Ibeliu 9:26 - Loina Nuahuana

²⁶ Moisa, 'eguma Keliso 'ina paihowa taudi topwaoli madoudi gide, 'ida 'amasa hilahila bale'u 'ana gihehemasalaha 'oinega ta tuta nige. Ta hesi ma'aigedamo tuwa, tuta 'ana 'ebelosaloha bewa 'oina, wahina tauna 'ipwaoliyeya, mumuga galadi 'adi nuwasam weyahina.

Ibeliu 9:26 Referans Kwoze

1 Pita 1:20

Yehoba Kelisoina 'ihesinuwa nugeteya 'ina paihowa bewa weyahina, ee muliyetega bale'u 'ipaihoweya, ma tutaina 'ebe gumwala bewa 'oina Kelisoina 'ihapwesama, tauda weyahida.

Ibeliu 9:12

Coinega Yesu Tupwa He'asisi Hedade 'oina 'iluhuwa ma'aigeda, ta bweyaha 'oinega 'ipwaoli, ma bweyahina geya hebai goti bweyahidi bo bulumakau 'i'iudi bweyahidi, ta hesi tauna bweyahina, ta 'oinega 'ada 'abihe'ehau hataya talobeya.

Madiu 25:34

Ma 'oinega toloina taugu taudi 'igu 'ebeula 'oina yahegwaedi ma yagwae, ‘Comi Tamagu 'ina helauwega wayaliyaya, wanaoma ma 'imi 'ebeloinaina wa'ewa, beno bale'u 'ana hemasalaha hohau 'oinega 'i'atububuya weyahimi.

1 Pita 3:18

Gidemusa tuwa, Keliso ma'aigeda 'i'amasa 'ida galao weyahidi, ma tauna loheya bwebwe'ana, ma tauda galagalaida ma weyahida 'i'amasa, ta 'oinega 'itoegita Yehoba 'oina. Ma Keliso wahinamo silohe'amasiya, ma yaluyaluwana geya.

Ibeliu 1:2

Ma 'ebelosaloha tauda 'ida tuta 'ina gwaeyao 'ihepwailediya 'oida natuna 'oinega. Yehoba natunaina 'ihesinuweya, ma 'abehega ginaula mabwaiyadi 'oidiya 'ihetoloina, ta mwalohene natunaina ba'idana ginaula mabwaiyana sihemasalehediya.

Ibeliu 10:4

Weyahina bulumakau ma goti bweyahidi geya sawasawahina ma pui 'ideuli yahuledi.

Ibeliu 7:27

Ta topwaoliyao nugenugetadi sabwelo 'aigeda 'aigeda Yehoba 'oina sipwaopwaoli, taudi 'idi puiyao, ma tomota wete 'idi puiyao weyahidi. Ta hesi Yesu ma'aigedamo wahina 'itagwaleya ta 'ipwaoliyeya Yehoba 'oina weyahida.

1 Yoni 3:5

Ma wete tasanapuya, 'abehega Kelisoina 'itauyama 'ida mumuga galaedi sabi 'ewayahuledi, ma tauna geya 'eta wete 'ina puimo.

Ibeliu 10:12

Ta Keliso hesi ma'aigeda 'ipwaoliya mumuga galana weyahina, ta 'ina pwaoliina tuta mabwaiyana sawasawahina, ta 'ina pwaoliina mulina Yehoba 'ebeulanega 'imiyatoiya,

Ibeliu 10:10

Ta Yehoba 'ina nuwatuhuina ma Yesu Keliso tauna wahina 'ipwaoliye sabi 'abihe'ehaugita 'ina 'amasa ma'aigedamo 'oinega.

Ibeliu 9:14

Ta hesi Keliso bweyahina 'ebe 'abihe'ehau bwebwe'ana hedade, weyahina 'ateda 'i'abihe'ehaudi ma 'oinega paihowa besobeso talogwahatedi, ta Yehobaina mayawasina 'ina paihowao tapaihowadi. Weyahina Yaluyaluwa Tabuna miyamiya hatayana Keliso 'i'abihe waiwaiya, ta tauna ma'ina mumuga mabwaiyana dumwaluna ta geya 'aigeda wete galana 'oina, 'oinega tauna 'ipwaoliyeya Yehoba 'oina, beno 'i'amasa tauda 'ada 'ehau weyahina.

1 Pita 2:24

Ma weteyage Keliso tauna wahinega 'ida galao 'i'ahalidiya kelose 'oina, ma nage 'oinega 'ida mumuga galadi sigumwala, ma mumuga dumwaluna 'oinega tatauya. Tauna 'ana badi 'oinega 'imi bwebwe'ana walobeya.

