Loma 11:6 - Loina Nuahuana

⁶ Cetolihasaina 'alobeya, geya 'abehega 'ima paihowa 'oidiyega ma hesi Yehoba 'ina helau 'oinega, weyahina 'eguma helau ma'ana maisa, beno geya helau moisa.

Loma 11:6 Referans Kwoze

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

Galetiya 2:21

Coinega geya'abwa Yehoba 'ina helauina yalologwahate. Geya'abwa tanuwanuwatuhu 'abehega Mosese 'ina loinao 'adi hematamatana 'oinega Yehoba 'ida 'ahwa bwebwe'anegita. Beno gide Keliso 'ina 'amasaina 'iheginaula besobeso.

Taito 3:5

ta 'i'abihetegita, geya 'ida paihowa dumwaludi weyahidi, ma hesi tauna 'ina 'atemuyemuyega, 'oinega 'ina Yaluyaluwa Tabuna 'oinega 'ida pui 'ibuyodiya, ta 'i'abihe 'ehaugita, ta yawasida 'ehauna 'i'ebwaegita.

Galetiya 5:4

ma 'eguma taiya 'owa nuwanuwau ma Mosese 'ina loinao 'adi hematamatana 'oinega 'ahwa bwebwe'ana 'uloba, beno Keliso 'ina helau 'oiuwa 'uhebe'u pwaiya, eeta tauna 'u'ebesineya.

1 Kolinita 15:10

Ma hesi Yehoba 'i'atemuya muyaegauwa ta 'ilemegauwa. Coinega geya 'i'abihete daidaisigau, weyahina yahemisa bwaibwaina ma tohepwailao mabwaiyadi 'idi paihowa ya'ebesineya, geya taugu 'igu waiwaiyega, ta Yehoba 'ina helau 'oinega.

Luke 6:13

Coinega gona 'i'adaleya ta 'ana tomuliyao 'ibwauwediya, ma 'oidiyega site tuwelo 'ihesinuwediya, ma 'ibwauwediya tohepwailao.