Kolose 3:5 - Loina Nuahuana

⁵ Coinega gogo gabulena mumugana 'oimiya walohe'amasidi, beno logwali, pui, ma henuhenuwa galadi ma hewasawasa, beno hali 'ebehemisao 'adi tuluha.

Kolose 3:5 Referans Kwoze

Galetiya 5:24

Ta wete 'eguma Yesu Keliso 'iloinegita, wahida 'ina mumuga galadi ma nuwa'ubunao 'ilohe'amasidiya 'ana kelose 'oina.

Loma 6:13

Geya sowana 'eta wete to'wehimi, nimami nuwana matami, watagwatagwaledi paihowa galadi weyahidi, ma hesiyage watagwalegomi Yehoba 'oina, weyahina 'i'abihetoholo hilegomiya, ta bewa tuta mayawasimi, ee 'oinega wahimi mabwaiyana watagwale Yehoba 'ina paihowa dumwaluna 'oina.

1 Pita 2:11

Ciyagwao 'oimiya yahepwaila 'abehega tauda bale'u bewa 'oina tohetautaumana, 'oinega 'imi nuwa'ubunaowedi 'atemiya simiyamiya walogwahatedi, weyahina yaluyaluwami silo'alehedi.

1 Kolinita 6:18

Sahena waganawala, weyahina ganawala geya gidemusa hali mumuga galadi. Moisa, hali mumuga galadi geya wahida si'abihe galadi, ma ganawala hesi wahida 'i'abihe galadi.

Epeso 4:19

Coinega sigala moisa, eeta sitagwalediya mumuga sogala weyahina, ma mumuga galadi baibaiwadi nuwadi si'eweya.

2 Kolinita 12:21

Cigu 'ateyohoina 'abehega 'eguma yatauya hilawa 'oimiya ma Yehoba 'ebedeba mwadina 'i'ebwaegau matamiya, ma taudi mwalo sipuiya, ma 'idi mumuga bi'ibi'ina ta pui ta ganawala 'oidiyega geya wanuwabui, taudi si'abihenuwa mwauwegau, ma weyahidi yada dou.

Heꞌitaꞌita 21:8

Ma hesi taudi 'atewe'awe'adi, ma taudi geya sihemisa, ma tohemata ganawalao, ma tolohe'amasao, ma tologwaliyao, ma Tomudulele ma'iyanao, ma dimwa 'adi tohemisao, ma to'e'abo'abowao, taudi bewa 'idi tupwa 'asa 'ala'alataina, beno 'amasa heluwena.”

Loma 7:23

ma hesi hali loinao taudi wahiguwedi 'oidiya siloinaegauwa. Tuta mabwaiyana lotohona galana 'ateguwa 'ihehewaiwai hedade ma 'igu nuwatuhu bwebwe'ana 'i'abi'abihewe'a, ma wahigu 'ina paihowa galana 'oinega pai ma 'amasa yalobediya.

Madiu 15:19

beno nuwatuhu galadi gide lohe'amasa ta loyawe ta ganawala ta yagaha ta gwae 'abo'abo ta gwae sinala wete.

Heꞌitaꞌita 22:15

Ma hesi 'asa 'atamanina 'adi tomiyanao, beno 'edewao, ma Tomudulele ma'iyanao, ma tologwaliyao, ma tolohe'amasao, ma dimwa 'adi tohemisao, ta wete to'e'abo'abowao.

Yemesa 4:1

To'aha weyahina 'aleha ma he'ahupanapanawa silatulatu 'oimiya? Nuwana waboi 'imi nuwa'ubuna 'oidiyega, weyahina tuta mabwaiyana hali mumuga ma hali mumuga 'alomiya sipaipaihowa.

