Loma 1:28 - Loina Nuahuana

²⁸ Bewa 'oinega Yehoba 'ana nuwatuhu geya nuwadi, eeta Yehoba 'itagwalediya ma nuwatuhu galadi 'ilohemahadi, ma ginaulaedi geya 'adi lobwaina tuwa sipaihowadi.

Loma 1:28 Referans Kwoze

Loma 1:21

Ma sisanapuya tauna tuwa Yehoba, ma geya sida he'asisineya bo sida loyauwedowa 'oina, ma nuwatuhu besobeso 'oina sihewaiwai, 'oinega 'eda'eda guguyou 'atedi 'ilohemaheya.

Taito 1:16

Taudi sigwae 'abehega Yehoba sisanapuya, ta 'idi paihowa 'oinega Yehoba siuhaleya, weyahina taudi togala ma wete loina 'ana tosinala, 'oinega paihowa bwebwe'ana geya 'eta 'adi lobwaina.

Loma 1:24

Coinega Yehoba 'oidiya 'itagwala ma 'idi nuwatuhu dahwadahwanidi 'atediya simiyamiya sipaihowadi, eema nage 'oinega mahetediyao wahidiyega si'etala biyabiyaunedi 'eda'eda galana 'oidiyega.

2 Timoti 3:8

Tomotaedi he'ita moisa silo'aleheya, gide taudi mwalo Yanisi ma Yamilisi Mosese silo'aleheya, ta 'adi 'ita gide taudi tohemisa ma 'atediya 'abo ma nuwatuhu galadi simiyamiya.

2 Tesalonaika 1:8

Ma taudi 'ida Bada Yesu Keliso tetelina silogwahateya, ta Yehoba sihenainaideya, 'adi maisa mwauna 'i'ebwaedi.

1 Kolinita 15:34

Nuwana tupwami Yehoba wahenainaideya. Bewa 'ebe debamwadina 'oimiya, 'oinega 'ilobwainegomiya ma wada sanapu, ma mumuga galana walolagu.

Loma 1:18

Yehoba wetenuge 'ina gamwasowala 'ihe'itaeyama galewega taudi mumugadi galadi mabwaiyadi 'oidiya, weyahina 'idi mumuga galana 'oinega mumuga dumwaluna sihegagaleya.

Epeso 5:4

Wete geya'abwa 'ahwasewa bo 'ahwa galagala bo gwae besobeso, weyahina gwaeyedi geya 'adi lobwaina solamiya, ma hesi 'imi gwaeyega Yehoba wahepwatuwe.

Loma 1:26

Bewa 'oinega Yehoba 'itagwalediya ma 'idi nuwatuhu dahwanedi sipaihowadi. Cidi wahiwahineyao sipaihowa galagala, geya pui 'ana moisega, beno ma'idi 'ehewahiwahineyao silogwali hilediya.

2 Pita 3:5

Taudi genuwadi sinuwatuhuyahi 'abehega mwalo hene Yehoba 'ina gwaeyega galewa 'ilatuwa, ma bwasi 'alonega bale'u 'ipaihoweya bwasiyega,

Pilimoni 1:8

Nuwanuwagu ma helauwega ginaula 'aigeda 'upaihowa. Taugu Paulo, 'ino bada, ma deliya yamiyamiya Yesu Keliso weyahina, 'oinega sawasawahigu ma Keliso saninega yaloinego ma ginaulaina 'upaihowa, ma tuwa hesi, helauwega yahegwaego,

2 Kolinita 10:5

Cida tobwatobwaedi 'oidiyega sowasowahida tahewaiwaisine mumuga galana, he'ohe'ohe, ma gwae hane, beno ginaulaedi Yehoba 'ana hemisa si'etobodeya, ma hesi tomota 'idi nuwatuhuwao tagibuidi ma Keliso 'ina gwae sida hematamatanedi.

Paihowa 17:32

Ma bodaedi to'amasa 'idi toholo hila wasana sihesagoheya, ma tupwana sihenameya, ta tupwadi sigwaeya, “Nuwanuwama ma 'abwama nuwatuhu bewa weyahina 'uhe'ote'otetela hila ma 'ada hesagoha.”

Paihowa 17:23

weyahina 'igu yawalao 'oidiya 'omi 'ebe tuluha baibaiwadi ya'itediya ma 'oidiyega 'aigeda 'ebe pwaoli ma'ana lele ya'ita lobeya, ta 'ana lele bewa gidemusa 'igwaegwae, ‘Yehoba tauna geya tada sanapuya 'ina 'ebe pwaoli bewa.’ Ma Yehoba 'ina 'ebe pwaoli beno 'oina watulutuluha ta geya wada sanapuya, tauna 'iboi yahehepwaila 'oimiya.