Kolose 1:7 - Loina Nuahuana

⁷ Moisa, 'iyada Epapilaina loheya bwebwe'ana, 'oinega wasaina 'ihe'ita nugetegomiya. Weyahina tauma 'ihemiyalaemaiya ta 'ihehetapewa Keliso weyahina 'oimiya.

Kolose 1:7 Referans Kwoze

Kolose 4:12

Epapila wete 'ina loyauwedo 'oimiya, tauna 'aigeda 'imi boda 'oimiyega. Ta 'ipaipaihowa To'abihetena Yesu weyahina, ma wete 'ina 'ahwanoi 'oidiya 'i'ahwa'ahwanoi waiwai ma 'ane watoholo pa'ala, ma'imi mumuga mabwaiyana bwebwe'ana, gide Yehoba nuwanuwana.

Pilimoni 1:23

Epapila ba'idagu Yesu Keliso 'ina paihowa weyahina ta deliya silagumaiya, ma Epapilaina 'ina helau 'oiuwa.

Ibeliu 2:17

Coinega Yesu 'iheloheya tauda tasinao gide, ta 'ihetopwaoli madouna ma'ina 'atemuyamuya weyahida, ma Yehoba 'ina paihowa 'oina 'ihetapewa, ta 'ipwaoliyeya 'ida mumuga galadi weyahidi ta 'abehega Yehoba 'inuwasamudi.

Kolose 4:7

Cabwa Tikiko 'itauyawa ma 'igu paihowa mabwaiyana 'ihepwailedi 'oimiya. Tauna 'iyadai bwebwe'ana, ma Yehoba 'ina topaihowa dumwadumwaluna, ma ba'idamai mahemahetena 'apaipaihowa.

Ibeliu 3:2

ta 'ihetapeweya 'ina paihowaina Yehoba 'i'ebwaeya, gide mwalona Mosese 'ihehetapewa 'esa Yehoba 'ina hada 'oina.

2 Timoti 2:2

wasana 'u'itayahi, wasaina 'oiguwega 'uhesagoheya tomota mabwaiyadi matadiya, 'oinega taudi ma'adi hemisa 'oidiya 'u'ebwaedi, ma taudi wete hali boda sihe'itadi.

Pilipai 2:25

Ta bewa tuwa 'igu nuwatuhu 'abehega 'ilobwaineya ma Epapilodito yahetune hileyawa 'oimiya, tauna tasigu ta mahetegu 'apaipaihowa, tuwa gide 'alolo'aleha Yesu Keliso weyahina. Epapiloditoina mwalo 'agu lema 'oimiyega 'itauyeyama,

2 Kolinita 11:23

Ceguma taudi Keliso 'ina hewahewaliyao bwebwe'adi, taugu 'ina hewali bwebwe'ana hedade. Cigu gwae bewa gide yauyauleigu. Cigu guibiga 'oinega yanugeta sinediya, 'igu luhu deliya baibaiwa hedade, 'agu sapiyao wete baibaiwana ta tuta mabwaiyana 'oidiyega 'abehega tuwa nata ya'amasa.

1 Kolinita 4:2

Cima paihowaina 'oina 'ilobwaineya ma 'apaihowa bwaibwaina.

1 Timoti 4:6

Bewa loinaedi 'iyadao 'oidiya 'uhe'itaedi, 'oinega 'owa Yesu Keliso 'ina topaihowa bwebwe'ana, weyahina he'ita dumwaluna Yesu 'ana hemisa weyahina 'umulimuliyedi, ma 'oinega yaluyaluwau 'ihewaiwai.

Epeso 5:21

Cimi he'asisi Keliso 'oina gidemusa wete 'omi waboi wahe'asisi hilegomi, ma loina wahematamatanedi.

1 Kolinita 7:25

Geya 'aigeda wete loina Yehoba 'i'ebwaegauwa gumalaulau taudi geya sihai weyahidi, ta hesiyage 'ihelauwegauwa ma nuwatuhu dumwalunega 'i'ebwaegauwa loinaina weyahina.

1 Kolinita 4:17

Ma natugu Timoti yahewasaeyawa ma 'ane 'ihepwaile 'oimiya, 'igu hemisa Keliso 'oina weyahina, gidemusa tohekalesiyao yahe'itediya 'asa mabwaiyana 'oidiya, ta 'oinega sahena wanuwanuwa naidedi. Timotiina yahelauweya ma yahemiseya, weyahina 'ida Bada 'ina paihowa 'oina 'ihetapewa hedada, ma bewa tuwa 'inaonaowa 'oimiya.

Madiu 25:21

“Ma badaina 'igwaeya, ‘Causala, 'owa topaihowa bwaibwaina ta dumwaluna. Cuhetapewa pwaiya ginaula 'i'iudi 'oidiyega, 'oinega 'a loina ginaula madoudi weyahidi ya'ebwaego, ma wete 'igu yaliyaya bewa 'oina 'umiyamiya.’

Madiu 24:45

“Topaihowa 'ausaladi ma sanasanapuidi 'idi mumuga bewa gide: Ceguma taiya tauna 'ina bada 'ihesinuweya ma hada 'i'itayahi ma topaihowao 'adi 'e'ahai 'i'ebwaedi sabwelo 'aigeda 'aigeda 'oidiya,

Madiu 18:29

“Coinega 'iyanaina 'i'etuluha ma 'oina 'i'ahwanoiya, 'igwae, ‘Tuwa 'u'atemuyemuyegau, ma 'abwa 'igu lowaga mabwaiyana yahemaise.’

Kolose 4:9

Ma tasidai Onesimo Tikiko ba'idana sitautauyawa, ta Onesimoina tauna tuwa 'imi 'asa loheyaina, ta loheya bwebwe'ana, ma'ana hemisa. Ma taudi to'aha 'ebwa silatulatuwa sihegwaegwae 'oimiya.