Heꞌitaꞌita 17:8

Hebaiina 'u'iteya mwalo mayawasina ma 'i'amasa pwaiya, ma 'abwa 'ilatuma gaulaina madouna 'oinega ma 'itauya, ma 'oinega sigihegala bwaibwaini. Ta tomota mebale'u, taiyewedi taudi sanidi Yehoba geya 'ilele yawasi bukina 'alona, tutaina bale'u 'ana hemasalaha hauhau 'oina, taudi hebaiina 'abwa si'ita ma nuwadi 'ihenainaida, weyahina mwalo mayawasina, ta tuta bewa 'i'amasa pwaiya, ma 'abwa 'ilatu hilama.

Ibeliu 4:3

Ma tauda 'ana tohemisao talobeya, ma hesi taudi mwalohene geya sida lobeya, weyahina geya sihemise, ta Yehoba 'adi gwae 'igwaeya, “Yagamwasowalediya 'oinega yagwae pa'alediya ta sahena 'ebe 'aiyawasi 'oiguwega silobaloba.” Yehoba 'ina 'ebe 'aiyawasiina 'imiyamiya, weyahina tutaina bale'u mabwaiyana 'ihemasalehediya ta 'igumwala, ta 'oinega 'i'aiyawasiya.

Taito 2:14

Tauna 'itagwaleya weyahida, ta 'i'amasa sabi 'abihetegita 'ida pui mabwaiyana 'oidiyega, ta 'i'abihe 'ehaugita, ta 'iboi 'ina boda 'oina 'ilagugita, ta 'ane 'ina paihowa bwebwe'adi 'oidiya taguibiga.

Epeso 5:2

ma wahelau hilegomi gidemusa Keliso 'ihelau 'esegita, ta tauna 'itagwaleya ta 'iboi 'ipwaoliyeya Yehoba 'oina weyahida, ta 'i'amasa, gide pwaoli mahaina Yehoba 'inisoya 'abehega 'ausalana.

Epeso 1:10

ta 'ina loinaina bewa 'abehega tuta 'ana 'ebelosaloha 'oina Keliso ginaula mabwaiyadi 'ihegogonedi ma sihe'aigeda, beno ginaula galewa ma wete ginaula bale'uwa mabwaiyadi 'ilagu hegogonedi tauna matana.

1 Kolinita 10:11

Cebe'itaedi bewa mabwaiyadi Buki He'asisi 'oina silelediya 'abehega bewa tuwa mehau tauda hemaisaedi mwaudi tanuwatuhu yahidi ma sahena puiyedi tapaipaihowadi.

Heꞌitaꞌita 13:8

Ma mebale'u mabwaiyadi 'abwa 'oina si'etuluha, beno taudi 'eguma geya sanidi simiyamiya yawasi bukiina 'alona, bukina lamiina silohe'amasiya 'ina buki. Buki bewa 'alona taudi sanidi mwalo hene 'ilele nugetediya, eema muliyetega bale'u 'ihemasaleheya.

Ibeliu 10:26

Ma 'eguma tanuwa sabwaleni to'aha Yehoba 'ana wasa moisa, ma muliyetega tatagwalegita mumuga galana 'oina, geya 'eta wete pwaoli 'imiyamiya sabi 'abihe'ehau hilegita,

Galetiya 4:1

Coinega wanuwatuhuyahi 'eguma taiya 'ina tuta gwama 'oina ma tamana 'ina 'ebeloina 'i'ebwaeya, gwamaina geya'abwa 'ihehetoloina, ma hesi 'ihetopaihowa,

Yoni 17:24

“Tamagu, tomotaedi 'u'ebwaegauwa, nuwanuwagu ma 'asainaina 'oina yatautauya taudi wete 'asainaina 'oina mahetegwao 'ada miyamiya ma 'oinega 'igu wasawasaina 'u'ebwaegauwa nage 'oina si'ita. Weyahina muliyetega ma bale'u bewa 'upaihoweya, taugu 'uhelauwe nugetegauwa.

Yoni 1:29

Ci'adaleya, Yoni Yesu 'i'iteya 'itautauyama 'oina. Ma Yoni boda 'ihegwaediya 'igwae, “Loheya nage 'itautauyama Yehoba 'ina lami, tauna 'abwa mebale'u weyahida 'i'amasa, ma 'ida puiyao 'i'ewa yahuledi.

Madiu 13:39

ma 'awata 'ana tosaweyana beno tauna Seitani, ma tuta 'eli'eli beno tuta 'ana 'ebelosaloha, ma to'eli'eli taudi anelose,

Madiu 13:40

ma tuta 'ana 'ebelosaloha 'oina togala taudi tuwa gide 'awata sihegogonedi ma sigabu yahuledi.

1 Pita 4:7

Muhemuhena ginaula mabwaiyana sigumwala. Coinega wa'itayahigomi ma 'imi nuwatuhuwao wagihepa'alidi, ma tuta baibaiwana wa'ahwa'ahwanoi Yehoba 'oina.

1 Yoni 3:8

Ta topui beno taudi Tomudulele 'ina bodao, weyahina tuta mwalo 'oinega ta nige, Tomudulele tauna topui. Coinega Yehoba Natuna 'ihenatuneya bale'uwa, 'itauyama Tomudulele 'ina paihowao sabi 'ahusepaledi.