Loma 10:3 - Loina Nuahuana

³ Cedaina sihemata hwadiyeya, 'oinega siboidimo 'idi nuwatuhu simuliyediya ma 'abehega 'oidiyega Yehoba 'i'ahwa dumwaluwedi, ta si'aipate 'asaya, weyahina Yehoba 'ina nuwatuhuina 'adi 'ahwadumwalu weyahina geya sihemise.

Loma 10:3 Referans Kwoze

Pilipai 3:9

ma wete nuwanuwagu Keliso mahetegu 'amiya, geya 'abehega taugu 'igu mumuga dumwadumwalunega, bo Mosese 'ina loinao 'oidiyega, ta hesi hemisa Keliso 'oina weyahina, beno 'ida mumuga dumwadumwaluna Yehoba 'i'ebwaegita 'ida hemisa Keliso 'oina weyahina.

Luke 16:15

Coinega Yesu Palisiyaowedi 'oidiya 'igwaeya, “Comi wanuwatuhuya 'abehega mumugami bwebwe'ana tomota matadiya, ma hesi galana mabwaiyana 'atemiya Yehoba 'isanasanapudi, weyahina ginaulaedi tomota nuwadi si'eweya, Yehoba 'ilogwahatediya.

2 Kolinita 5:21

Yehobaina tauda weyahida Keliso 'iloineya, tauna geya 'eta 'ina pui, ma hesi Yehoba 'itagwaleya ma Kelisoina weyahida 'ihetogala, ma 'ane tauna ba'idadai Yehoba 'ina mumuga bwebwe'ana ta'ewa.

Loma 5:19

Ma wete 'aigeda loheya loinaligeha 'oinega galanaina 'ilatuma ta tomota mabwaiyadi sigala, ma wete 'aigeda loheya bwebwe'ana 'ina tagwalega tomota mabwaiyadi 'ideulidiya, ma Yehoba 'i'ahwa dumwaluwediya.

Loma 1:17

Ta moisa tuwa tetela bewa 'ihe'itegita 'abehega 'ida hemisamo tuwa 'oinega Yehoba 'i'ahwa bwebwe'anegita. Weyahina Yehoba 'ina buki 'ihepwaila, 'igwaeya, “Todumwalu 'idi hemisega yawasidi siloba.”

Loma 3:22

'abehega Yehoba mabwaiyada 'i'ahwa dumwaluwegita Yesu Keliso 'ana hemisa 'oinega, ma geya sowana 'eta taiya wete wataha 'i'abi'abihelatu tauda meYudiya ma tomiya ganamuli gamwagamwanida.

Luke 10:29

Ma loheyaina 'ina nuwatuhu 'abehega tauna todumwalu, 'oinega Yesu wete 'oina 'ihesilala hila, “Taiya hede 'iyagu?”

2 Pita 1:1

Taugu Saimoni Pita ta Yesu Keliso 'ina topaihowa 'aigeda, nuwana 'ana tohepwaila, 'imi leta yaleleyawa. Comi ma taugu 'ida hemisa mahemahetena, ma weyahina tayaliyaya. Hemisaina talobeya 'ida Yehoba ma 'ada To'abihetena Yesu Keliso 'idi loina bwebwe'ana 'oinega.

Loma 3:26

Eeta tuta bewa 'ina mumuga bwebwe'ana 'ihe'itegita 'abehega tauna todumwalu, weyahina Yesu 'ana tohemisao tauda 'i'ahwa bwebwe'anegita.

Loma 10:2

Ta yasanapu bwaibwainidiya Yehoba weyahina sihematamatana madouna, ma hesiyage geya 'ana 'eda moisa 'oinega sida tauya.

Loma 10:20

Ma Aiseya Yehoba 'ina gwaeina wete 'igwae waiwaiya, 'igwaeya, “Tomotaiyedi taudi geya si'ebesegau, nuwana sihesilalegau, 'oidiya yalatuwa, ma ba'idagwao 'ahe'iya'iyaguwa.”

Loma 11:7

Bewa lamuna 'oinega meIsileli mabwaiyadi 'etolihasaina si'ebesa 'asaeya, ma tauma tupwatupwamamo hesiyage Yehoba 'ina bodao hesihesinuwama 'etolihasaina 'alobeya, weyahina meIsileliyedi mabwaiyadi deba pa'apa'alidi eeta geya siloba.