1 Kolinita 6:13

Wanuwatuhuyahi 'e'ahai weyahina. Moisa, 'e'ahai gamwada weyahina, ma wete gamwada 'e'ahai weyahina, ma hesi muliyetega 'e'ahai ma gamwada Yehoba 'ilohegumwalidi. Ma wahida Yehoba 'i'ebwaegita geya ganawala weyahina, ma tauna hesiyage weyahina, ma tauna tauda weyahida,

Loma 6:6

Ta wanuwatuhuyahi beno mumugada miyamiyaidi 'ana kelose 'oina 'ilohe'amasa pwaiya, ma 'ane tauda 'ida loina 'igumwala, ma 'oinega geya'abwa wete mumuga galana 'ina loina 'alona tamiyamiya,

Ibeliu 13:4

Mabwaiyami hai 'ana loina wahe'asisiye ma sahena wanuwanuwa 'ubuna, weyahina tolopuiyao ta tologwaliyao 'abwa Yehoba 'iloinedi.

Ibeliu 12:16

Sahena wanuwanuwa 'ubuna, ta wete sahena Yehoba 'ina helau walologwahate, gide Iso mwalo Yehoba 'ina gwaehemisa tauna weyahina ma 'ipeleya tasina 'oina, 'ana maisa 'e'ahai 'aigeda tuwamo.

1 Tesalonaika 4:3

Yehoba nuwanuwana 'imi miya 'ausaladi, ma sahena wapuipui,

1 Kolinita 5:1

Cimi pui yahesagoheya weyahina 'aigeda loheya 'oimiyega tamana mwanena mahetena sipuiya. Pui beno gala hedada. Taudi tomiya ganamuli gogo baibaiwana 'oidiya geya gidemusa sida mumuga 'esa.

Loma 7:5

Weyahina mwalo tauda mumugada gide gogo gabulena mumugana, bwagana Mosese 'ina loina tasanapuya, ma nuwatuhu galadiyedi 'oida sihewaiwaiya ma yahuda mabwaiyadi simumuga galagala, ta 'ana maisa 'amasa 'abwa nata taloba.

Loma 1:29

Ta gala mabwaiyana 'ilohemahediya, gide tobwatobwa 'ana henuhenuwa, ma mumuga galagala ma he'ipi'ipi ma lohe'amasa ma he'alagwaegwae ma 'e'abo'abo ma sosomane ma hetalapili,

Loma 1:26

Bewa 'oinega Yehoba 'itagwalediya ma 'idi nuwatuhu dahwanedi sipaihowadi. Cidi wahiwahineyao sipaihowa galagala, geya pui 'ana moisega, beno ma'idi 'ehewahiwahineyao silogwali hilediya.

1 Tesalonaika 4:5

ma sahena nuwadahwana, gide ganamuli taudi Yehoba 'ana tohenainaidao.

1 Kolinita 6:11

Weyahina tupwami mwalona mumugami gidemusa, ta hesi tuwa Yehoba 'ideuli pwaigomiya, ta wa'ehauwa, weyahina 'ida Bada Yesu Keliso saninega ma Yaluyaluwa Tabuna 'ina paihowa 'oinega 'i'abihedumwalu pwaigomiya.

Kolose 2:11

Ma wete Keliso 'oinega 'ami 'ila'ilala walobeya, gide 'upwa, geya 'wapimi 'oina, ma hesi bale'u mumugana 'atemiyega 'i'upwa yahuleya.

1 Timoti 6:10

Weyahina wasawasa 'ana nuwa'ewa beno puiyao huhudi, ma wete 'iyadao tupwadi wasawasa si'ebesa hedadeya, 'oinega tapwalolo moisa si'ebesineya, ma 'ebenuwagala mabwaiyana silobeya.

Ibeliu 13:5

Sahena wasawasa bale'uwa nuwami 'i'ewa'ewa, ta hesi wayaliyaya to'aha waloba pwaidiya weyahidi, ma sahena hali ginaula ma hali ginaula weyahidi wahehetapewa, weyahina Yehoba 'igwaeya, “Geya'abwa yanuwanuwa naidego. Geya'abwa ya'ebe'ebesinego. Geya!”