Ibeliu 9:19 - Loina Nuahuana

¹⁹ Weyahina loina mabwaiyadi 'ihepwailediya tomota 'oidiya, ta 'oinega bulumakau 'i'iudi bweyahidi ma goti bweyahidi we'aha ba'idana 'ihebweliyeya, ta 'i'eweya, ta sipi hunuhunuwana belabelalana 'i'eweya, ma 'aiwe sanina hisopa matana 'ibadiyeya, ta bweyaha ma we'aha 'alona 'ihebuteya, ta 'oinega buki ma tomota 'ilosehu sehulidiya,

Ibeliu 9:19 Referans Kwoze

Ibeliu 9:12

Coinega Yesu Tupwa He'asisi Hedade 'oina 'iluhuwa ma'aigeda, ta bweyaha 'oinega 'ipwaoli, ma bweyahina geya hebai goti bweyahidi bo bulumakau 'i'iudi bweyahidi, ta hesi tauna bweyahina, ta 'oinega 'ada 'abihe'ehau hataya talobeya.

Ibeliu 10:4

Weyahina bulumakau ma goti bweyahidi geya sawasawahina ma pui 'ideuli yahuledi.

1 Pita 1:2

Comi mwalo Yehoba 'inuwatuhugomiya ma 'ane 'ihesinuwegomi 'ina tomotaiyao, eeta 'ina Yaluyaluwa Tabuna bo'i 'igihe'ehau hilegomiya, beno Natuna bweyahinega, ma 'abehega Yesu Kelisoina 'enana wahematamatane. Sowasowana helau ma nuwadaumwala simadou 'oimiya.

Yoni 19:5

Coinega Yesu ma'ana talatala, ma wete ma'ana 'ale'o wasawasa bwehabwehalina 'ilatuwa 'atamana, ma Pailatoina wete bodaedi 'ihegwaediya 'igwae, “Bewa tauna loheyainaina wa'ita!”

Yoni 19:2

Muliyetega tolo'alehaedi talitali si'eweya, Yesu 'ana talatala sipaihoweya, ma Yesu debana silaguya. Cabwa wete 'aigeda 'ale'o wasawasa bwehabwehalina si'eweya ma sihe'oteya.

Maki 15:20

Cidi lotuyana 'igumwala, ta 'ale'o wasawasaedi 'oinega sihaloloya, ma 'iboi 'ana 'ale'owega sihe'ote hileya, ma sitoeya sabi gihekelose.

Maki 15:17

Coinega wasawasao 'adi 'ale'o bwehabwehalinega Yesu sihe'wameya, ma debana 'ana pasa talitali 'oinega sipaihoweya ma debana silaguya.

Madiu 27:28

ma 'ana 'ale'owao sihalolodiya, ta 'ale'o wasawasa 'oinega sihe'oteya sabi lotuyae,

Ibeliu 12:24

ta wete Yesu 'oina, tauna loina hauhauna 'ana to'eheleina, ta bweyahina 'ana losehusehula 'oinega 'i'abihetegita, ma geya gide Ebeli bweyahina, weyahina beno 'ebehesilae.

Ibeliu 1:1

Mwalohene hali tuta ma hali tuta 'oidiya, ta nuwatuhu baibaiwana 'oidiyega Yehoba 'ina gwae palopitao 'i'ebwaediya, ta taudi sihepwaileya tubudao 'oidiya.

Ibeliu 9:13

Ceguma ginaula bi'ibi'ina ta'abitoho ma wahida ta'abihebi'i ma goti bweyahina nuwana bulumakau bweyahina 'oidiyega talosehuligita, nuwana bulumakau mewahinena tagabu ma 'oinega tapwaoli Yehoba 'oina, beno 'ebe 'abihe'ehau wahida weyahina.

Ibeliu 9:18

Gide wete loina nugenugetana Mosese 'oinega, nugeta tupwadi hebai silohe'amasidiya, ta bweyahidiyega buki ma tomota mabwaiyadi Mosese 'ilosehu sehulidiya, ta 'oinega muliyetega loinaina 'ihewaiwaiya.

Ibeliu 10:22

Coinega Yehoba tahahoho ma'ida 'atetagwala ta ma'ida hemisa moisa, ma 'oinega wahida ta'abihe'ehaudi we'aha 'ausalana 'oinega, ma wete 'ida nuwatuhu si'ehau, weyahina Yesu 'ina losehusehula 'oinega 'ida nuwatuhu galadi 'i'abihe 'ehaudiya.