Kolose 4:10 - Loina Nuahuana

¹⁰ Alisitako ba'idagu deliya 'amiyamiya, ta 'ina loyauwedo 'oimiya bewa yahepwaileyawa. Ma wete Maki, tauna Banaba nibaina. (Mwalo yahenuwa laguwegomiya Maki weyahina, 'eguma 'itautauyawa wabwauwe 'imi hada.)

Kolose 4:10 Referans Kwoze

Pilimoni 1:24

Gide wete taudi ba'idagwao 'apaipaihowa: Maki ma Alisitako ma Dimasa ma Luke, 'idi helau wete 'oiuwa.

2 Timoti 4:11

Luke 'iboi 'itupwa. Cino tauyama 'oina Maki 'utoeyama, weyahina tauna 'agu tolema bwebwe'ana.

Paihowa 19:29

Coinega tomota baibaiwadi sipili 'autama ma siwuiwui, ma hedagadaga besobeso sipaipaihowa, ta meMasidoniya 'eluwa si'abiyahidiya, taudi Paulo 'ina sakowasi 'oidiya 'ana to'wayabuwao, sanidi Geyo ma Alisitako, ta sipilihediya hada 'ebe 'eto'auta 'oina.

Paihowa 27:2

Eeta Adilamitio 'oina wagega 'agelu, tauna wagaina 'i'iuna 'ipili Esiya 'asaidi gadowaidi 'oidiya, ma 'a'u'e, Alisitako ba'idamai, tauna gwama Masidoniyana, tupwa Tesalonaika 'oinega.

Paihowa 20:4

Ma loheloheya tupwana ba'idanao sitauya, 'aigeda gwama Beliya, tauna Pilo natuna sanina Sopeta, ma meTesalonaika siteluwa, taudi Alisitako ma Sikanido, ta gwama Dabi sanina Gayo, ta Timoti wete, ta meEsiya siteluwa, sanidiyao Tikiko ma Tilopimo.

Paihowa 12:12

Pitaina nuwana 'isabwalena ma 'itauya Meli 'ina hada, tauna Yoni sinana, ta Yoni sanina heluwena Maki, ma hadaina 'alona tomota baibaiwadi bo'i si'autama ta si'ahwa'ahwanoi Yehoba 'oina.

1 Pita 5:13

Ma wete tohekalesiyao tupwa bewa Babiloni 'oina 'idi helau 'oimiya. Taudi Yehoba 'ihesinuwediya gidemusa tuwa 'omi 'ihesinuwegomiya, 'idi gwae helau 'oimiya. Ma wete natugu Maki 'ina gwae helau 'oimiya.

Loma 16:7

Ciyagwao Anidaloniko ma Diuniya wete 'oidiya yahelauwa, taudi meYudiya, mwalo mahetegwao deliya 'amiyamiya, siteluwaedi ma'adi 'amayaba Yesu 'ana tohepwailao 'oidiyega, weyahina taudi tohekalesiya nugenugetadi 'abwa muliyega taugu.

Loma 16:2

ma 'eguma to tuta 'itauyawa 'oimiya nuwanuwagu watoe 'imi hada 'ida Bada saninega, weyahina mumuga bewa gide Yehoba 'ina topaihowao 'ilobwainediya, ma wete Pibeina 'eguma to'aha 'oinega 'ito'uto'upa wa'abihete, weyahina tauna gide 'ipaipaihowa 'esedi tohekalesiyao baibaiwadi 'ihehelauwedi, taugu gide 'lemegauwa.

Paihowa 13:13

Ta Paulo ma'ina bodao Pepose 'oinega sigeluwa ma si'u'e hila, ma Peliga 'oina siluhuwa, tupwa Pamipiliya 'alona. Ta Yoni 'i'ebesinediya ma 'ihila Yelusalema.

Paihowa 4:36

Towasawasa 'aigeda 'oidiyega, sanina Yosepa, ma sanina hauhauna tohepwailaowedi si'ebwaeya Banaba, beno 'ana sanapu “To'abihe 'atepatu,” tauna gwama Saipilosi, ma Libai 'ina susu 'aigeda,

Paihowa 13:5

ma nobwa 'asa sanina Salami 'oina silaga, ta meYudiya 'idi hada tapwalolo 'oina Yehoba 'ina gwae sihepwaileya. Caigeda 'idi hewali ba'idadiu sisakosakowasi, sanina Yoni.

Paihowa 12:25

Ta Banaba ma Saulo 'idi paihowa Yelusalema 'oina silohegumwaliya, ma sisulu hilama Anitioki 'oina, ta Yoni sitoeyama ba'idadiu. Yoniina sanina heluwena Maki.

Pilimoni 1:23

Epapila ba'idagu Yesu Keliso 'ina paihowa weyahina ta deliya silagumaiya, ma Epapilaina 'ina helau 'oiuwa.