Kolose 3:12 - Loina Nuahuana

¹² Ta 'omi Yehoba 'ina helauwega 'ihesinuwanegomiya tauna weyahina, 'oinega 'ilobwainegomiya ma wa'atemuyamuya, ma wahehelau hilegomi ma wanuwasulu ma'imi hohobiga ta wete ma'imi 'alama'i'ita.

Kolose 3:12 Referans Kwoze

Epeso 4:32

ma hesi wahelau hilegomi, 'atemuyemuyega 'iyamiyao 'idi pui wanuwasamudi 'aigeda 'aigeda 'oina, gidemusa Yehoba 'imi puiyao Keliso 'oinega 'inuwasamudiya.

Epeso 4:2

ma ma'imi nuwadobi, ta ma'imi 'ate tagwala, ta ma'imi 'alama'i'ita, ma mahetemiyao wahelau hilegomi, ma wa'atemuyamuya 'iyamiyao 'oidiya,

1 Yoni 4:19

Ta 'ida helauina huhuna bewa, weyahina Yehoba 'ihelau nugetegita.

Kolose 3:10

Ta mumuga 'ehauna walobeya, weyahina 'ada topaihowaina sauga mabwaiyana 'i'abihe 'ehaugita, ma 'ane tauna wasanasanapu ma mumugana wahe'au'aunaowe.

2 Pita 1:10

Coinega 'iyagwao, watoho waiwai ma geya'abwa Yehoba 'ana hesihesinuwao bodaedi 'oidiyega wamiyamiya latu. Ma 'eguma 'igu gwae bewa wahematamatanedi geya'abwa wabe'ube'u,

1 Tesalonaika 5:15

Wa'itayahigomi, sahena 'eta 'oimiyega galana 'ihehemaise galana 'oinega, ma hesi tuta mabwaiyana wahelau hilegomi ma wa'abihetena ma wete tomota hagadi wa'abihetedi.

2 Kolinita 6:6

mumuga 'asilalana, sanapu, 'atemuyamuya, he'iya'iyagu, Yaluyaluwa Tabuna 'ateda, ta wete helau moisa,

Galetiya 5:6

Moisa, Yesu Keliso 'oina meYudiya 'adi 'ila'ilala geya 'i'abihe dumwaluwegita, beno 'wapidi si'upwa'upwa, ma wete 'eguma 'wapi 'upwaina talogwahate geya'abwa 'ada 'ahwadumwalu talobaloba. Beno tuwa 'eguma Yesu tahemise ma tahelauwe, tauna 'ada to'abihedumwalu.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

2 Timoti 2:10

Bewa weyahina 'igu miya mwauwedi 'oidiyega ya'alama'i'ita, ma 'abehega Yehoba taudi 'ihesinuwediya yalemedi, ma 'ane Yesu Keliso 'i'abihetedi, ta yaliyaya miyamiya hatayana siloba.

Loma 1:7

Tamadai Yehoba ma 'ida Bada Yesu Keliso 'idi helauwega tuwa wamiya daumwala.

Taito 1:1

Natugu Taito, 'ino leta bewa taugu Paulo 'oiguwega, taugu Yehoba 'ina topaihowa ta Yesu Keliso 'ana tohepwaila. Cigu paihowaina 'i'ebwaegauwa ma taudi Yehoba 'ana hesihesinuwao ya'abihe waiwaiyedi ma sihemisa moisa ma nuwadi 'isabwalena, ta 'oinega sanapu moisega sipaihowa dumwalu.

Madiu 24:31

Ma wete yoguli simu'a ma 'igu aneloseyao yahesumanedi ma 'igu boda hesihesinuwaidi sihe'autedima bale'u mabwaiyana ma yaumai mabwaiyana 'idi tupwa 'oidiyega.

Luke 18:7

Wete gide Yehoba 'ina tomotaiyao hehesinuwaidi nata 'ilemedi, 'eguma si'ahwanoi hilahila 'oina, sabwelo ma nihuwana 'oidiya.

