Loma 1:25 - Loina Nuahuana

²⁵ Weyahina Yehoba 'ana he'ita moisa siguipaileya, ma 'e'abo'abo 'oinega sihemiyalaeneya, ta Yehoba ginaulaedi 'ipaihowediya 'oidiya si'etala he'asisi, ma hesi topaihowaina silogwahateya, tauna 'ana hepwatu miyamiya hatayana. Emeni.

Loma 1:25 Referans Kwoze

2 Kolinita 11:31

Yehoba tauna 'ida Bada Yesu tamana tada hepwatuwe hataya, ma tauna 'isanasanapugau 'abehega 'igu he'ote'otetela bewa gwae moisa.

1 Yoni 5:20

Ma wete tasanapuya 'abehega Yehoba Natuna 'itauya pwaima, ta 'igihenuwa sabwalenigita ma Yehoba tasanapu 'abehega tauna Todumwalu, ta 'oina tamiyamiya, weyahina tauda Yehoba Natuna Yesu Keliso mahetenao. Yesuina Yehoba moisa, ma yawasida miyamiya hatayana huhuna tauna.

Loma 1:23

Weyahina Yehoba miyamiya hatayana si'ita guipaileya, ma tauna miyalaena beno 'idi 'ebe hemisao ginaula hagadi silagudiya, leleleidi sitagidiya 'adi 'ita gide tomota bo bwasumo bo hebahebai bo hebai 'awa'awalidi. Ginaulaedi sihemisaediya eeta sitapwatapwalolo 'oidiya.

2 Timoti 3:4

to'wayama, ma galana 'oina sihewaiwai, ma gwae hane hedada, ma geya Yehoba sihelauwe, ta hesi taudimo 'idi yaliyaya weyahina sinuwanuwatuhu.

Loma 1:18

Yehoba wetenuge 'ina gamwasowala 'ihe'itaeyama galewega taudi mumugadi galadi mabwaiyadi 'oidiya, weyahina 'idi mumuga galana 'oinega mumuga dumwaluna sihegagaleya.

Madiu 6:24

Topaihowa geya sawasawahina ma 'ihetopaihowa badao 'eluwa 'oidiya, 'aigeda 'ilogwahate ma hesi 'aigeda tuwamo weyahina 'ipaihowa, ma 'oinega 'aigeda 'i'ahwa bwebwe'ane ma 'aigeda 'i'ahwa galagala. Coinega geya sawasawahina ma Yehoba 'ina paihowa ma wasawasa bale'u ta'abiluwedi.

1 Tesalonaika 1:9

weyahina taudi 'oima sihegwaegwaeya, 'omi 'imi tagwala mwalo 'oima weyahina, 'abehega 'imi 'ebe hemisaedi miyamiyaidi walogwahatediya, ma Yehoba 'iboi 'oina watagwalegomiya, weyahina tauna tuwa 'iboi Yehoba moisa ma mayawasina, 'oinega tauna weyahina wapaipaihowa,

1 Timoti 1:17

Coinega Yehoba tahe'asisiyane ma tahepwatuwe hataya, weyahina tauna 'aigeda tuwa Yehoba moisa, geya sawasawahina ma 'ana 'ita ta'ita, geya 'ida 'amasa, ma hesi 'ina loina 'oida nata geya 'igumwagumwala. Emeni.

1 Timoti 1:11

He'ita dumwalunaina Yehoba 'oinega, tauna 'iboi 'asilala ma yaliyaya huhuna, ma 'igu paihowa 'i'ebwaegauwa wasana yaguguyae tomota 'oidiya.

Madiu 10:37

“Ma 'eguma taiya tamana ma sinana 'ihelauwedi madouna, ma taugu 'i'iuna, tauna geya sawasawahina ma 'imuliyegau. Ma 'eguma taiya wete natuna meloheyana bo mewahinena, 'ihelauwe madouna, ma taugu 'i'iuna, tauna geya sawasawahina ma 'imuliyegau.

Epeso 3:21

Coinega tohekalesiyao mabwaiyada Yesu Keliso saninega tahepwatu hatae, sauga mabwaiyana 'oidiya. Emeni.

Yoni 2:8

Ma wete 'ihegwaediya ma we'aha patuwedi 'oidiyega we'aha tupwadi sigoidiya ma sitauyediya haiina toni wagana 'oina.