bwebwe'adi ma waiwaidi 'oidiyega mumuga bale'u 'ana nuwa'ubunao galadi wahasinedi, eema Yehoba 'ina mumuga bwebwe'ana waloba.

Yemesa 1:27

Ma hesi tapwalolo 'asilalana ma dumwadumwaluna Yehoba Tamada matana bewa 'abehega taudi sinasinagehenidi ma hiwahiwapedi 'idi miyamwau 'oidiyega ta'abihetedi, ta wete geya'abwa mumuga bale'uwega ta'abi'abi hebi'igita.

1 Yoni 3:13

Tasigwao, geya'abwa wahehenainaida 'eguma mebale'u silo'alehegita.

1 Tesalonaika 4:3

Yehoba nuwanuwana 'imi miya 'ausaladi, ma sahena wapuipui,

1 Yoni 5:19

Ma wete tauda tasanapuya 'abehega Yehoba 'ihenatunegita, ma bale'u mumugaina 'ana topaihowao mabwaiyadi topuiina 'ina bodao.

Epeso 1:18

ma wete 'atemiyega ginaulaedi bwebwe'adi weyahidi 'ibwauwegomiya wada sanapudi, ma wahemisa 'abehega 'abwa walobadi, ma wada sanapu wete 'ina heguyai madouna 'ina tomotaiyao tauda 'oida, beno tauna 'ina wasawasa 'oinega,

2 Pita 2:20

Taudi mwalo 'idi Bada ma 'adi To'abihetena Yesu Keliso 'ote'otetelina sihemisaeya eeta mumuga bale'u si'ebesineya, ma 'eguma silohihila mumuga miyamiyaidi 'oidiya nata sibe'u, ma 'oinega taudi sigala moisa.

Epeso 2:2

Moisa, mwalo mumuga bale'u wapaipaihowadi, weyahina yaluyaluwa galadi ma waiwaidi 'idi bada, tauna tomiya 'atamana 'awawa wahematamataneya. Ma tauna yaluyaluwaina taudi loina 'ana toligehao simulimuliye ma 'atediya 'imiyamiya.

Galetiya 1:4

Weyahina Tamada Yehoba 'ina nuwatuhu bewa gidemusa, eeta Yesu tauna 'itagwaleya ta 'i'amasa 'ida puiyao weyahidi, ma 'oinega tuta bewa galana 'ina waiwaiyega sowasowana 'i'abihetegita.

1 Kolinita 3:19

Weyahina sanapu bewa bale'uwa gide yauyaule Yehoba matana. Weyahina Buki He'asisi 'oina 'ihepwaila gidemusa 'igwaeya, “Yehoba tosanapuwao 'i'onediya ma sida hesilae siboi 'idi gomanega.”

Loma 7:22

Ta yasanapuya 'abehega yaluyaluwagu nuwanuwana ma Yehoba 'ina nuwatuhu yapaihowa,

Yoni 7:7

Weyahina 'omi nata geya'abwa mebale'u silolo'alehegomi, ma taugu hesi silo'alehegauwa, weyahina mumugadi galanaina yahepwailediya 'oidiya.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

1 Pita 2:3

Comi 'ida Badaina 'ina 'atemuyamuya walotoho pwaiya,

Loma 7:12

Loinaina tasanapuya 'abehega 'ausalana, ma 'ana lohatotowedi mabwaiyadi wete 'ausaladi, ma dumwaludi, ta mabwaiyadi bwebwe'adi, geya 'eta galana.

Kolose 4:12

Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

1 Pita 1:18

Mwalo 'imi mumuga tubumiyao 'oidiyega geya bwebwe'ana, 'oinega Yehoba 'ami he'isa 'ipaihoweya sabi 'abihetegomi. Ma he'isaina wasanapuya 'abehega geya ginaula gumwagumwalidi gidemusa siliba bo goula,

Yoni 14:30

Nata geya'abwa wete sauga saliyana 'oimiya yahehegwaegwae, weyahina bewa tuwa mebale'u 'idi toloina galana 'itautauyama. Tauna geya sawasawahina ma 'ihewaiwai sinegau.

Loma 7:14

Tasanapuya 'abehega Mosese 'ina loinaina Yehoba 'oinega 'i'eweya, ma taugu mumuga bale'u 'iloinegauwa eeta yagala.

Heꞌitaꞌita 12:9

Hebaiina bwehabwehalina ma madouna, tauna mwata nugenugetaina sanina Seitani, gide Tomudulele, tauna bale'u 'ana to'abo. Tauna ma'ina aneloseyao mabwaiyadi bale'uwa siula suluhediya.

Madiu 13:22

“Ma patuwedi talitali 'oidiya sibe'uwa, taudi tetela bwebwe'ana sihesagoheya, ma hesi 'idi nuwatuhu bale'u weyahina ma wete wasawasa 'ana nuwatuhuwao, ma nuwatuhuwedi tetela bwebwe'ana silohe'amasiya, ta geya sawasawahina ma sihuwa.

Maki 4:19

ma hesi 'idi nuwatuhu bale'u ma wasawasa weyahidi, 'oidiyega Yehoba 'ina gwae silohe'amasiya, ma geya sowasowahina huwaidi silagu.

Kolose 1:9

Saugaina wasami 'ahesagoha nugeteya 'ana siga bewa, 'ima 'ahwanoi weyahimi geya 'ada lolaguwa. Ma hesi Yehoba 'oina 'a'ahwa'ahwanoi ma 'oinega Yaluyaluwa Tabuna 'i'abihenuwa sabwalenigomi, ta 'ane wasanapu bwaibwaini to'aha 'ina nuwatuhu weyahimi.