Luke 1:78

Weyahina Yehoba 'ina 'atemuyamuya 'oida, madou hedadena, ma 'abwa 'ida 'abihetena galewega gide 'asilala 'i'abi'abilatuhe 'oida,

Maki 13:27

'oinega 'igu aneloseyao yahetunedi, 'igu bodao hesihesinuwaidi sihegogonedima bale'u ta galewa ta yaumai mabwaiyadi 'idi tupwa 'oidiyega.

Epeso 4:24

ma 'oinega mumuga hauhauna wa'ewa Yehoba 'ina mumuga gide, weyahina tauna 'ateda mumuga bwebwe'ana ma 'ehauna 'ilaguya.

2 Timoti 1:9

Yehoba tauna 'i'abihetegita ta 'ibwauwegita 'ina paihowa bwebwe'adi sabi paihowadi. Moisa tuwa tauda geya 'ida bwebwe'ana weyahina 'ihesinuwegita, ma hesi mwalo hene tauna 'ina nuwatuhu ma 'ina helau weyahina, ta Yesu Keliso 'ipaihoweya tauda weyahida.

Pilipai 1:8

Yehoba wete 'isanasanapugau 'abehega Yesu Keliso 'ina helauwega nuwanuwagu 'omi,

Epeso 1:4

Weyahina mwalo hene 'abwa bale'u geya 'ihemasalehe ma 'ihesinuwa nugetegita ma 'abehega taheboda 'aigeda Keliso mahetedai, ta Yehobaina matana mumugada 'ehauna, ma geya 'ada 'ebe he'ewamo.

Maki 13:22

Weyahina Keliso 'abo'abodi ma palopita 'abo'abodi beno silatulatuma ma 'ila'ilala waiwaidi tomota 'oidiya sihe'itaedi, ma 'oidiyega 'eguma sawasawahidi Yehoba 'ina bodao hesihesinuwaidi si'abowedi.

Maki 13:20

Mwau nina 'ana sabwelowao 'eguma Yehoba sahena 'i'abi'abi hetoto'upe beno tomota mabwaiyadi si'amasa, ma hesi Yehoba sabwelowedi 'abwa 'i'abi hetoto'upadi, tauna 'ina tomotaiyao hesihesinuwaidi weyahidi.

Madiu 24:22

Mwau nage 'ana sabwelowao 'eguma Yehoba sahena 'i'abi'abi heto'uto'upadi, nata tomota mabwaiyadi si'amasa, ma hesi Yehoba sabwelowedi 'i'abihe to'uto'upadi beno 'ina boda hehe'asaidi weyahidi.

Heꞌitaꞌita 17:14

Ma 'abwa Lami 'oina silo'aleha, ma Lamiina 'ihewaiwai sinedi, weyahina tauna babadaowedi 'idi Bada, ma kiniyao 'idi Kini, ma wete taudi 'ina hesinuwega 'ibwauwedima, taudi 'ana tomuliyao moisa ba'idanao.”

2 Yoni 1:13

Tasiu tauna wete hesihesinuwana Yehoba 'oinega, tauna natunao 'idi helau 'oiuwa.

Madiu 24:24

Weyahina Keliso 'abo'abodi ma palopita 'abo'abodi 'abwa silatu ma 'ila'ilala waiwaidi tomota matadiya sipaihowaidi, ma 'oidiyega 'eguma sawasawahidi Yehoba 'ina bodao hehe'asaidi wete sida 'abihe'wanidi.

Loma 13:14

Sahena bale'u mumugana weyahina tanuwanuwatuhu, ma hesiyage 'ida Bada Yesu Keliso mumuganega tatauya.

1 Kolinita 13:4

Moisa, helau ginaula madouna, weyahina 'eguma helauina 'ateda 'imiyamiya, sawasawahina ma tahe'alama'i'itana ma tomota ta'ate muyamuyaedi, ta sahena tahehe'ipi'ipiyedi. Ta sahena wete tanuwanuwahane, nuwana tagagagagasa,